LUKAS 23:35 - KITAB NU TUMPU ALLA LELE MA'IMAI'

³⁵ Baju' i Yesus binagi-bagimo i kiijo' nu aha binauakon undi. To mia-mian anu tinjo-tinjo i kiijo' mompotoakon, hau-haunyo to pola-polaya' nu Yahudi mompudik i Yesus nu potatae, “Ia nomposalamatmo mian sangga'at; soba' uuka posi posalamatmo na butong-Nyo, de Ia totu-totu'u Tomundo anu Momposalamat anu pinile'anmo nu Tumpu!”

LUKAS 23:35 ပူးပေါင်းရင်းမြစ်များ

MAZMUR 22:17

Aku tinikumo nu gombuan nu mian anu ma'idek na kinyonyoanyo; susumo ahi' gombuan nu dedeng na aha mohuntumo mae aku, nompahansusukakonmo mae limangku ka' tengkengku.

MAZMUR 35:15

Panyo tempo'nyo aku sinusa'mo, aha sinanangmo ka' sinihukmo mae mongewa mae aku. Aha ilumajang naha ejokanmo mompoponyihing ka' mompobau-bau mae aku.

MAZMUR 4:2

O Tumpu, Belentomo na anu montinjohi mae aku; taami mae de aku momoitamo tulung. De aku susa'mo, Belentomo na montulungi aku; uuka aiya kalibosiakon mae na aku ka' potombihingakon mae na do'angku.

MAZMUR 69:26

Bakas da bakema'an nu aha liingmo hondo-hondo, da iwi-iwi' na kema' nu aha madi'mo ko anu monjojoongi.

MAZMUR 71:11

Koonyo nu aha, “Ia pinala'ianmo nu Tumpu; imbo' da otuloi'to ka' ohakop to na ia, kalana madi'mo ko anu momposalamat ia.”

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

MOHAANGI 3:14

Sansina-sinaa na aku kinokojoan nu iwi-iwi' mian ka' ponojadimo nu aha anu lewa' osisik.

ZAKHARIA 12:10

Lapas aijo' lee' mae i Daud tiba mian anu jojoong i Yerusalem Ku bee'imo kinyonyoa anu mongka'ima'i mongkalibosi ka' mule' mongka'ima'i balado'a. Aha saidi' mae montoamo ia jijinalo'mo nu aha ka' montando'imo susumo mian anu montando'imo anak anu sa'a-sa'angu'nyomo na sinilaka. Aha tumando'mo ka' susa'mo hondo na kinyonyoa nu aha susumo mian anu nolapusmo na anaknyo tumpe.

MATIUS 12:18

“Aiyamo na anu pinile'an-Ku anu sinaing-Kumo, mian anu Ku kalibosi ka' anu kona i kinyonyoang-Ku. Roh-Ku, Kubee'je hi Ia, ka' ka'adilan-Ku Nu leleakonje hi to bansa-bansa.

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

LUKAS 16:14

To mia-mian Farisi nohongomo iwi-iwi' anu tinaloakon i Yesus. Lantas kinokojoanmo nu aha, kalana aha mongka'ima'i doi.

LUKAS 23:13

I Pilatus nolimu' kapala nu to ima-imam, to pola-polaya' ka' layat.

LUKAS 23:39

Sala'samian na mian ma'idek anu sinalib aijo' nompopo'ambangmo i Yesus. Ia notatae, “Te Beleyum misa' Tomundo anu Momposalamat? Yo, posalamatmo na butong-Um tiba kami!”

1 PETRUS 2:4

Mokonyo aijo', tokamo mae hi Tumpu. Ia salaku batu anu tumuu', batu anu ingalinmo nu manusia kalana osangka madi' mingguna; panyo anu pinile'anmo nu Tumpu salaku batu anu ko angga'nyo.