MARKUS 9:2 - KITAB NU TUMPU ALLA LELE MA'IMAI'

² Ilapas anon sinaa i Yesus nomboa i Petrus tiba i Yakobus ka' utusnyo i Yohanes, ola sausa' nu aha nokiita' i sa'angu' na bungkutnyo anu matangkas. I ahop nu mata nu aha, i Yesus sinangalasanmo.

MARKUS 9:2 ပူးပေါင်းရင်းမြစ်များ

1 TOMU-TOMUNDO' 18:33

Kau' anu oposun pinaha tambunnyomo i mezbah aijo', lantas sapi' anu sa'angu' aijo' kinolotmo ka' pinado-padotmo ka' pinaha potimpasnyomo i kau' haha aijo'. Lapas aij'o pinoto'inyomo, “Isimo opat na gumbang nu uee sampe mobuke' lantas dudu'akonmo na uee aijo' itampat ponsombahkonan koloban tiba kau'nyo haha aijo' suele odudu'i.” Salatan pinoko baumo nu aha na aijo',

1 TOMU-TOMUNDO' 18:42

Lantas i Ahab nambamo nongkaan ka' mule' i Elia nindakomo i Bungkutnyo nu Karmel. I kiita' mae ia tinolodadupumo, ohupnyo i hampot i tano' i olot nu bukunyo ohu-ohua'.

NOSABATMO 24:13

Lantas i Musa ka' i Yesua anu montulungi ia nosadiamo, ka' i Musa nindakomo i bungkutnyo kajojoongan nu Tumpu aijo'.

YESAYA 33:17

Tokaje mae na tempo'nyo belemiu montoamo samian na tomundo' anu mompalentah ma'ima'mo hondo ilipu' anu kaho ko bentengnyo.

YESAYA 53:2

Tumpu mongkahanda'i da posaihon-Nyo aijo' susumo ahi' sulot mae nu kau' anu tumuu' i tano' anu nategesmo. Madi' ko anu ma'ima' na otoanto aijo' hi ia madi' ko anu ma'ima' na anu timbali o kamiluinto.

MATIUS 14:13

Tempo'nyo i Yesus nohongo lele aijo', Ia sinumake' i duangan posi sausa'nyo ka' nompala'i tampat aijo', da mamba mokiijo' i tampat anu liing. Panyo salatan ihongo nu to mia-mian na han aijo', aha nompala'i kota-kota nu aha ka' namba nompayuntun i Yesus nontulu jalan katano'an.

MARKUS 14:33

Lantas i Yesus nongendei Petrus, i Yakobus, ka' i Yohanes mamba hingga-hinggat tiba Ia. Ia nontampu'unimo nongoa'i moliibos ka' susa'.

MARKUS 16:12

Lapas aijo' i Yesus nompotoa butongnyo hi ua'aha na anu saja' mombatuki Ia, panyo bau-baunyo madi' pokakana. Aijo' tinimbali tempo'nyo ua'aha na mian aijo' hau-haunyo lumajang mokiijo' i sa'angu' na kampung.

MARKUS 5:37

Lantas i Yesus i lumajang lau-laus, panyo Ia madi' mompobee' mau samian pe'e na anu mombatuki Ia, ola sambiha'nyo i Petrus tiba i Yakobus ka' i Yohanes moto utus.

LUKAS 6:12

Tempo'nyo aitu i Yesus nindako i sa'angu' na bungkutnyo da balado'a. I kiijo' Ia binalado'a hi Tumpu sinampahu.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

2 KORINTUS 13:1

Aiyamo na ko pintolunnyo aku toka molenga komiu. I uno nu Kitab nu Tumpu tinulismo, “Batu-batu palakala tionyo nu tinjohi nu sakisi ua'aha kabai totolu' na mian monsakisi, atina'je ka' palakala aijo' opototu'u.”

FILIPI 3:21

Butongto anu madi' mahoson ka' anu timbali mohonsu aiya nubali'ije i Kristus timbali sumo butong-Nyo anu talasanggo. Ia timbali moko ala mombau aijo' kalana Ia daagi' ko kuasa mompatundu' iwi-iwi na apaa.

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.