MARKUS 7:5 - KITAB NU TUMPU ALLA LELE MA'IMAI'

⁵ Kalana aijo' to mia-mian nu Farisi ka' to gulu-gulu' agama aijo' nompokilawa hi Yesus, “Kadaka' anu saja' mombatuki Beleyum aijo' mongkaan nu lima anu madi' obaso'i? Apaa na sababnyo aha madi' mombatuki adat nu mompolee'to?”

MARKUS 7:5 ပူးပေါင်းရင်းမြစ်များ

MATIUS 15:2

“Kadaka' anu saja' mombatuki Belento molanggai to ada-adat nu mompolee'to? De mongkaanmo, aha madi' mombaso'i lima imoonanyo mombatuki atulan!”

MARKUS 7:13

Jadi, tiba posi ajalanum anu binee' nu belemiu hi to mia-mian, komiu madi'mo nontalima potatae nu Tumpu. Daagi' manjoo' na han sumo aiya anu binau nu belemiu.”

MARKUS 7:8

To pale-palentah nu Tumpu madi'mo otoongi nu belemiu, ka' to atu-atulanmo nu mian na otoongi nu belemiu totu-totu'u.”

MARKUS 7:9

Lantas i Yesus notatae mule', “Komiu pande hondo mombahakon palentah nu Tumpu da timbali montoongi posi pangajalan.

SISIKON NU TO RASUL-RASUL 21:21

Ka' uuka aha nohongomo taalu' kita Utus nongajanmo iwi-iwi' mian nu Yahudi anu jojoong hi aha i bansa sangga'at, da madi'mo mohongo atulan i Musa. Kita Utus nompokinde'imo aha, da aha madi'mo monsunat te to ana-anak nu aha kabai mombatuki adat kabiasa'an nu Yahudi.

SISIKON NU TO RASUL-RASUL 21:24

Jadi, mambamo ahi' na kita Utus mombau baunyo nu adat momposusi' butong hingga-hinggat tiba aha, ka' bayan nakon na ongkos nu aha da ubak nu aha timbali o kis. Tiba anu sumo aitu nu nyata'je nu iwi-iwi' mian saba' apaa na anu i hongo nu aha mongkona kita Utus madi' totu'u, kalana posi kita Utus suele monjalanakon ahi' atulan i Musa.

ROMA 4:12

I Abraham mule' tuuma i uno nu kapalesaya'an bagi nu to mia-mian anu mombatuki atulan nu sunat. Ia tuuma nu kapalesaya'an nu aha misa' ola kalana aha mombatuki atulan nu sunat, panyo mule' kalana aha tumuu' palesaya hi Tumpu, pokakana i Abraham tempo'nyo ia ma'isa pe'e nombatuki atulan nu sunat.

GALATIA 1:14

I uno nu han mompojalan agama Yahudi manjoo' na mian nu Yahudi anu pokakana na umun tiba aku, aku na lebe monsumbu'. Ku palahatikan hondo na hahan mongkona to ada-adat nu mompolee' mami.

2 TESALONIKA 3:11

Kami motatae sumo aiya, kalana kami nohongomo, daagi' ko to mia-mian anu itina' hi komiu anu tumuu' ola lewa'mo luluk. Aha madi' mombau apa-apaa panyo ola ahi' saja' monggalo'i ulusan nu mian sangga'at.

2 TESALONIKA 3:6

To Utu-utus, kalana kuasa i Tumpu Yesus Kristus, kami mompalentah da komiu matijo'on hi to Utu-utus iwi-iwi' anu tumuu' to lulu-luluk, ka' madi' mombatuki aja-ajalan anu obee' kami hi aha.