LUKAS 6:38 - KITAB NU TUMPU ALLA LELE MA'IMAI'

³⁸ Bee'i na mian sangga'at, da Tumpu suele mombee'i beleyum; komiu montalimaje pombee'i molabi-labi anu tinakanmo ma'i-ma'ima' bau bagi miu. Kalana anu opake pontakanan komiu hi mian sangga'at, aijo'mo suele na opake pontakanan anu miu, nu Tumpu.”

LUKAS 6:38 ပူးပေါင်းရင်းမြစ်များ

2 SAMUEL 19:36

Madi'mo pantas na aku mohumpak tambo anu sumo itina' na ko daka'nyo. Aku ola monsangalui belento Tomundo' to pia-pialangkas lengkat aijo' i santoa nu Kaunyo Yordan.

ESTER 7:10

Sumo aijo' na i Haman pinokalayo'mo i ohi' anu pinototonnyomo anu kiniboli' bau pompokalayo'annyo i Mordekhai, lantas ilapas na aijo' atina'je ka' i tomundo madi'mo notambuha'.

ESTER 9:25

Panyo i Ester na nangadapmo hi tomundo, ka' pinalentahkonmo i tomundo, palentahnyo aijo' tinulis anu nonsaduakonmo tanga'an ma'idek anu binau i Haman nosi konamo posi butongnyo, sahingga ia ka' to ana-anaknyo pinokalayo'mo i ohi' anu binau da pompokalayo'an.

AYUB 42:11

Iwi-iwi' na to utu-utus i Ayub mo'ane anu toto tu'a-tu'anyo tiba, to utu-utusnyo anu toto bou-boune iwi-iwi', ka' to mia-mian anu mompahasumbu' i Ayub u'utu mae, tinokamo mae nonsingkaboti lantas nombaumo bau-bauon tiba ia i laigannyo. Aha suele lewa'mo i humang kalana sinin na kasusa'an anu pinotokamo mae nu Tumpu hi Ayub, ka' nombee'imo pokinde' da boli talalo dodukalon na ia. Toto samian na aha nongkawaimo doi ka' sa'angu' na sinsing mosoni' hi Ayub.

MAZMUR 79:12

O, Tumpu, balosakonmo na to bansa-bansa haha aijo' pimpitun lipat, kalana iwi-iwi' na alu anu mompopo'ise' Belento binaumo nu aha.

NOSABATMO 21:24

mata obolosi nu mata, bese' obolosi nu bese', lima obolosi nu lima, tengke obolosi nu tengke,

AMSAL 10:22

Ola ahi' kalana balakat nu Tumpu na mian timbali kaya, panyo mokalaja makeke madi' moko ala montuangi halata.'

AMSAL 19:17

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

AMSAL 22:9

Mian anu manonong nu balakati nu Tumpu kalana Ia mombee'i dale' hi mian anu madi' ko apa-apaanyo.

YEREMIA 32:18

Belento nompotoamo kalibosan nu Belento anu sampe toka sidu-sidutu hi aha momada-madala na mian, panyo Belento mule' ahi' mohukum mian kalana dosa' nu tu'anyo nu aha. Belento Tumpu Allah anu talasanggo ka' baani; sanggo nu Belento Tumpu Anu Mahakuasa.

MATIUS 10:42

De ihe na mompo'inumi, mau mule' ola uee lop hi sala'samian to mia-mian anu madi' ko angga'nyo, kalana ia anu saja' mombatuki Aku, palesayamo ia tantu montalima tamboonyo!”

MATIUS 7:2

Kalana sumo komiu mompisala'i mian sangga'at, sumo aitu mule' na Tumpu mompisala'i komiu. Ka' sukat anu o pake miu hi mian sangga'at, tionyo o pake suele nu Tumpu hi komiu.

MARKUS 4:24

Lantas i Yesus notatae mule', “Palahatikan apaa na anu ohongo miu aiya! Ukulan anu opake miu hi mian sangga'at, suele opake nu Tumpu hi komiu – ka' daagi' mule' lebe manjoo'.

LUKAS 6:30

De mian mompoita apa-apaa hi beleyum, bee'mo na aijo' hi ia, ka' de anu miu o agoi bolimo po'ule' opoita.

PO'ULE' INGULIT 15:10

Tiba kinyonyoa anu sanang ka' halala' na mombee' hi ia, sahingga Tumpu Allah nu belemiu mombalakatije iwi-iwi' na anu obau miu.

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!

TO MIA-MIAN KOPIAN 1:7

Koonyo i Adoni-Bezek, “U'utu mae pitumpulu' na tomundo pinatagakonkumo na kanumpu nu limanyo ka' kanumpu nu tengkenyo, lantas pinojohokumo na aha mongkaan tuuha' nu anu kinaanmo anu manabu lengkat mae aita' i meja'ku. Uuka aiya Tumpu Allah nombaumo aku pokakana sumo aku nombaumo aha.” I Adoni-Bezek ahennyo binoamo i Yerusalem, ka' ikiijo'mo mae na ia sinilaka.