LUKAS 9:55 - KITAB NU TUMPU ALLA LELE MA'IMAI'

⁵⁵ I Yesus nosiloi, ka' tinambuha'annyo na aha.

LUKAS 9:55 ပူးပေါင်းရင်းမြစ်များ

2 SAMUEL 19:22

Panyo i Daud notatae i Abisai, ka' hi Yoab utusnyo tu'a, “Boli mae monggalo'i pikilanku. Kadaka' belemiu momposusa'mo mae aku? Sinaa aiya aku po ule'mo binau tomundo' nu aha Israel ka' madi'mo timbali ko mian nu Israel anu ohukum mate.”

AYUB 2:10

Tinaaman i Ayub, “Beleyum motatae sumomo mian anu ponga'! Te toho' mule' kita ola saja' mongka'oho' mongala anu ma'ima' hi Tumpu Allah, lantas anu madi' ma'ima' na madi'mo o'alanto?” Jadi maumo i Ayub nongoa'imo iwi-iwi' na balaa' anu susumo aijo' panyo ia madi' nontaloakon potatae anu mompisala'i Tumpu Allah.

AYUB 26:4

Toka hi he na potatae nu beleyum itina'? Ihe na mompoto'i ka' mompotiju' beleyum sahingga nonsumbu'mo notatae sumo itina'?”

AYUB 42:6

Mokonyo aijo' aku ma'ambangmo de ku inau'mo na anu tinaloakonkumo iwi-iwi' ka' aku nompele-pele'mo kalana aitu aku sinumuhangmo aiya i tano' anu ningabu'mo.”

AMSAL 9:8

Boli mongalu miana nu madi' mongka'oho' opogulu', saidi' mae nu ka'idekimo na beleyum. Panyo de mian anu pande na nu poto'i na kasala'annyo nu akuimo na beleyum.

YEREMIA 17:9

Kinyonyoa nu manusia na madi' ahi' opoko ala osumbu-sumbu' pande hondo, nu lingkudui na sinin na apaa ka' talalo ahi' tadok na belanyo.

MATIUS 16:23

I Yesus nonsiloi lantas notatae hi Petrus, “Lako' pala'i na tampat aiya, Ponggoda! Beleyum montewa' Aku. Pikilanum aijo' pikilan nu mian; misa' pikilan nu Tumpu!”

MATIUS 26:33

I Petrus notatae hi Yesus, “Pojohok na anu iwi-iwi' mompala'i Kita Tuuma, aku totu-totu'u madi'!”

MATIUS 26:41

Bajaga-jaga, ka' balado'a da komiu boli nu kona nu soba'an. Roh miu mongka'oho' mombau anu totu'u, panyo komiu madi' moko ala, kalana sipat nu mian aijo' madi' moko ala.”

MATIUS 26:51

Sala'samian na anu saja' mombatuki Ia, anu i kiijo' tiba i Yesus, nombubut bajaknyo ka' nontabas posaihon nu imam daka', sahingga nosamping na bihingnyo.

LUKAS 9:54

Saba' tempo'nyo anu saja' mombatuki Yesus, aijo'mo i Yakobus tiba i Yohanes nonsumbu'mo han nu aha aijo', aha notataemo, “Tumpu, de Tumpu mongka'oho', kami mompoita apu tudun lengkat mae i langit da monsilakai to mia-mian haha aiya!”

LUKAS 9:56

Ilapas aitu, aha nambamo i kampung sangga'at.

YOHANES 16:9

Nu ponyata'je tukoonyo de madi' palesaya hi beleng-Ku aijo' dosa';

YAKOBUS 3:10

Lengkat i nganga' anu sa'a-sa'angu'nyomo aijo' mosabat mae na potatae talima kase ka' mule' potatae mongkutuki. Sabenannyo madi' sumo aitu!

1 PETRUS 3:9

Boli mombalosi ka'idekan tiba ka'idekan, kabai monguda-udahi tiba monguda-udahi; panyo ola ahi' obalosi nu momoitakon balakat hi Tumpu. Kalana Tumpu nolagamo belemiu, ko kahanda'nyo da belemiu mohumpak balakat hi Ia.

ANU PINOTO'I HI YOHANES 3:19

To mia-mian anu Ku ku kalibosi, ahamo na anu Ku tewa' ka' Ku pohos. Kalana aijo' tionyo ahi' belemiu bikas ka' balatobatmo i to dosa-dosa' miu.