LUKAS 20:28 - KITAB NU TUMPU ALLA LELE MA'IMAI'

²⁸ “Kita Tuumangku Gulu', i Musa nontulis atulan aiya da bau kapalaluanto: De samian na mo'ane silaka, ka' ia madi' ko anak, saba' tionyo mongosoai balunyo, da mombee'i lee' hi mian anu sinilakamo aijo'.

LUKAS 20:28 ပူးပေါင်းရင်းမြစ်များ

KAJADIAN 38:11

Lapas aijo' notataemo na i Yehuda hi Tamar moniannyo aijo', “Pinsusule'mo hi laigan nu tu'anyo nu beleyum ka' jojoongmo ikiijo' mae salaku balu sampe anakku i Syela daka'mo.” Ia notatae sumo aijo' kalana mabuhuk boli-boli i Syela nupatei nu Tumpu suele, sumo utusnyo tu'a ua-ua'aha. Sahingga i Tamar ninsusule'mo hi laigan nu tu'anyonyo.

KAJADIAN 38:26

Nusumbu' i Yehuda na balang haha aijo' sahingga ia notataemo, “Boune aijo' madi' ko sala'nyo. Aku madi' mombee' apaa na anu jinanji'kumo hi ia; ola ahi' ku po'osoakonmo na ia tiba anakku i Syela”. I Yehuda madi'mo toho' noduhus tiba i Tamar.

KAJADIAN 38:8

Lantas i Yehuda notataemo hi Onan utus ise' i Er, “Lako'mo hi balu nu utus nu beleyum tu'a ka' okamale'i na ia. Baumo apaa na anu palalu hi ia, kalana beleyum utus ise' nu langkai'nyo; da tiba jalan aijo' utus nu beleyum tu'a mohumpak lee'.”

LUKAS 20:29

Toho' jinadi popitu' na mian moto utus. Tumpenyo no'osoa, lantas sinilakamo madi' kino anak.