LUKAS 24:44 - KITAB NU TUMPU ALLA LELE MA'IMAI'

⁴⁴ Lapas aijo' Ia notataemo hi aha, “Aiyamo na hahan anu pinoto'ingkumo hi komiu tempo'nyo Aku daagi' nojajalan tiba komiu: tukoongku apa-apaa na anu tinulis mongkona Aku i uno nu Kitab-kitab i Musa, to Nabi-nabi, ka' Mazmur, tionyo timbali.”

LUKAS 24:44 ပူးပေါင်းရင်းမြစ်များ

KAJADIAN 14:18

I Melkisedek, tomundo nu Salem anu suele montoongi imam nu Tumpu Allah Anu Matangkas hondo na kuasanyo, nomboaimo roti ka' anggur hi Abram,

KAJADIAN 22:18

Iwi-iwi' na bansa i dunia mongkakaseje hi belengku da Ku balakati na aha susumo Aku nombalakatimo lee' nu beleyum – kalana beleyum nontulutimo palentah-ngKu.”

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

MAZMUR 118:22

Batu anu ingalinmo nu to tuka-tukang anu nombau laigan tinimbalimo batu pinongusoi.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

YESAYA 52:13

Tumpu notatae, “Memang, posaihon-Ku usahanyo nu humpak; ia opuji-puji'mo ka' oholomatimo.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YESAYA 9:6

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

YEREMIA 23:5

Tumpu notatae, “Tokaje mae na tempo'nyo, Ku hangkatje na tomundo' samian anu adil lee' mae i Daud. Tomundo' aijo' saidi' mae pande na mompalentah ka' apa-apaa na obau saja' adin ka' saja' totu'u isongko-songko na lipu'.

YEREMIA 33:14

Tumpu notatae, “Tokaje mae na tempo'nyo Ku ganapimo na palajanjian-Ku anu binaung-Kumo hi aha Israel ka' hi aha Yehuda.

YEHEZKIEL 17:22

Sumo uuka na anu pinoto'imo nu Tumpu Anu Matangkas na Kuasanyo “I kau' lontio' tangka-tangkas aijo' Ku pato'mo na londiknyo lantas Ku pato'akonmo na sampanga' anu ma'isa motu'a; Panga'nyo Ku su'anmo i bungkutnyo anu matunjo mokiita' i kundom.

YEHEZKIEL 34:23

Aku mohangkatmo samian na tomundo' anu pokakana sumo posaihon-Ku i Daud da timbali bau polaya' aha, ka'iamo na mompalakai aha.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 7:13

Anu tinoangku pihi-pihi aijo', tinoangku daagi' ko anu susumo manusia. Ia tinoka mae sinaput nu kundom lantas nambamo hi Ia anu tumuu' sampe toka sidu-sidutu' ka' pinoto'imo na sanggonyo hi ia.

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

AMOS 9:11

Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.

ZAKHARIA 12:10

Lapas aijo' lee' mae i Daud tiba mian anu jojoong i Yerusalem Ku bee'imo kinyonyoa anu mongka'ima'i mongkalibosi ka' mule' mongka'ima'i balado'a. Aha saidi' mae montoamo ia jijinalo'mo nu aha ka' montando'imo susumo mian anu montando'imo anak anu sa'a-sa'angu'nyomo na sinilaka. Aha tumando'mo ka' susa'mo hondo na kinyonyoa nu aha susumo mian anu nolapusmo na anaknyo tumpe.

ZAKHARIA 13:7

Tumpu Anu Daka' na kuasanyo notatae, “Tinjomo mae o, bajak ka' tumbuhimo na polaya' potuu'on anu mokalaja hi beleng-Ku! Pateimo na Ia sahingga to domba-domba mosungke-sungkehetmo. Kutumbuhimo na mian anu palesayamo hi beleng-Ku,

ZAKHARIA 14:4

I sinaa aijo' Ia tuminjomo i Puge'nyo nu Zaitun sasu kabete'an Yerusalem. Sahingga Puge'nyo nu Zaitun mombagimo ohua' ka' timbalimo bangka'nyo anu ewa lengkat pe'e mae isasu kabete'an toka-toka isasu kinsoban. Sambagian na puge'nyo aijo' nodensu' sasu utara, ka' sambagian mule' nodensu sasu salatan.

ZAKHARIA 6:12

Poto'iakon hi ia, saba' Akumo na Tumpu Anu Daka' na Kuasanyo nonotataemo, ‘Mian anu osanggohi Sang Tunas na saidi' mae balahasin i tampat kajojoonganyo ka' ia po ule'mo mombau Laigan nu Tumpu.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

NOMBILANGMO 21:8

Lantas nompokaumo na Tumpu i Musa da mombau sa'angu' na ulo tambaga ka' opotedang i sa'angu' na kau' anu gagana' mantan. Batu-batu mian anu binahe'mo nu ulo haha aijo' timbali ma'alin de montoamo ulo tambaga aijo'.

NOMBILANGMO 35:25

Kaputusan nu mian anu binagombumo aijo' na mompobebas mian anu nompateimo madi' tinotonggolakon aijo', da utus nu mian anu pinateanmo aijo' bolimo do kahanda' mombalosakon. Mian aijo' tionyo ahi' po'ule' osule'akon mamba i kota tampat nompalaihakon butongnyo. Ia tionyo ahi' jojoongmo ikiijo' sangkutnyo mian anu tempo'nyo aitu tinimbali Imam Daka' silakamo; lapasje aijo' ia timbalije minsusule i kampung kajojoongannyo. Panyo de ia mompala'imo kota pinompalaihakonannyo butongnyo lantas nu kabotmo ka' nu pateimo nu to utu-utus nu mian anu pinateannyomo, saba' aha nombalosakon aijo' madi' o lekeng nompateimo.

MATIUS 1:22

Iwi-iwi' aijo' jinadi sumo aitu da ganaap apaa na tinaloakonmo nu Tumpu ka' anu pinoto'imo nu nabi-Nyo, aijo'mo,

MATIUS 16:21

I mulaan lengkat tempo'nyo aijo', i Yesus notatae pinotantu-Nyomo hi anu saja' mombatuki Ia, tukoonyo Ia tionyo mamba i Yerusalem, ka' mongoa'i manjoo' na kasansala'an lengkat i to pola-polaya', to ima-imam kapala ka' to gulu-gulu' agama. Ia tionyo o silakai, panyo sinaa kototolu'nyo Ia po'ule'mo opotumuu'.

MATIUS 26:54

Panyo desumo aijo', mosia na jadi sumo anu sinisikmo i uno nu Kitab nu Tumpu, tukoonyo memang tionyo jadi sumo anu tempo' uuka aiya?”

MATIUS 26:56

Panyo memang sumo aitumo da timbali apaa na anu tinulismo nu to nabi-nabi i uno nu Kitab nu Tumpu.” Lapas aijo', iwi-iwi' na anu saja' mombatuki Ia nopadeka'mo nompala'i Yesus.

MARKUS 9:31

kalana Ia hau-haunyo mongajan anu saja' mombatuki Ia. “Anak nu Mian obee'mo i kuasa nu mian,” sumo aijo' na koonyo i Yesus, “ka' Ia opatei, panyo sinaa ko totolu'nyo Ia po'ule'mo tumuu'!”

LUKAS 21:22

Kalana sina-sinaa aijo' aitumo na ‘Sina-sinaa Hukuman Onabu'akonmo,’ da tiba anu sumo aijo' tinimbalimo apaa na anu tinulismo i uno nu Kitab nu Tumpu.

LUKAS 22:37

Kalana, palesaya, ayat nu Kitab nu Tumpu nompoto'imo sumo uuka, ‘Ia o tuuk sumo mian anu ma'idek,’ tionyo aijo' timbalimo i butongku. Kalana apaa na tinulis i Kitab nu Tumpu Allah mongkona aku hau-haunyomo tinimbali tempo' uuka.”

LUKAS 24:46

Lantas Ia notataemo hi aha, “I uno nu Kitab nu Tumpu tinulis, tukoo-Nyo, ‘Tomundo anu Momposalamat tionyo mongoa'i sansala ka' tionyo pu'ule' tumuu' lengkat i kasilakan i sinaa kototolu'nyo.’

LUKAS 9:22

I Yesus po'ule' notatae, “Anak nu Mian memang tionyo mongoa'i sansala manjoo', ka' nu ewa nu to pola-polaya' tiba kapala nu to ima-imam, ka' gulu-gulu' agama. Ia tionyo o patei, panyo sinaa kototolu'nyo po'ule'mo opotumuu'!”

LUKAS 9:44

“O intomakon ima-ima' ka' boli okolilimi na potataeng-Ku aiya: Anak nu Mian tionyo obee' i kuasa nu mian.”

YOHANES 3:14

Susumo i Musa noliba'akon ulo tambaga i sangkau na kau' bololang i padang bolaa, sumo aitu mule' Anak nu Mian tionyo oliba'akon,

YOHANES 5:39

Komiu mompakalioi Kitab nu Tumpu kalana monsangka au'aitu desumo aijo' komiu ko kantumuu'anmo anu talakana' ka' toka sidu-sidutu'. Ka' posi Kitab nu Tumpu aijo' nombee'imo katalangan mongkona Aku.

YOHANES 5:46

De komiu palesaya hi Musa. Komiu tantu palesaya hi beleng-Ku. Kalana mongkonamo Aku na tinulisnyo.

SISIKON NU TO RASUL-RASUL 13:33

aijo' kinalaja'Nyomo hi kita tempo'nyo po'ule' nompotumuu' i Yesus lengkat i kapateannyo. Kalana i uno nu Mazmur anu ko ohua'nyo tinulismo, ‘Beleyum na Anak-Ku, i sinaa aiya Aku timbalimo Tuuma-Um.’

SISIKON NU TO RASUL-RASUL 13:40

Aijo' na sababnyo komiu tionyo mompalahatikan ima-ima', boli sampe timbali hi komiu apaa na anu tinaloakon nu to nabi-nabi aiya,

SISIKON NU TO RASUL-RASUL 2:27

Kalana Beleyum madi' mompojohok butongku jojoong i uno nu dunia mian mate. Beleyum madi' mompojohok posaihon-Um anu mohongo-hongo aijo' magalis ka' mingkot.

SISIKON NU TO RASUL-RASUL 3:18

Ka' kalana aijo'mo na jinadi suele apaa na anu noko poto'imo nu Tumpu u'utu mae hi to nabi-nabi-Nyo, anu pinotokanyomo hi komiu saba' Tomundo anu Momposalamat anu jinanji'mo aijo' tionyo mongoa'i sansala.

SISIKON NU TO RASUL-RASUL 7:37

Iamo suele na i Musa anu notatae hi bansa Israel, ‘Tumpu Allah mombee'je hi beleyum samian na nabi anu pinile'an lengkat hi posi komi-komiumo atina', susumo Ia nompile'imo aku.’

IBRANI 10:1

Atulan nu agama Yahudi ola mombee'i gambalan anu opiha-pihau' mongkona han anu ma'ima' anu tokaje mae, misa' gambalan anu sahondo-hondonyo mongkona han aijo'. Atulan aijo' madi' moko ala mompokopiani mian anu toka monsombah Tumpu ka' momboa mae anu osombahkon, mau mule' sataun-toka sataun saja' monsombahkon kolobaan anu susumo aijo'.

IBRANI 3:5

I Musa tulu-tulutan hondo salaku posaihon i uno nu Laigan nu Tumpu ka' mompotokakon hahan anu nu poto'ije nu Tumpu Allah aiyamae i ahop.

IBRANI 7:1

I Melkisedek aiya atina'mo na tomundo anu lengkat mae i Salem ka' imam nu Tumpu Anu Talasanggo. Tempo'nyo i Abraham ninsusule'mo lengkat mae namba nahampate nompatundu' to tomu-tomundo, i Melkisedek tinokamo nompolabot ia ka' nombalakati.

IBRANI 9:8

Tiba atulan anu sumo aijo', Roh nu Tumpu mompotiju'mo totu-totu'u, saba' de daagi' sabole-bole kemah anu i sasu ahop aijo' opotinjo, jalan minsoop i uno nu Salipi' anu Susi' hondo aijo' ma'isa tabuka'.

1 PETRUS 1:11

Aha monselidiki mosia ka' hipian na han aijo' timbali, apaa na anu kokoonyo nu Roh i Kristus anu kiijo' i butong nu aha. Tempo'nyo aitu Roh-Nyo na nompoto'i hi aha mongkona kasansala'an-kasansala'an anu tionyo nu oa'i i Kristus ka' mongkona katalasanggoan-Nyo anu nutalimaje lapas aijo'.

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.