LUKAS 20:13 - KITAB NU TUMPU ALLA LELE MA'IMAI'

¹³ Ahennyo tumpu nu ale' aijo' notatae, ‘Apaa mule' na tionyo kubau? Kusaije na posi anakku anu kuku kalibosi. Tantu iaje na nu adati nu aha!’

LUKAS 20:13 ပူးပေါင်းရင်းမြစ်များ

YESAYA 5:4

Daagi' apaa mule' na anu tionyo ahi' Ku bau, panyo ma'isa Ku bau na ale' nu anggur-Ku aijo'? Kadaka' ia nimbua'mo anggur anu malosing, ka' madi' ahi' nimbua' anu matami' susumo anu ingima-imanan-Kumo?

YEREMIA 36:3

Ugaat mian nu Yehuda belentimo na mombau palabuatan anu ma'idek de aha mohongomo iwi-iwi' na balaa' anu Ku pokona hi aha. Sahingga ku ampunimo na dosa' tiba palabuatan nu aha ma'i-ma'idek aijo'.”

YEREMIA 36:7

Ihe na monsumbu' tiba jalan anu sumo aijo' aha balado'amo hi Tumpu, ka' balatobatmo madi'mo mombau sinin na palabuatan nu aha ma'i-ma'idek aijo'. Tumpu notambuha'mo hondo hi aha ka' nompoto'imo hukuman hi aha.”

YEHEZKIEL 12:3

Kalana aijo' o, manusia anu madi' tumuu' batu. Bau na uuka, panyo obau sinaa potouka na bala-balang nu beleyum ka' obaluni isa'angu' na balunan susumo anu saja' nu bau nu aha anu oboamo ka' opojoongmo ilipu' sangga'at. Ka' ma'isa pe'e pihi pala'imo na laigan nu beleyum panyo boli ahi' matikohowini hi mian susumo ahi' mian anu oboamo itampat pompojoongan. Bolo'i na pimpi' nu laigan nu beleyum panyo nu toa ahi' nu mian anu sasaja' motomuhuk haha aijo', ka' boamo na balunan anu ko isinyo nu balang nu beleyum ka' posabatmo montulu bolo' ai-aijo'. Ka' simbumo na balunan atina ibekoang nu beleyum. Ka' lambamo panyo pihije ahi'; kukubi na mata nu beleyum sahingga madi' nu toa-toa na jalan anu nu tului. Pobakas da iwi-iwi' na bansa Israel montoa iwi-iwi' apaa na anu binaumo nu beleyum, da baumo salaku pokinde' hi aha. Da ihe na monsumbu' ugaat tiba jalan anu sumo aijo' aha mangalati'je taalu' aijo'mo aha na anu saja' motomuhuk.”

HOSEA 11:8

Tumpu notatae, “O Israel te toho' mule' ahi' belemiu Ku pojohok kabai Ku pala'i. Te toho' mule' ahi' belemiu Ku hopu'i susumo Adma? Kabai pa' Ku baumo susumo Zeboim? Madi' sanang na kinyonyoang-Ku mombau han aijo' kalana liibos-Ku talalo hondo daka-daka' hi beleyum!

HOSEA 6:4

Panyo Tumpu notataemo, “O Israel tiba Yehuda! Apaa na anu tionyo Ku bau hi belemiu? Liibosum hi beleng-Ku malia' hondo saimpotulu susumo sehu' kabai dondu'ok daagi' subu-subu hondo.

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

MATIUS 3:17

Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

LUKAS 18:2

Koonyo i Yesus, “I sa'angu' na kota daagi' ko samian na mian kopian anu madi' mabuhuk hi Tumpu, ka' madi' mompajuli mau mule' ihe.

LUKAS 18:4

U'utu mae mian kopian aijo' madi' mongka'oho' montulungi balu aijo'. Panyo ahennyo mian kopian aijo' binapikinmo, ‘Mau mule' aku madi' mabuhuk hi Tumpu, ka' madi' mompajuli mau mule' pa' ihe,

LUKAS 20:12

Lapas aijo' tumpu nu ale' nonsai mule' posaihon ko totolu'nyo. Panyo posaihon aijo' dinoke suele nu anu nombau ale' aijo', ka' ingalin i sambiha' nu ale' aitu.

LUKAS 20:14

Panyo salatan tinoa nu anu nombau ale' haha aijo' na anak nu tumpu nu ale' aijo', aha notatae samian ka' samian, ‘Aiyamo ia na tumpu nu budennyo. Imbo' da o pateinto na ia da o alanto na budennyo.’

LUKAS 9:35

Ilapas na kundom aijo' i hongomo na lewo' notatae, “Aiyamo na Anak anu pinile'an-Kumo. O hongo na Ia!”

YOHANES 1:34

Pinositoang-Kumo,” na koonyo i Yohanes, “ka' aku nompoto'imo anu sinakisiankumo saba' Iamo na Anak nu Tumpu.”

ROMA 8:3

Apaa na anu madi' opoko bau nu atulan nu agama, kalana kita mian madi' moko ala mombau, aijo' binaumo nu Tumpu. Tumpu nohungku'imo kuasa nu dosa' anu i uno nu sipat nu mian, aijo'mo nonsai posi Anak-Nyo na tinoka nimbalu-balu sumo mian anu baladosa' da mongalini dosa'.

GALATIA 4:4

Panyo tinokamo i tempo'nyo anu tinantukanmo, Tumpu nonsaimo mae Anak-Nyo namba i dunia. Anak-Nyo aijo' i hampeakon nu samian na boune ka' tinumuu'mo i uno nu kakuasa'an nu atulan nu agama.