MARKUS 2:2 - KITAB NU TUMPU ALLA LELE MA'IMAI'

² Lantas da'isan na mian tinoka. Aha sinihuk kiijo' mae sampe madi'mo kino tampat. I sabatan pe'e nobuke'mo nogogensotanmo na mian. Lantas i Yesus nompotoka hi aha lele lengkat mae hi Tumpu Allah.

MARKUS 2:2 ပူးပေါင်းရင်းမြစ်များ

MAZMUR 40:9

Sanang na aku mombau pongka'oho' nu Belento, o Tumpu, atulan nu Belento pino una'kumo i uno nu kinyonyoangku.”

MATIUS 5:2

lantas Ia nontampu'unimo nongajan aha:

MARKUS 1:14

Salatan i Yohanes tinalungku', i Yesus namba nokiijo' i Galilea, ka' noleleakon Lele Ma'ima' lengkat hi Tumpu i kiijo' mae.

MARKUS 1:33

Songko-songko na miannyo i kota aijo' nosa'angu'mo i ahop nu laigan aijo'.

MARKUS 1:37

Ka' salatan aha nompahakabot Ia, aha notatae, “Iwi-iwi' na mian hau-haunyo molio kita Tuuma.”

MARKUS 1:45

Panyo mian aijo' namba, ka' lau-laus saja' nonsisik anu jinadi aijo' iyayamae sampe i Yesus ola ninsoop hoko-hokot i kota. Ia ola jinojoong i sambiha' nu kota i tampat anu liing. Mau sumo aijo' mian saja' toka hi Ia, lengkat iyayamae.

MARKUS 2:1

Ilapas tino pia-pianasinaa i Yesus ninsusule'mo i Kapernaum. Sahingga tinogilelemo na lele, taalu' Ia daagi' hau-haunyo i laigan.

MARKUS 2:13

I Yesus ninsusule' mule' i biwi nu Dowiwi Galilea. Da'isan na mian tinoka hi Ia, ka' Ia nongajan aha.

MARKUS 6:34

Salatan i Yesus ilumobos lengkat i duangan, Ia nontoa mian da'isan. Ia molibos hi aha, kalana aha sumomo domba anu madi' ko polaya'nyo. Sahingga Ia mule' nontampu'unimo nongajanakon manjoo' na han hi aha.

LUKAS 12:1

Momada-madala na mian nompaha genso-gensotmo sampe ko anumo pinahampeja'akon na tengkenyo. Hau-haunyo mian haha aijo' gombu-gombu, i Yesus notatae hi anu saja' mombatuki Ia, “Obala'ingati na ragi nu mian Farisi, patu nu potataeng-Ku, kageguanan nu aha.

LUKAS 5:17

Daagi' ko sansinaan tempo'nyo i Yesus hau-haunyo mongajan, daagi' ko to pia-piangkuka na mian nu Farisi tiba to gulu-gulu' agama sinumuhang i kiijo'. Aha tinoka lengkat mae i Yerusalem tiba lengkat mae i to kota-kota Galilea ka' i Yudea. Kuasa nu Tumpu daagi' hi Yesus, da nompa'alin to mia-mian masakit.

LUKAS 8:1

Madi' pinin lengkat i aijo', i Yesus nambamo i kota-kota ka' i kampu-kampung da mompolele Lele Ma'ima', saba' Tumpu Allah montampu'unimo mompalentah susumo Tomundo. Sampulu' ohua' na anu saja' mombatuki namba hingga-hinggat ka' Ia.

LUKAS 8:11

“Aiya na alati'nyo nu kantuangan aijo': Bine' aijo', aijo'mo potatae nu Tumpu.

SISIKON NU TO RASUL-RASUL 11:19

Lapas i Stefanus pinatean, to mia-mian anu palesayamo hi Yesus mulaimo saja' iloloi', sahingga aha noga'a-ga'atmo iyayamae. Daagi' ko anu nalai sampe tinoka i Fenisia, ka' daagi' mule' ko anu tinoka kiijo' mae i Siprus ka' i Antiokhia. Aha nompolele lele anu lengkat hi Tumpu ola hi to mia-mian nu Yahudi.

SISIKON NU TO RASUL-RASUL 14:25

Ka' noko polele na aha potatae nu Tumpu i Perga, aha nambamo nokiijo' i Atalia.

SISIKON NU TO RASUL-RASUL 16:6

Roh nu Tumpu madi' mompobee' i Paulus ka' i Silas mompolele potatae nu Tumpu i Provinsi Asia. Jadi aha i lumajang lau-lausmo nokiijo' i tano' Frigia ka' i Galatia.

SISIKON NU TO RASUL-RASUL 8:25

Noko lapas na aha nombee'i katalangan ka' nompotoka potatae nu Tumpu, i Petrus ka' i Yohanes ninsusule'mo i Yerusalem. Ka' manjoo' na to kampu-kampung i lambanan nu aha aijo' nompotoka Lele Ma'ima' i Samaria.

ROMA 10:8

Kahanda'nyo sumo uuka, “Lele lengkat hi Tumpu aijo' ohani hondo hi beleyum; i nganga'um tiba i kinyonyoaum.” Aijo'mo na lele anu oleleakon kami; lele tukoonyo tionyo mian palesaya.

2 TIMOTIUS 4:2

Tionyo ahi' beleyum saja' mompolele lele lengkat mae hi Tumpu Allah aijo', ka' sabole-bole opoita da mian mohongo pa' aha mongka'oho', kabai madi'. Tionyo ahi' beleyum bala usaha da mian palesaya totu-totu'u, mompoto'i kasala'an ka' mongkakeha'i aha. Pagala osabalakon na mongajan mian.