LUKAS 22:37 - KITAB NU TUMPU ALLA LELE MA'IMAI'

³⁷ Kalana, palesaya, ayat nu Kitab nu Tumpu nompoto'imo sumo uuka, ‘Ia o tuuk sumo mian anu ma'idek,’ tionyo aijo' timbalimo i butongku. Kalana apaa na tinulis i Kitab nu Tumpu Allah mongkona aku hau-haunyomo tinimbali tempo' uuka.”

LUKAS 22:37 ပူးပေါင်းရင်းမြစ်များ

YESAYA 53:12

Halala na kinyonyoanyo mombee' butongnyo ka' ninsoopmo i lekengan nu mian anu ma'idek na palabuatannyo. Ia nontanggungmo dosa' nu mian da'isan ka' binalado'amo da aha o ampuni. Sahingga binee'an-Ku mo na ia aha manjoo' na mian da bau sala-Ku palasen, ka' mohumpak bahagian hingga-hinggat tiba mian anu madi' ko kasala'annyo.”

MARKUS 15:27

Nohingga-hinggat tiba i Yesus aha nonsalibkan mule' ua'aha na anu lewa' batololang; samian i sasu koanan ka' samian mule' i sasu kowi-Nyo. [

MARKUS 15:28

Kalana sinumo aitumo sahingga jinadimo na anu tinulis i uno nu Kitab nu Tumpu aijo'mo: “Ia sinangkamo to mia-mian anu ma'idek”.]

LUKAS 18:31

I Yesus nomposihuk sampu-sampulu' ka' ohua' na anu saja' mombatuki Ia, ola posi aha, lantas Ia notatae. “Potombihing! Kita uuka mambamo mokiijo' i Yerusalem. Kiijo' mae iwi-iwi' na anu tinulismo nu to nabi-nabi mongkona Anak nu Mian, timbalimo.

LUKAS 22:22

Anak nu Mian memang silaka sumo anu tinantukanmo nu Tumpu; panyo mohumpak susa' na mian anu monguesani Ia!”

LUKAS 22:36

“Panyo uuka aiya,” koo-Nyo i Yesus, “ihe na ko dompet kabai botutu, tionyo momboa; ka' ihe na madi' ko bajak, tionyo nupobaluk na juba'nyo, da bau pongoli bajak.

LUKAS 22:52

Lapas aijo', i Yesus notatae hi kapala nu to ima-imam ka' to sulu-suludadu ponjagai Laigan nu Tumpu, tiba to pola-polaya' nu Yahudi anu tinoka i kiijo' kahanda' mohakop Ia, “Te Aku aiya mian ma'idek, sampe komiu toka ka' bajak tiba amangkun kahanda' mohakop Aku?

LUKAS 23:32

Daagi' mule' ko ua'aha na mian sangga'at – ua-ua'aha mian ma'idek – anu binoa nu aha da o hukum mate hingga-hinggat tiba i Yesus.

LUKAS 24:27

Lapas aijo' i Yesus nontutuhakonmo hi aha apaa na anu tinulis i uno nu ingko-ingkot Kitab nu Tumpu mongkona butong-Nyo, lengkat pe'e i Kitab-kitab i Musa ka' kitab nu to nabi-nabi.

YOHANES 10:35

Osumbu'to apaa na anu tinulis i uno nu Kitab nu Tumpu opake sidu-sidutu'. Jadi de Tumpu monsanggohi ‘tumpu’ hi to mia-mian anu montalima potatae-Nyo,

YOHANES 17:4

Aku nompopodaka'mo kita Tuuma i bawo nu dunia aiya, kalana nompotimbalimo hia nu kita Tuuma anu pinokauhakonto hi beleng-Ku.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”