LUKAS 24:47 - KITAB NU TUMPU ALLA LELE MA'IMAI'

⁴⁷ Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

LUKAS 24:47 ပူးပေါင်းရင်းမြစ်များ

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

MAZMUR 22:27

Miana nu kasiasi mongkaan sampe mobosu; mian anu tokamo hi Tumpu mompuji'mo Ia. O'amalakon da komiu mohumpak ka'ima'an sampe toka sidu-sidutu'!

MAZMUR 67:7

Tano' kino hasinnyomo, Tumpu, Tumpunto nombalakatimo mae kita.

MAZMUR 86:9

Iwi-iwi' na bansa anu pinotimbalimo nu Belento saidi' mae, tokamo o Tumpu kahanda' monsombah Belento ka' mompuji' Belento anu talasanggo aijo'.

YESAYA 11:10

Tempo'nyo saidi' mae tokamo samian na tomundo' lee' mae i Daud baumo lewa' palahatian nu to bansa-bansa. Aha tokamo mae hi ia, ka' tampat kajojoongannyo saja' lewa' opuji-puji'.

YESAYA 49:22

Tumpu Anu Matangkas na Kuasanyo notataemo hi mian anu palesayamo hi Ia, “Aku saidi' mae mombee'ije tanda hi aha to bansa-bansa, ka' aha monsule'akonje to ana-anak nu beleyum; to ana-anak nu beleyum anu to momo ane saidi' mae otangkungmo, ka' mule' to ana-anak nu beleyum anu to bou-boune osombungmo ibekoang.

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

YESAYA 5:4

Daagi' apaa mule' na anu tionyo ahi' Ku bau, panyo ma'isa Ku bau na ale' nu anggur-Ku aijo'? Kadaka' ia nimbua'mo anggur anu malosing, ka' madi' ahi' nimbua' anu matami' susumo anu ingima-imanan-Kumo?

YESAYA 52:10

Tumpu mompotoamo kakuasa'an-Nyo, i ahop nu mata iwi-iwi' na bansa. Sahingga songko-songko na dunia timbalimo monsakisi'i kasalamatan anu lengkat mae hi Tumpunto.

YESAYA 52:15

Panyo uuka aiya manjoo' na bansa nongkabangangimo, to tomu-tomundo' madi'mo noko ala notatae kalana binangangmo. Aha saidi' mae montoaje ka' mangalati'mo apaa na anu momonanyo mae ma'isa ahi' sinumbu' nu aha.”

YEREMIA 31:34

Madi'mo daagi' palalu maunyomo ola samian na bubu' aha mongajan sangalunyo da monsumbu' Tumpu. Kalana aha iwi-iwi' anu tu'amo kabai anu daagi' anak saidi' mae monsumbu'mo Aku. Kasala'an-kasala'an nu aha madi'mo lewa' Ku inau', to dosa-dosa' nu aha Ku ampunimo. Aku, Tumpu notataemo.”

DANIEL 9:24

Pimpitun lipat na pitumpulu' na taun, aijo'mo na tempo' anu pinotataapmo nu Tumpu mompobebas bansa nu belemiu tiba kota' nu belemiu anu susi' aijo' da bolimo baladosa' ka' bolimo mombau palabuatan anu ma'idek. Iwi-iwi' na dosa' o'ampunimo ka' mule' ka adilan anu sampe toka sidu-sidutu' aijo' sabole-bolemo ahi' opake sahingga anu lewa' tinoa ka' mule' anu lewa' okila-kila aijo' onyata'mo ahi', ka' Laigan nu Tumpu anu susi' aijo' po ule'mo ahi ponsomban Tumpu.

HOSEA 11:8

Tumpu notatae, “O Israel te toho' mule' ahi' belemiu Ku pojohok kabai Ku pala'i. Te toho' mule' ahi' belemiu Ku hopu'i susumo Adma? Kabai pa' Ku baumo susumo Zeboim? Madi' sanang na kinyonyoang-Ku mombau han aijo' kalana liibos-Ku talalo hondo daka-daka' hi beleyum!

HOSEA 2:23

Ku bauje na mian-Ku anu palesayamo da tumuu'mo sanang, ka' tataapmo ilipu' nu aha. Kona hi aha anu osanggohi ‘Anu Madi' Okalibosi’ ku potoaje saba aha Kukalibosi ahi', ka' hi aha anu osanggohi ‘Misa' mian-Ku anu palesayamo’ Ku taloakonje, ‘Belemiu mian-Ku anu palesayamo’. Aha montaamije sumo uuka, ‘Beleyumo na Tumpu mami!’ ”

MIKHA 4:2

aha iwi-iwi' motataemo, “Imbo' da kita mamba mindako mokiita' i puge'nyo nu Tumpu i Laigan nu Tumpu Israel! Ia nompogulu'mo hi kita apaa na anu tionyo ahi' obaunto. Kita mombatukimo pangajalan-Nyo kalana pangajalan nu Tumpu lengkat mae i Yerusalem; kiita mae i Sion Ia notataemo hi mian-Nyo anu palesayamo.”

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

MATIUS 28:19

Kalana aijo' lako'mo hi iwi-iwi' na bansa ka' songko-songko na dunia potimbali na aha anu saja' mombatuki Aku. Opalamandikan na aha ka' o sanggo na sanggo nu Tuuma, ka' Anak, ka' Roh nu Tumpu Allah.

MATIUS 3:2

“Balatobatmo bolimo mombau dosa-dosa' miu,” tukoonyo, “kalana Tumpu mompalentahmo sumo Tomundo!”

MATIUS 9:13

Soba selidiki' apaa na alati'nyo ayat nu Kitab nu Tumpu Allah: ‘Aku mongkahanda'i pongkalibosi ka' misa' koloban binatang’. Kalana Aku toka misa' da molaga mian anu monsanggo butongnyo ma'ima'mo, panyo mian anu o sangka madi' talakana'.”

LUKAS 13:34

Yerusalem, Yerusalem! To nabi-nabi pinateanmo! To poka-pokauhon nu Tumpu pinahambunu'akonkumo nu batu sampe i nate! To pimpi-pimpianmo na Aku kahanda' molimu' iwi-iwi' na tumpu nu lipu'um sumo tinaan nu manuk mongokobi to sio-sioknyo i aluk nu polipiknyo, panyo beleyum madi' mongka'oho'!

SISIKON NU TO RASUL-RASUL 10:43

Iwi-iwi' to nabi-nabi motatae mongkona Ia. Aha notatae tukoonyo iwi-iwi' mian anu palesaya hi Yesus, o ampunije na dosa'nyo nu kakuasa'an lengkat hi Yesus.”

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 13:46

Panyo i Paulus ka' i Barnabas nompaka baani mule' na notatae totu-totu'u. Aha notatae, “Potatae nu Tumpu memang hi komiu pe'e na tionyo pompotokan. Panyo kalana komiu madi' mongka'oho' montalima, komiu nosi tantukanmo saba' komiu madi' pantas montalima kantumuu'an kopian ka' toka sidu-sidutu'. Ka' uuka kami mompala'imo miu namba hi bansa sangga'at.

SISIKON NU TO RASUL-RASUL 2:38

Tinaaman i Petrus, “Balatobatmo, bolimo mombau dosa-dosa' miu. Ka' tionyo komiu toto samian opalamandikan nu sanggo i Yesus Kristus, da dosa-dosa'um o ampuni. Sahingga to Utu-utus montalimaje tambo nu Roh nu Tumpu lengkat hi Tumpu.

SISIKON NU TO RASUL-RASUL 20:21

Mau hi to mia-mian Yahudi kabai hi to mia-mian bansa sangga'at aku saja' mompokinde'i da aha bolimo mombau to dosa-dosa' nu aha ka' tokamo hi Tumpu, tiba palesaya hi Tumpu Yesus.

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

SISIKON NU TO RASUL-RASUL 26:20

Tiba sahondo-hondonyo aku mompoto'iakon hi to mia-mian, da aha bolimo mombau to dosa-dosa' nu aha, ka' mombee'mo butong nu aha hi Tumpu, lantas mompotoa i uno nu kantumuu'an nu aha saba' aha madi'mo daagi' mombau dosa-dosa' nu aha. Pinoto'ingkumo na han aijo' momonanyo i Damsyik, lapas aijo' i Yerusalem, ka' i songko-songko Yudea ka' aijo' hi aha to mia-mian anu misa' Yahudi.

SISIKON NU TO RASUL-RASUL 28:28

Ahennyo i Paulus notatae, “To Utu-utus tionyo monsumbu' saba' lele mongkona kasalamatan anu lengkat mae hi Tumpu uuka pinolelemo i to bansa-bansa sangga'at anu misa' Yahudi. Aha tionyo montuluti!” [

SISIKON NU TO RASUL-RASUL 3:19

Mokonyo aijo' to Utu-utus, balatobatmo i dosa-dosa' miu ka' pinsusule'mo mae hi Tumpu, da Ia mongalinakon dosa-dosa' miu.

SISIKON NU TO RASUL-RASUL 4:12

Ola ahi' kalana i Yesus mian oposalamat. Kalana i songko-songko nu dunia i totonga' nu mian madi' ko samian pe'e na anu nohumpakmo kakuasa'an lengkat mae hi Tumpu da momposalamat kita.”

SISIKON NU TO RASUL-RASUL 5:31

Ka' Tumpu nombee'mo hi Ia kapalentahan ka' kakuasa'an anu matangkas sumo Polaya' ka' Pomposalamat; da bansa Israel obee'i tempo' da balatobat bolimo mombau to dosa-dosa'nyo ka' mohumpak'je ka'ampunan.

ROMA 5:20

Anu nombee' atulan nu agama Yahudi aijo' posi Tumpu. Panyo lebe mian makeke montapali atulan aijo', lebe mule' aha molanggai ka' baladosa' hi Tumpu. Mau mule' mian lebe mombau dosa', Tumpu lebe mule' mongkalibosi aha.

EFESUS 1:6

Puji' na Tumpu anu talalo talasanggo kalana palesaya hi Anak-Nyo anu nu nukanonongi hondo, Ia suele nongkalibosimo hondo kita.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

1 YOHANES 2:12

Aku nontulismo toka hi belemiu, to Ana-anak, kalana dosa' miu ingampunanmo, aijo' ola kalana i Kristus.