LUKAS 19:29 - KITAB NU TUMPU ALLA LELE MA'IMAI'

²⁹ Salatan tinokamo koko Betfage ka' Betania i Bungkut nu Zaitun, Ia nonsai ua'aha na mian anu saja' mombatuki Ia mamba imoona.

LUKAS 19:29 ပူးပေါင်းရင်းမြစ်များ

ZAKHARIA 14:4

I sinaa aijo' Ia tuminjomo i Puge'nyo nu Zaitun sasu kabete'an Yerusalem. Sahingga Puge'nyo nu Zaitun mombagimo ohua' ka' timbalimo bangka'nyo anu ewa lengkat pe'e mae isasu kabete'an toka-toka isasu kinsoban. Sambagian na puge'nyo aijo' nodensu' sasu utara, ka' sambagian mule' nodensu sasu salatan.

MATIUS 21:17

Lapas aijo', i Yesus nompala'i aha, lantas nambamo i kota Betania ka' i hoyot sinampahu i kiijo' mae.

LUKAS 19:30

“Lako' i kampung anu ingahopan aijo',” koonyo i Yesus hi aha, “de komiu minsoop i kiijo', komiu montoa sa'angu' na keledai anaknyo sego-segot. Keledai aijo' ma'isa toho' sinake'an nu mian. Bukai ka' boamae na keledai aijo'.

LUKAS 19:37

Salatan i Yesus malia'mo toka i Yerusalem, i jalan pintuahan nu Bungkutnyo Zaitun, iwi-iwi' na anu mombatuki Ia da'isan hondo aijo', lewa'mo noloboo'akon mompuji' Tumpu Allah ka' montalima kaseh hi Ia, kalana iwi-iwi' na anu okabangangi sinakisianmo nu aha.

LUKAS 21:37

I Yesus nompogulu' i Laigan nu Tumpu sina-sinaa, ka' malomnyo mambamo i Bungkut nu Zaitun ka' jojoongmo kiijo' mae.

LUKAS 22:39

I Yesus nompala'i kota, ka' i namba susumo biasanyo i Bungkutnyo nu Zaitun, ka' anu saja' mombatuki Ia namba suele ka' Ia.

LUKAS 24:50

Lapas aijo', i Yesus nomboamo aha nosabat i kota tinoka i Betania. I kiijo' mae i hangkat-Nyomo na lima-Nyo, lantas nombalakati aha.

SISIKON NU TO RASUL-RASUL 1:12

Lapas aijo' to rasul-rasul aijo' ninsusule'mo i Yerusalem lengkat mae i Bungkut nu Zaitun. Bungkutnyo aijo' tampatnyo kila-kila sa'angu' na kilometen na kojo'onnyo lengkat mae i Yerusalem.