LUKAS 24:38 - KITAB NU TUMPU ALLA LELE MA'IMAI'

³⁸ Panyo i Yesus notatae, “Kadaka' komiu mabuhuk? Kadaka' bata-bata i uno nu kinyonyoaum?

LUKAS 24:38 ပူးပေါင်းရင်းမြစ်များ

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

DANIEL 4:19

Nohongo aijo' i Daniel anu sisinanggohanmo i Beltsazar tinolokengkengmo ka' binangangmo panyo ola sinasaingoni'. Sahingga aku, i Tomundo' Nebukadnezar notataemo hi ia, “Beltsazar boli beleyum bata-bata kalana nu sabapi nu ipion aijo' ka' alati'nyo aijo'.” I Beltsazar nontaamimo, “O, Tuanku, talalo hondo ma'ima' de bisuanyo kajadian haha aijo' anu nu kila-kila nu ipion aijo' montuda'mo to sampo-sampobali' nu belento Tuanku.

DANIEL 4:5

Panyo daagi' kinosampahuan hau-haunyo aku hoyo-hoyot aku nongipimo ka' nontoamo anu mompobata-bata kinyonyoangku.

MATIUS 16:8

I Yesus monsumbu' apaa na anu binisalakon nu aha. Jadi Ia notatae, “Kadaka' komiu mombisalakon kalana madi' ko roti? Komiu madi' talalo palesaya!

LUKAS 24:37

Aha tinolokengkengmo ka' nabuhukmo, kalana koonyo pe'e aha nontoamo setan.

LUKAS 24:39

Toa na limang-Ku ka' toa na tengkeng-Ku. Akumo na aiya da osumbu'. Kanyang ka' toa ima-ima', kalana setan madi' ko antoknyo kabai bukunyo sumo anu otoa miu hi beleng-Ku.”

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.