LUKAS 9:38 - KITAB NU TUMPU ALLA LELE MA'IMAI'

³⁸ Samian na mo'ane i totonga' nu mian da'isan aijo' noloboo', “Tuumangku Gulu', tulungi toakon na anakku – samba-sambatunyomo na anakku!

LUKAS 9:38 ပူးပေါင်းရင်းမြစ်များ

KAJADIAN 44:20

Tinaaman mami, 'Tuuma mami i langkai'mo ka' utus ise' mami i hampe tempo'nyo tuuma mami i langkai'mo hondo. Utus tu'a anu sa'a-sa'angu' na tina tiba utus ise' mami aijo' sinilakamo, jadi uuka aiya anu aha ua'aha me ia sausa' na daagi' tutuu', ka' tuuma mami talalo hondo mongkalibosi ia.'

ZAKHARIA 12:10

Lapas aijo' lee' mae i Daud tiba mian anu jojoong i Yerusalem Ku bee'imo kinyonyoa anu mongka'ima'i mongkalibosi ka' mule' mongka'ima'i balado'a. Aha saidi' mae montoamo ia jijinalo'mo nu aha ka' montando'imo susumo mian anu montando'imo anak anu sa'a-sa'angu'nyomo na sinilaka. Aha tumando'mo ka' susa'mo hondo na kinyonyoa nu aha susumo mian anu nolapusmo na anaknyo tumpe.

MATIUS 15:22

Samian na boune nu Kana'an lengkat mae i da'erah aijo', tinoka hi Yesus ka' nolo-noloboo', “Anak i Daud, kalibosi na aku! Anakku boune pininsoopanmo nu roh ma'idek. Ka'ada'annyo masakit hondo.”

LUKAS 7:12

Tempo'nyo i Yesus tinokamo i koko tumban nu kota, to mia-mian hau-haunyo momboa anu sinilakamo mosabat i kota. Anu sinilaka anak mo'ane, sami-samiannyomo na anak nu samian na balu. Da'isan na mian nu kota nonsangalui tinanyo.

LUKAS 9:37

Dodododopnyo sina-sinaa, i Yesus tiba totolu' na anu saja' mombatuki Ia nintatau'mo lengkat mae i bungkutnyo aijo', ka' mian da'isan tinokamo hi Yesus.

LUKAS 9:39

De roh ma'idek aijo' montokamo ia, ia nu busak sapolo-poloboo' ka' butongnyo hojok sampe nganga'nyo mimbuha'. Roh aijo' saja' monsakisa ia madi' mongka'oho' mosabat lengkat hi ia!

YOHANES 4:47

Salatan ihongonyo na i Yesus tinokamo i Galilea, lengkat mae i Yudea, ia inamba hi Yesus ka' nompoita da i Yesus toka mae i Kapernaum mompa'alinakon anaknyo anu kiniboli' sinilakamo.