MARKUS 15:3 - KITAB NU TUMPU ALLA LELE MA'IMAI'

³ Kapala nu to imam-imam nombee'i katalangan mompobau-bau i Yesus manjoo' hondo.

MARKUS 15:3 ပူးပေါင်းရင်းမြစ်များ

MAZMUR 38:14

Panyo aku sumomo ahi' mian anu mabongon mamadi' mohongo sumomo ahi' mian anu momo' madi' motatae.

YESAYA 53:7

Talalo ahi' pinoko idek na nombau ia, panyo tinanggung nyomo ahi' nu sabaan. Ia madi' nombuka' nganga'nyo susumo anak nu domba anu oboamo i pongkolotan kabai tina nu domba anu okiismo na bulunyo.

MATIUS 27:12

Panyo tempo'nyo Kapala nu to Ima-imam ka' to pola-polaya' nu Yahudi nontaloakonmo posala' anu manjoo' hondo kona hi Yesus, Ia madi' montaami apa-apaa.

MARKUS 15:2

I Pilatus nompokilawa hi Yesus, “Totu'u Beleyum Tomundo' mian nu Yahudi?” “Sumo itina' potataeum,” tinaaman i Yesus.

MARKUS 15:4

Lantas i Pilatus po'ule' nompokilawa hi Yesus, “Madi'mo Beleyum mongka'oho' montaami? Soba toa pa' piangkuka na konjoo'nyo na pompobau-bau nu aha anu pinoto'i nu aha mongkona Beleyum!”

MARKUS 15:5

Panyo i Yesus madi' hondo daagi' nontaami, sahingga i Pilatus binangang.

YOHANES 19:12

Salatan i Pilatus nohongomo aijo', ia nompai usahakonmo da o polapasmo na i Yesus. Panyo to mia-mian nu Yahudi nolo-noloboo'mo, “De Kita Tuan mompobebas Ia, Kita Tuan misa' sangalu i Kaisar! Mian anu mangaku butongnyo tomundo, ia bali' i Kaisar!”