LUKAS 3:22 - KITAB NU TUMPU ALLA LELE MA'IMAI'

²² ka' Roh nu Tumpu nintau'mo i buan-Nyo sumo tomonsi' malapati'. Lantas i hongo na potatae nu Tumpu nontaloakon, “Beleyum na Anak-Ku, anu Kuku kalibosi. Beleyum momposanang kinyonyoang-Ku.”

LUKAS 3:22 ပူးပေါင်းရင်းမြစ်များ

MAZMUR 2:7

Notataemo na tomundo', “Ku bebakonmo apaa na anu tinantukanmo nu Tumpu. Ia notataemo hi belengku, ‘Beleyum ana-Ku mo'ane, sinaa aiya aku timbalimo Tuuma nu beleyum.

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

MATIUS 12:18

“Aiyamo na anu pinile'an-Ku anu sinaing-Kumo, mian anu Ku kalibosi ka' anu kona i kinyonyoang-Ku. Roh-Ku, Kubee'je hi Ia, ka' ka'adilan-Ku Nu leleakonje hi to bansa-bansa.

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

MATIUS 27:43

Ia palesaya hi Tumpu ka' notatae, tukoonyo Ia Anak nu Tumpu. Soba imbo' da otoanto pa' Tumpu timbali momposalamat Ia uuka.”

MATIUS 3:13

Tempo'nyo aitu i Yesus namba lengkat mae i Galilea namba nokiijo' i Kaunyo nu Yordan. I kiijo' mae tinoka hi Yohanes nomoita da o palamandikan.

MATIUS 3:16

Ilapas pinalamandikan, i Yesus lia-lia' nosabat lengkat mae i uee nu kaunyo aijo'. Madi' pinin langit tinabuka'mo ka' i Yesus nontoamo Roh nu Tumpu nintatau' sumo tomonsi' malapati' aita' i buan-Nyo.

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

MARKUS 1:11

Lapas aitu i hongonyo potatae nu Tumpu nontaeakon, “Beleyum na Anak anu Ku kalibosi. Beleyum na anu momposanang kinyonyoangku.”

MARKUS 1:9

Tempo'nyo aitu i Yesus tinoka lengkat mae i Nazaret, i tano' nu Galilea, ka' i Yohanes nompalamandikan Ia i Kaunyo nu Yordan.

MARKUS 9:7

Lapas aitu sehu' nongkulubimo aha, ka' lengkat i sehu' aijo' i hongo na lewo' notatae. “Aiyamo na Anak-Ku anu Kuku kalibosi. Hongoakon na Ia!”

LUKAS 2:14

“Puji' na Tumpu i langit anu matangkas hondo! Ka' i bawo nu dunia, salamatmo na mian anu momposanang kinyonyoa nu Tumpu!”

LUKAS 4:21

Ka' i Yesus nontampu'uni notatae hi aha sumo uuka, “Aya-ayat Kitab nu Tumpu aiya, sinaa aiya ginanapanmo salatan komiu nohongomo.”

YOHANES 1:32

I Yohanes suele nompoto'imo anu sinakisiannyo aiya, “Aku nontoa Roh nu Tumpu nintatau' sumo tomonsi' malapati', lengkat mae i langit ka' nanintengke' i buan-Nyo.

YOHANES 12:28

Tuuma popodaka' na sanggon-To!” Lantas i hongo na potatae lengkat i langit nontaloakon, “Pinopodaka'-Kumo, na sanggo-Nyo ka' po'ule'je Ku popodaka' na Ia.”

YOHANES 5:37

Ka' Tuuma anu nonsai mae Aku, suele mombee'imo katalangan mongkona Aku. Komiu ma'isa toho' nohongo potatae-Nyo kabai nontoa butong-Nyo.

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

KOLOSE 1:13

Ia nolapasakonmo kita i kuasa nu kapintungan ka' nolalinmo i uno nu kalaja'an nu Anak-Nyo anu Nu kalibosi.

1 PETRUS 2:4

Mokonyo aijo', tokamo mae hi Tumpu. Ia salaku batu anu tumuu', batu anu ingalinmo nu manusia kalana osangka madi' mingguna; panyo anu pinile'anmo nu Tumpu salaku batu anu ko angga'nyo.