MARKUS 2:5 - KITAB NU TUMPU ALLA LELE MA'IMAI'

⁵ Salatan i Yesus nontoa kinodaka' na palesaya nu aha, Ia notatae hi mian lupe aijo', “Anak-Ku, dosa'um ingampunanmo.”

MARKUS 2:5 ပူးပေါင်းရင်းမြစ်များ

KAJADIAN 22:12

“Boli osakiti nu belento na anak aijo' kabai opoposia nu beleyum na ia”, sumo aijo' na potatae nu Tumpu anu pinoto'i nu malaekat. “Uuka aiya sinumbu'-Kumo taalu' beleyum mongadati ka' tulu-tulutan hi beleng-Ku, kalana beleyum madi' pinanggaga na nombee' anak nu beleyum anu sa'a-sa'angu'nyomo aijo' hi beleng-Ku.”

MAZMUR 103:3

Ia na anu nongampunimo dosa' nu beleyum iwi-iwi', anu nompa'alinmo iwi-iwi' na panyakit nu beleyum,

YESAYA 38:17

Untuk kuku oa'i mongabali'mo susumo madi' ko apa-apaanyo, Belento nomposalamatmo aku da madi'mo kinokasilaka'an; iwi-iwi na dosa'ku ingampunanmo nu Belento.

YESAYA 53:11

Kalana aitu Tumpu notataemo, “Salatan lapas mo na mongoa'i kasansala'an, ia bilahije ka' sanangmo na kinyonyoanyo. Posaihon-Ku aijo', na momposanang kinyonyoang-Ku, nontanggungmo hukuman nu aha mian da'isan; kalana ia Aku mongampunimo aha.

MATIUS 9:2

I kiijo' mian nomboa hi Ia samian anu lupe, pinomale' i ampas. Tempo'nyo i Yesus nontoa kinodaka'nyo na palesaya nu to mia-mian haha aijo', Ia notatae hi mian lupe aijo', “Sabaan, anak-Ku! Dosa-dosa'um ingampunanmo.”

MATIUS 9:22

Tempo' aitu i Yesus nosiloi ka' nontoa boune aijo' balo notatae hi ia, “Posabaan anak-Ku! Kalana beleyum palesaya hi beleng-Ku, beleyum ma'alinmo!” Tempo'nyo aitu mule' i na'alinmo na boune aijo'.

MATIUS 9:5

Iya na lebe dengke: montaloakon, ‘Dosa'um ingampunanmo’, kabai montaloakon, ‘Bulaamo ka' lajangmo?’

MARKUS 2:6

To pia-piangkuka na gulu' agama hau-haunyo suha-suhang i kiijo' nontampu'unimo nompotutugakon i uno nu kinyonyoanyo,

MARKUS 5:34

Lantas i Yesus notatae hi boune aijo', “Anak-Ku, kalana beleyum palesaya hi beleng-Ku, beleyum ma'alin! Lako'mo ima-ima' beleyum sinehatmo totu-totu'u!”

LUKAS 5:20

Tempo'nyo i Yesus nontoa kinodaka'nyo na palesaya nu aha totu-totu'u, Ia notatae hi mian aijo', “Utus, dosa'um ingampunanmo.”

LUKAS 8:48

I Yesus notatae hi ia, “Anak-Ku, kalana beleyum palesaya hi beleng-Ku, beleyum na'alin. Lako'mo sinalamatmo.”

YOHANES 2:25

Madi' pilenje mian mombee'i katalangan hi Ia mongkona mian pa' ihe, kalana nu posi sumbu' pa' apaa na i uno nu kinyonyoa nu mian.

YOHANES 5:14

Lapas aijo' i Yesus siningkabotmo tiba mian aijo' i uno nu Laigan nu Tumpu, ka' notatae hi ia, “Uuka aiya beleyum ma'alinmo. Bolimo po'ule' baladosa' da boli mongoa'i anu lebe ma'idek.”

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

SISIKON NU TO RASUL-RASUL 14:9

Mian aijo', sinumuhang aijo' mae mohongo i Paulus notatae. I Paulus nontoa, mian aijo' palesaya ka' kalana aijo' ia pina'alinakon. Sahingga i Paulus nontonto'imo ia,

SISIKON NU TO RASUL-RASUL 5:31

Ka' Tumpu nombee'mo hi Ia kapalentahan ka' kakuasa'an anu matangkas sumo Polaya' ka' Pomposalamat; da bansa Israel obee'i tempo' da balatobat bolimo mombau to dosa-dosa'nyo ka' mohumpak'je ka'ampunan.

1 KORINTUS 11:30

Mokonyo aijo' manjoo' anu itina' hi komiu masakit ka' madi'mo mahoson, ka' mule' ko anu sinilakamo.

2 KORINTUS 2:10

De komiu mongampuni mian anu nombaumo sala' hi komiu, saba' aku suele mongampuni ahi' mian aijo'. Kalana apaa na anu ingampunankumo – de memang ko anu palalu o ampuni – aijo' ku ampuni i ahop i Kristus bau ka'ima'an nu komiu.

EFESUS 2:8

Tumpu mongkalibosi komiu, aijo' na sababnyo Ia momposalamat komiu kalana komiu pinalesayamo hi Yesus. Kasalamatan miu atina' misa' posi hasin nu usaha miu. Aijo' te balakat nu Tumpu. Jadi, madi' ko samian pe'e na anu timbali mongkabubuulakon posi butongnyo mongkona han aijo'.

KOLOSE 3:13

Komiu tionyo ahi' mompaha saba-sabalakon samian ka' samian ka' mompaha ampu-ampuni de daagi' ko anu mongingu sangga'at. Sanang na kinyonyoa nu Tumpu mongampuni komiu, jadi komiu suele tionyo ahi' mongka'oho' mongampuni samian ka' samian.

YAKOBUS 5:15

De do'a nu aha opotoka nu palesaya anu totu-totu'u, Tumpu nompa'alin mian anu masakit aijo', ka' mongampuni to dosa-dosa'nyo anu binaunyomo.