LUKAS 7:38 - KITAB NU TUMPU ALLA LELE MA'IMAI'

³⁸ Ia tinuminjo i hiku i Yesus koko tengke-Nyo, ka' i humaang ka' nohumpisi tengke i Yesus nu lolu'nyo. Lapas aijo' tengke i Yesus ingambu'annyomo nu ubaknyo, lantas ingookannyo ka' dinudu'annyo nu minya-minya' manohong.

LUKAS 7:38 ပူးပေါင်းရင်းမြစ်များ

KAJADIAN 18:4

Da aku mongala pe'e uee bau pombaso'i tengke nu to Tuan-tuan. Imbo' pe'e Tuan-tuan da milawe i patu nu kau' aiya.

EZRA 10:1

Hau-haunyo i Ezra binalado'a ka' i humangmo ka' nongakuimo dosa' i ahop nu Laigan nu Tumpu, manjoo' hondo na mian nu Israel tinokamo sinihuk mau to momo'ane, kabai to boboune, ka' to ana-anak. Tinikubanmo nu aha na ia ka' singkapmo nolotando' na i humang.

MAZMUR 38:18

Me ise-ise' aku nanabu'mo, memo ahi' saja' aku mongoa'i sakit.

MAZMUR 51:17

O Tumpu tulungiakon mae na aku motatae, sahingga aku mompuji-puji'mo Belento.

ANU MOMPOLELE POTATAE NU TUMPU 9:8

Lebe ma'ima ohup nu beleyum balasahaya ka' lame' na otoa.

NYANYIAN ANU TALASANGGO 1:3

Beleyum talalo hondo manohong, sanggo nu beleyum sumomo minya-minya' anu nobubusmo; mokonyo aijo' to lalangkoyang monsindua'i beleyum.

YESAYA 57:9

Belemiu mompakemo minya-minya' anu manohongo, lantas mambamo monsombah pilogot Molokh. Belemiu nonsaimo to posa-posaihon i lipu' anu toto jo'o-jo'on, ka' mule' i dunia nu mian anu silakamo.

YESAYA 61:3

da mombee'i kabilahian ka' kalame'an hi mian anu sinusa'mo nakinyonyoanyo kalana koanumo sinilaka; da momabli'imo kinyonyoa nu aha sisinusa'mo timbalimo nyanyian bau pompuji'. Aha sumomo kau' anu pinosi su'an nu Tumpu. Aku mombaumo anu ma'ima' ka' totu'u, sahingga Tumpu opopodaka'mo.

YEREMIA 31:9

Aha lumajang humang Ku hase' ka' mule' Ku laya' na aha. Ku boa na aha montulu tampat-tampat anu manjoo' na ueenyo, montulu jalan daka' itampat nu aha lumajang aha madi' tosumpun. Kona hi aha Israel Aku sumomo ahi' tuuma nu aha; i Efraim aijo'mo na anak-Ku momo'ane anu tumpenyo.”

YOËL 2:12

Tumpu notatae, “Panyo uuka aiya pinsusule'mo mae hi beleng-Ku ka' totu-totu'unyomo ahi' na kinyonyoa, ka' bapuasa'mo, tumando' ka' humangmo.

ZAKHARIA 12:10

Lapas aijo' lee' mae i Daud tiba mian anu jojoong i Yerusalem Ku bee'imo kinyonyoa anu mongka'ima'i mongkalibosi ka' mule' mongka'ima'i balado'a. Aha saidi' mae montoamo ia jijinalo'mo nu aha ka' montando'imo susumo mian anu montando'imo anak anu sa'a-sa'angu'nyomo na sinilaka. Aha tumando'mo ka' susa'mo hondo na kinyonyoa nu aha susumo mian anu nolapusmo na anaknyo tumpe.

MATIUS 5:4

Bila-bilahi na mian anu mongoa'i susa' na kinyonyoanyo; Tumpu mongindeko'je aha!

LUKAS 22:62

Saba' nosabat na i Petrus lengkat i kiijo' ka' nohohunsuk lewa' i humaang.

LUKAS 6:21

Bila-bilahi na komiu anu mo'ohop uuka aiya; komiu opobosuje! Bila-bilahi na komiu anu humaang uuka aiya; komiu kumojoje!

LUKAS 7:37

I kota aijo' daagi' ko samian mule' na boune anu tumuu' i uno nu dosa'. Tempo'nyo ia nohongo i Yesus hau-haunyo mongkaan i laigan nu mian Farisi aijo', ia tinoka ka' nomboa sa'angu' na boton pualam ko isinyo minya-minya' manohong.

LUKAS 7:39

Salatan mian nu Farisi anu nolaga i Yesus nontoa han aijo', ia notataemo i kinyonyoanyo, “De mian aiya nabi, tantu nusumbu' ihe na boune aijo' anu nongkanyang Ia, apaa mule' boune aijo' tumuu' i uno nu dosa'!”

YOHANES 11:2

I Maria aijo'mo boune anu nondudu'akon minya-minya' manohong i tengke i Tumpu ka' nonsapui nu ubaknyo. Daagi' kino santempo'an i Lazarus nasakitmo.

YAKOBUS 4:9

Tionyo ahi' komiu totu-totu'u na mompele-pele' ka' humaang, ka' montando'i; tionyo ahi' kojoo miu timbali haang ka' lame' miu timbali kasusa'an!