MARKUS 7:7 - KITAB NU TUMPU ALLA LELE MA'IMAI'

⁷ Palasuma na aha monsombah Aku, kalana atulan nu mian nu ajanakon nu aha au'aitu aijo'mo na atulan-Ku!’

MARKUS 7:7 ပူးပေါင်းရင်းမြစ်များ

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

MALEAKHI 3:14

Belemiu notatae, ‘Palasuma na aku monsombah Tumpu. Apaa na gunanyo mombau anu halus obaunto salaku bau pongadati Tumpu Anu Daka' na Kuasanyo kabai opotoanto hi Ia nakalakuanto salaku bau pomponyata saba' kita aiya nompele-pele'mo na nombau kasala'anto?

MATIUS 15:9

Palasuma na aha monsombah Aku, kalana atulan nu mian na nu ajan nu aha kokoonyo pe'e aijo' atulan-Kumo.’ ”

MATIUS 6:7

De komiu balado'a, boli opo uli-ulit sumo to mia-mian anu madi' monsumbu' Tumpu. Aha monsangka, saba' poitaon nu aha tionyo Nu hongo, sabab do'a nu aha anu mantan aijo'.

1 KORINTUS 15:14

Ka' de bisuannyo i Kristus sinilaka madi'mo po'ule' pinotumuu', saba' madi' ko kaliangannyo na kami mompolele apa-apaa ka' madi' ko kaliangannyo mule' na komiu palesaya, kalana komiu palesaya aijo' madi' ko bau pintoongan apa-apaa.

1 KORINTUS 15:58

Mokonyo aijo', to Utu-utus anu ku ku kanonongi, tionyo ahi' komiu mahoson ka' moko ala montahan soba'an. Saja' mokalaja totu-totu'u bau kapentingan nu Tumpu, kalana osumbu' miu, iwi-iwi' na anu obau miu bau kapentingan nu Tumpu, madi' ola palasuma.

PO'ULE' INGULIT 12:32

Obau iwi-iwi' apaa na anu pinalentahkonkumo hi belemiu boli otuangi kabai oga'ai.

KOLOSE 2:22

Atulan aijo' iwi-iwi' mongkona hahan anu de opake madi'mo daagi' ko kaliangannyo. Aijo' ola to atu-atulan ka' pangajalan-pangajalan anu binau nu mian.

TITUS 3:9

Opimpali'i na painggagan anu madi' ko gunanyo, to sisi-sisik anu pa' iyamae na pinolengkatannyo, mompaha lawa-lawani ka' pahantuda'an mongkona atulan nu agama. Iwi-iwi' aijo' madi' ko gunanyo, ka' madi' ko untungnyo.

YAKOBUS 1:26

De daagi' ko toto samian anu mongoa'i butongnyo mian anu tulu-tulutan i agama, panyo ia madi' mombala'ingati jila'nyo, saba' ia mongakali posi butongnyo; ia monsombah Tumpu madi' ko kaliangannyo.

YAKOBUS 2:20

Komiu ponga' hondo! Pa' palalu opobukuti' hi komiu na iman anu madi' ko gunanyo, aijo'mo iman anu madi' kopalabuan.

ANU PINOTO'I HI YOHANES 22:18

Toka hi batu-batu mian anu nohongomo potatae haha aiya anu pinoto'imo apaa na anu timbali saidi' mae anu tinulismo i kitab aiya, aku, i Yohanes, mombee'i pokinde' sumo uuka: de mian montuangi apa-apaa i potatae haha aiya, anu pinoto'imo nu Tumpu Allah; saba' nu tuangi nu Tumpu na hukuman nu mian aijo', nu to bala-balaa' anu tinulismo i uno nu kitab aiya.

1 SAMUEL 12:21

Boli montuluti to pilo-pilogot anu madi'moko ala montulungi ka' momposalamat belemiu, kalana aha sabenannyo imadi'an.