MARKUS 6:2 - KITAB NU TUMPU ALLA LELE MA'IMAI'

² Tempo'nyo sinaa nu Sabat ia nontampu'unimo nongajan i laigan pogalejaan. Da'isan na mian i kiijo'. Tempo'nyo to mia-mian aijo' nohongo pangajalan i Yesus, aha binangang hondo. Aha notatae, “Lengkat iya na mian aiya nohumpak iwi-iwi' sumo aijo'? Kapandean anu sumo aijo' apaa aiya lengkat hi Ia? Mosia na Ia timbali mombau anu okabangangi?

MARKUS 6:2 ပူးပေါင်းရင်းမြစ်များ

MATIUS 4:23

I Galilea, i Yesus nonsongkohi iwi-iwi' na lipu' ka' nongajan i laigan pogalejaan. Ia nompolele Lele Ma'ima' tukoonyo Tumpu tionyo mompalentah. Ka' Ia mule' nompa'alin to mia-mian anu masakit ka' anu madi' sampa' na butongnyo.

MATIUS 7:28

Ahennyo i Yesus lapasmo na nongajan, ka' to mia-mian i kiijo' binangangmo hondo na nohongo pangajalan-Nyo.

MARKUS 1:39

Kalana aijo' i Yesus namba noyaya, songko-songko i Galilea, ka' nombee'i sisik nu Tumpu i to lai-laigan pogalejaan, ka' nolaa' to roh-roh ma'idek.

MARKUS 10:1

Lapas aijo' i Yesus nompala'imo tampat aijo', ka' aha nokiijo'mo i tano' Yudea ka' i tano' santoa nu Kaunyo Yordan. Mian da'isan tinoka mule' sinihuk montikubi Yesus. Ka' sumo biasanyo i Yesus nongajan aha.

LUKAS 2:47

Iwi-iwi' na anu nohongo Ia binangang kalana pontaami-Nyo minsoop i akan.

LUKAS 4:15

Ia nongajan i to lai-laigan pogalejaan, ka' mian da'isan nompuji'mo Ia.

YOHANES 6:42

Aha notatae, “Te misa' aiya i Yesus, anak i Yusuf? Osumbu' mami na tina ka' tuuma-Nyo! Te mosia ka' Ia timbali motatae tukoonyo, Ia nintatau' mae lengkat i suluga'?”

YOHANES 7:15

Anu mongkuasai Yahudi binangang hondo ka' notatae, “Mosia na mian aiya ka' manjoo' na anu nusumbu', padahan Ia madi' toho' nosikolah?”