LUKAS 21:37 - KITAB NU TUMPU ALLA LELE MA'IMAI'

³⁷ I Yesus nompogulu' i Laigan nu Tumpu sina-sinaa, ka' malomnyo mambamo i Bungkut nu Zaitun ka' jojoongmo kiijo' mae.

LUKAS 21:37 ပူးပေါင်းရင်းမြစ်များ

ZAKHARIA 14:4

I sinaa aijo' Ia tuminjomo i Puge'nyo nu Zaitun sasu kabete'an Yerusalem. Sahingga Puge'nyo nu Zaitun mombagimo ohua' ka' timbalimo bangka'nyo anu ewa lengkat pe'e mae isasu kabete'an toka-toka isasu kinsoban. Sambagian na puge'nyo aijo' nodensu' sasu utara, ka' sambagian mule' nodensu sasu salatan.

MATIUS 21:1

Salatan Yerusalem ingohanimo, aha tinokamo i Betfage i Bungkutnyo nu Zaitun. I kiijo' i Yesus nonsai ua'aha na mian anu saja' mombatuki Ia lumajang namba i moona.

MATIUS 21:17

Lapas aijo', i Yesus nompala'i aha, lantas nambamo i kota Betania ka' i hoyot sinampahu i kiijo' mae.

MATIUS 26:30

Lapas aitu, aha nonyanyiakon sa'angu' na nyanyian mompuji'. Ka' lapas aitu, aha nambamo i Bungkutnyo nu Zaitun.

MATIUS 26:55

Lantas i Yesus notatae hi mian da'isan aijo', “Te Aku mian ma'idek, sampe komiu toka momboa mae bajak, ka' amangkun mohakop Aku? Toka sansina-sinaa Aku mongajan i Laigan nu Tumpu, kadaka' komiu madi' mohakop Aku!

MARKUS 11:12

Dodododopnyo, salatan aha hau-haunyo lumajang nosabatmo lengkat i Betania, i Yesus no'ohopmo.

MARKUS 11:19

Ohanimo pihi, i Yesus ka' anu saja' mombatuki Ia nambamo nompala'i kota' aijo'.

MARKUS 14:49

Toka sansina sinaa Aku mongajan i Laigan nu Tumpu i ahop nu belemiu, ka' komiu madi' mohakop Aku. Panyo memang totu'umo tionyo sumo aijo', da timbali apaa na anu tinulis i uno Kitab nu Tumpu.”

LUKAS 19:29

Salatan tinokamo koko Betfage ka' Betania i Bungkut nu Zaitun, Ia nonsai ua'aha na mian anu saja' mombatuki Ia mamba imoona.

LUKAS 19:37

Salatan i Yesus malia'mo toka i Yerusalem, i jalan pintuahan nu Bungkutnyo Zaitun, iwi-iwi' na anu mombatuki Ia da'isan hondo aijo', lewa'mo noloboo'akon mompuji' Tumpu Allah ka' montalima kaseh hi Ia, kalana iwi-iwi' na anu okabangangi sinakisianmo nu aha.

LUKAS 19:47

Sansina-sinaa i Yesus mompogulu' i Laigan nu Tumpu. Kapala nu to ima-imam tiba gulu-gulu' agama, tiba to tu'a-tu'anyo nu Yahudi mongindi da o pateimo na Ia,

LUKAS 22:39

I Yesus nompala'i kota, ka' i namba susumo biasanyo i Bungkutnyo nu Zaitun, ka' anu saja' mombatuki Ia namba suele ka' Ia.

YOHANES 12:1

Daagi' anon sinaa tokaje na Sinaa Daka' Lamean nu Paskah i Yesus nambamo i Betania. I kiijo' mae jinojoong na i Lazarus anu sini-sinilakamo po'ule' pinotumuu' i Yesus.

YOHANES 18:2

I Yudas anu uwe-uwesan aijo' monsumbu' tampat aijo'; kalana i Yesus toho'mo sinilimu' i kiijo' tiba anu saja' mombatuki Ia.

SISIKON NU TO RASUL-RASUL 1:12

Lapas aijo' to rasul-rasul aijo' ninsusule'mo i Yerusalem lengkat mae i Bungkut nu Zaitun. Bungkutnyo aijo' tampatnyo kila-kila sa'angu' na kilometen na kojo'onnyo lengkat mae i Yerusalem.