LUKAS 5:12 - KITAB NU TUMPU ALLA LELE MA'IMAI'

¹² Daagi' ko sansinaan, i Yesus jinojoong i sa'angu' na kota. I kiijo' mae daagi' ko samian na mo'ane butongnyo no buke'mo nu panyakit kilit anu okabuhuk. Salatan tinoanyo na i Yesus, ia tinolodadupumo i ahop-Nyo ka' nompoita, “Tuumangku, de Kita Tuuma mongka'oho', Kita Tuumangku timbali mompa'alinakon aku!”

LUKAS 5:12 ပူးပေါင်းရင်းမြစ်များ

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

LUKAS 17:16

Lantas i ahop i Yesus ia nonsombah, ka' nontalima kase hi Ia. Mian aijo' mian nu Samaria.

MATIUS 9:28

Tempo'nyo i Yesus ninsoopmo i uno nu laigan, ua'aha na mian mapisok aijo' tinoka hi Ia. I Yesus nompokilawa hi aha, “Opalesaya miu saba' Aku timbali mompa'alin komiu?” “Palesaya hi Kita Tuuma!” tukoonyo nu aha.

IBRANI 7:25

Mokonyo aitu sampe toka sidu-sidutu' i Yesus timbali momposalamat to mia-mian anu toka hi Tumpu, montului Ia, mokonyo aijo' Ia tumuu' sampe toka sidu-sidutu' da mompotokakon apaa na anu nu poita nu to mia-mian hi Tumpu.

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

MATIUS 26:6

Tempo'nyo i Yesus kiijo' i Betania, i laigan i Simon anu u'utu mae kinona nu panyakit kilit anu talalo ma'idek,

NOSABATMO 4:6

Tumpu notatae mule' hi Musa, “Posoop na lima nu beleyum i uno nu baju' nu beleyum.” I Musa nontulutimo, ka' salatan i hambetnyomo na limanyo, limanyo aijo' nopute'mo hondo kalana kinonamo nu panyakit kilit anu mahenyu.

KAJADIAN 18:14

Te daagi' ko han anu madi' opoko ala nubau nu Tumpu? Susumo anu tinaloakon-Kumo u'uka daagi' osio' na bitu'on Aku po'ule'mo minsusule' mae aiya. Ka' tempo'nyo aijo' i Sara nohampeakonmo anak mo'ane.”

1 TAWARIKH 21:16

I Daud nontoa mule malaikat ata i kalangan olot nu langit tiba katano'an totoong na bajak i limanyo nu malaikat mongkahanda'i mohopu'i Yerusalem. Nontoa aitu na i Daud tiba o tana tanasnyo anu lewa mompimpin mian laayat anu temponyo aitu hau-haunyo pake-pake na hude kalung bau tanda nompele pele'o singkap tindolo da dupu no kayong i tano.

2 TOMU-TOMUNDO' 5:1

I Naaman talenga' nu suludadu nu Siria anu nu kalibosi hondo ka' nu angga'i i tomundo' Siria. Kalana tibaje i Naaman sahingga Tumpu nombee'ije ka'untungan nahampate na suludadu Siria. I Naaman samian na talenga' anu baani hondo panyo ia ko panyakitnyo i kilit anu okabuhuk hondo.

1 TOMU-TOMUNDO' 18:39

Salatan tinoamo nu mian da'isan apa-apaa na jinadimo aijo' aha tinolodadupumo i tano' ka' notatae, “Tumpu, memang Tumpu Allah! Totu-totu'u Tumpu aijo', memang Tumpu Allah!”

YOSUA 5:14

“Misa sangalu, ka' mule' misa' sampobali',” tinaaman nu mian aijo'. “Aku mo'uuka mae salaku kapala nu suludadu nu Tumpu.” Nohongo aijo' i Yosua nalia-lia' tinolodadupu ka' nonsombah mian aijo'. I Yosua notataemo, “Aku aiya posaihon nu Tumpu. Apaa na anu timbali ku bau hi belento Tumpu?”

PO'ULE' INGULIT 24:8

De daagi' ko panyakit kilit anu monsilakai, bau ima-ima' apaa na anu pinalentahkonmo nu to ima-imam Lewi hi belemiu; obatuki na pokinde' iwi-iwi' anu binee'kumo hi aha.

IMAMAT 9:24

Monti-montik Tumpu montau'akonmo mae apu anu montoyo'i sampe mingkot na koloban anu opotunu ka' baha-bahagiannyo anu ko lompo'nyo i mezbah. Salatan aha mian Israel nontoamo, aha lewa'mo nontaligalai lantas tinolodadupumo nonsombahmo.

MARKUS 5:23

ka' nompoita totu-totu'u, “Kita Tuuma, anakku boune masakit hondo. De timbali toka pe'e mae da mompanyaakon, da ia ma'alin ka' boli silaka!”

2 TOMU-TOMUNDO' 7:3

Sinaa aitu aha opat na mian ko panyakit kilit anu okabuhuk kiijo' i sambiha' nu sabatan nu kota' Samaria. Aha binasisikmo samian ka' samian, “Apaa na gunanyo kita lewa' sumuhang i aiya montanda'i kasilakanto?

2 TOMU-TOMUNDO' 5:27

Kalana beleyum nongalamo anu binee'nyo aijo' beleyum suele nongalamo panyakit i Naaman. Ka' mule' sampe toka sidu-sidutu' lee' nu beleyum suele nu konamo nu panyakit aijo'!” Salatan i Gehazi nosabatmo lengkat kiijo', ia kinonamo nu panyakit kilit – kilitnyo nopute'mo hondo.

IMAMAT 13:16

Panyo de kumahut aijo' na'alinmo ka' po'ule' mule' mopute', mian aijo' tionyo ahi' mangadap hi imam

LUKAS 5:13

I Yesus nompanya mian aijo' ka' notatae, “Aku mongka'oho', pa'alinmo!” Tempo'nyo aijo' panyakitnyo i na'alinmo.