MARKUS 7:34 - KITAB NU TUMPU ALLA LELE MA'IMAI'

³⁴ Lapas aijo' i Yesus nontihanga langit, lantas tinolo usa hoso-hoson ka' notatae hi mian aijo', “Efata”, anu alati'nyo, “Tinabuka'mo!”

MARKUS 7:34 ပူးပေါင်းရင်းမြစ်များ

YOHANES 11:41

Sahingga i hangkat nu aha na batu aijo'. Lapas aijo' i Yesus nontihanga langit ka' notatae, “Talima kaseh Tuuma, kalana kita nohongomo Aku.

MARKUS 6:41

Lapas aijo' i Yesus nongala olima' na roti ka' ohua' na ikan aijo' ka' tinihanga'nyo na langit ka' nontaeakon talima kaseh hi Tumpu. Ilapas aijo' biniha-biha'-Nyo na roti aijo' nu lima-Nyo ka' nombee' hi anu saja' mombatuki Ia, da obagi-bagiakon hi mian da'isan aijo'. Ka' ohua' na ikan aijo' binagi-baginyo mule' hi aha iwi-iwi'.

MARKUS 5:41

I Yesus nontoongi lima nu anak aijo' ka' notatae hi ia, “Talita kum,” alati'nyo; “Anak boune, Aku motatae hi beleyum: pobula!”

SISIKON NU TO RASUL-RASUL 9:34

I Petrus notatae hi Eneas, “Eneas, i Yesus Kristus mompa'alinmo beleyum. Bulamo ka' poko piani na kamale'anum.” I Tempo'mo aitu na i Eneas nobula.

YOHANES 11:33

Salatan i Yesus nontoa i Maria humaang, ka' to mia-mian nu Yahudi anu nojajaalan mae tiba i Maria aijo' singkona humaang, kinyonyoa-Nyo noliibosmo, ka' Ia tinongkoliibosonmo hondo na tinoa.

MARKUS 15:34

Ka' i jam totolu'mo mamalom, i Yesus noloboo'mo hoso-hoson nu potatae, “Eloi, Eloi, lama sabakhtani?” anu alati'nyo, “O Tumpungku, Tumpungku, kadaka' Belento mompala'imo aku?”

MARKUS 8:12

I Yesus nongoa'i sinusa' lantas nontaami, “Apaa na sababnyo mian tempo' uuka momoita Aku da mombau anu okabangangi? Madi'! Aku madi' mombee'i tanda anu sumo aijo' hi aha!”

SISIKON NU TO RASUL-RASUL 9:40

I Petrus nonsai aha iwi-iwi' mosabat, lantas ia dinumaladupu ka' binalado'a. Lapas aijo' ia nongahopi bangke' i Dorkas ka' notatae, “Tabita, pobulamo!” Sahingga i Dorkas nonjilakon matanyo, ka' salatan ia nontoa i Petrus, ia sinumuhangmo.

YOHANES 11:43

Noko taloakon aijo', i Yesus notataemo daka-daka', “Lazarus, posabat!”

IBRANI 4:15

Imam Daka'to anu talasanggo aijo' misa' imam anu madi' moko ala mongoa'i apa-apaa na anu madi' opoko ala o oa'into. Panyo Ia sinobanmo i uno nu iwi-iwi' na han, pokakana sumo kita; ola Ia madi' nombau dosa'.

YOHANES 17:1

Noko potatae sumo aijo', i Yesus nontihanga langit ka' notatae, “Kita Tuuma, u'uka aiya tinokamo na tempo'nyo. Popodaka'mo na Anak-To, da Anak-To suele mompodaka' kita Tuuma.

YOHANES 11:38

I Yesus po'ule' mule' tinongkoliboson, lantas namba i pinolamunan. Lamunan aitu sa'angu' na liang anu okulubi nu batu daka'.

YOHANES 11:35

Lantas i Yesus i humangmo.

LUKAS 19:41

Salatan i Yesus malia'mo ohani i Yerusalem, ka' nontoa kota aijo', Ia nohangimo.

LUKAS 18:42

Lantas i Yesus notatae, “Desumo aitu, toamo! Kalana beleyum palesaya hi belengKu, beleyum ma'alinmo.”

LUKAS 7:14

Lapas aijo' i Yesus nongohani pinolembanan anu sinilaka aijo', ka' tiniiknyo. Sahingga anu nolemban tinolotinjo. I Yesus notatae, “O olitau, Ku pokau na beleyum pobula!”

MARKUS 1:41

I Yesus nolibos hi mian aijo'. Jadi, Ia nompanya mian aijo' ka' Ia notatae, “Aku mongka'oho', pa'alinmo!”

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

NOSABATMO 2:23

Lapas aijo', pa' sinangkukamo na taun na kinopinnyo i tomundo nu Mesir sinilakamo. Panyo bansa Israel daagi' saja' mososon kalana aha daagi' saja' obotuani sahingga aha noloboo'mo nomoita tulung. Loboo' nu aha tinokamo hi Tumpu Allah.

MARKUS 7:35

Bihing nu mian aijo' tinabuka' ka' jila'nyo madi'mo i hojok sumo imoonanyo, ka' ia dinengkemo na nontampu'uni notatae.