LUKAS 6:28 - KITAB NU TUMPU ALLA LELE MA'IMAI'

²⁸ Balakati na mian anu mongkutuki beleyum, ka' odo'akon na mian anu mombau ma'idek hi beleyum.

LUKAS 6:28 ပူးပေါင်းရင်းမြစ်များ

1 TOMU-TOMUNDO' 13:6

Lantas notataemo na i Tomundo' Yerobeam hi nabi aijo', “Tulungiakon mae do'akon hi Tumpu Allah nu beleyum na aku. Poitakon da Nu kalibosi mae ka' mompo'alinakonmo limangku!” Nabi aijo' nondo'akonmo hi Tumpu, lantas na'alinmo na lima i tomundo'.

YEHEZKIEL 25:15

Tumpu Anu Matangkas na Kuasanyo notataemo, “Aha to mia-mian nu Filistin nombalosakonmo pinoko idek hondo nu aha na sampobali' nu mompolee' pe'e mae nu nu aha ka' nompateimo aha kalana tahahumo hondo na aha nongka'ideki.

MATIUS 5:44

Panyo uuka Aku motatae hi beleyum: Kanonongi na to sampo-sampo bali'um, ka' o sambayangakon na to mia-mian anu mongkabisa'i komiu,

LUKAS 23:34

Lantas i Yesus binalado'a, “Tuuma, ampuniakon na aha! Madi' sinumbu' nu aha pa' apaa na anu binau nu aha.”

LUKAS 6:27

“Panyo hi komiu anu mohongo Aku tempo' uuka, Ku potuun sumo uuka: Kalibosi na sampo bali'um, ka' bau na anu ma'ima' hi mian anu mongka'ideki beleyum.

LUKAS 6:35

Sepantasnyo misa' sumo aijo'! Komiu ola ahi' mongkalibosi sampo bali'um, ka' mombau anu ma'ima' hi aha. Komiu tionyo momposabon ka' boli montaha'imani po'ule' osule'akon. Desumo aitu tamboum daka' ka' komiu timbali to ana-anak nu Tumpu Anu Matangkas na Kuasanyo. Kalana Tumpu manonong na kinyonyoanyo hi mian anu madi' monsumbu' momoita talima kaseh, ka' suele hi anu ma'idek.

SISIKON NU TO RASUL-RASUL 14:5

Lantas to mia-mian Yahudi tiba to pola-polaya'nyo no hingga-hinggat tiba mian anu misa' Yahudi nomposa'angu'mo tanga'an da monsakisa ka' mompahambunu'akonmo to rasul-rasul aijo' nu batu.

SISIKON NU TO RASUL-RASUL 7:60

Lantas ia dinumaladupumo ka' noloboo' daka-daka' ka' notatae, “Kita Tumpu, boli dosa' aiya opokona hi aha!” Noko taloakonnyo sumo aijo' ia sinilaka.

ROMA 12:14

Opoita hi Tumpu da nubalakati na to mia-mian anu buhingison hi komiu. Opaka poita hi Tumpu da mombalakati aha, boli montuda'i balaa'.

1 KORINTUS 4:12

Kami pagala mombau apa-apaa molio kaanon. De kami ototobi'akon obalosi mami nu mondo'akon da obalakati; de kami osakisa, kami sabaan;

YAKOBUS 3:10

Lengkat i nganga' anu sa'a-sa'angu'nyomo aijo' mosabat mae na potatae talima kase ka' mule' potatae mongkutuki. Sabenannyo madi' sumo aitu!

1 PETRUS 3:9

Boli mombalosi ka'idekan tiba ka'idekan, kabai monguda-udahi tiba monguda-udahi; panyo ola ahi' obalosi nu momoitakon balakat hi Tumpu. Kalana Tumpu nolagamo belemiu, ko kahanda'nyo da belemiu mohumpak balakat hi Ia.