LUKAS 21:21 - KITAB NU TUMPU ALLA LELE MA'IMAI'

²¹ Tempo' aitu mian anu kiijo' i Yudea, tionyo malai mokiita' i bungkutnyo. Aha anu i kota, tionyo mompala'i kota, ka' aha anu i sambiha' nu kota, bolimo minsoop i uno nu kota.

LUKAS 21:21 ပူးပေါင်းရင်းမြစ်များ

KAJADIAN 19:17

Lapas aijo' samian na malaekat aijo' notataemo, “Popalaimo, posalamat na nyawa nu belemiu! Boli monsiloi hiku ka' boli tolotinjo i bangka'nyo. Popalaimo mokiita' i bungkutnyo, da belamiu boli silaka!”

KAJADIAN 19:26

Panyo bengkele' i Lot nosiloi i hiku, sahingga ia nongabali'mo ka' tinimbalimo timuson sumo ohi' tinjo-tinjo.

AMSAL 22:3

Mian anu pande mongawahi de montoa mo anu monsilakai mian anu ponga' lumajang lau-laus lantas nukonamo nu balaa'.

YEREMIA 35:11

Panyo salatan i Tomundo' Nebukadnezar nontumbuhimo lipu' aiya kami nopalaimo namba da madi' nu patei nu suludadu nu Babel tiba suludadu nu Siria jinojoongmo i Yerusalem. Aijo' na sababnyo sahingga kami uuka aiya jinojoongmo i aiya.”

YEREMIA 37:12

Sahingga aku nompala'imo Yerusalem ka' nambamo idaerah Benyamin da montalimamo pombagian buden lengkat hi to to utu-utusku.

YEREMIA 6:1

Lako palaimo, o tomia-mian nu Benyamin! Pala'imo na Yerusalem! Po onyi'mo na tolompet kiijo' i Tekoa ka' pomoakmo na apu salaku tanda i Bet-Kerem! Balaa' tiba kasilaka'an anu opalias hondo montumbuhimo mae lengkat isasu utara.

NOMBILANGMO 16:26

I Musa notataemo hi aha mian nu Israel, “Pala'i na kemah nu mian anu toto ide-idek haha aiya ka' boli mongkanyang mau mule' pa' apaa na anu nu aha. De belemiu madi' mohongo-hongo, belemiu saidi' mae opatei hingga-hinggat tiba aha kalana dosa-dosa' nu aha.”

MATIUS 2:1

I Yesus i hampeakon i kota Betlehem i tano' Yudea tempo'nyo i Tomundo Herodes nompalentah. Tempo'nyo aitu to pia-piangkuka na anu pande monsumbu' ilimu' nu mandala' nolengkat mae sasu kabete'an tinokamo i Yerusalem.

MATIUS 24:16

Tempo'nyo aitu, mian anu daagi' kiijo' i Yudea tionyo malai i bungkutnyo.

MARKUS 13:15

Mian anu aita' i atop nu laigan, boli mintau' ka' minsoop i uno nu laigan mongala apa-apaa.

ANU PINOTO'I HI YOHANES 18:4

Lantas aku nohongo potatae sangga'at lengkat mae i suluga' nontaloakon, “Posabatmo mae, na mian-Ku anu pinalesayamo hi Beleng-Ku! Posabatmo mae lengkat i unonyo! Bolimo belemiu mombatuki to dosa-dosa'nyo, ka' manintuangmo montanggung hukumannyo!