LUKAS 18:9 - KITAB NU TUMPU ALLA LELE MA'IMAI'

⁹ I Yesus nonsisikakon suele kantuangan aiya anu pinatuakon hi mian anu montoa mian sangga'at madi' talakana', panyo mangaku posi butongnyo ma'ima'.

LUKAS 18:9 ပူးပေါင်းရင်းမြစ်များ

AMSAL 30:12

Daagi' ko mian anu mongoa'i butongnyo susi' padahan ia mahumimi' hondo.

YESAYA 65:5

Aha notatae, ‘Lako'mo patikojo'on boli mondedes kami kalana kami susi' ka' madi'mo mati ohani tiba belemiu!’ Aku madi'mo moko ala montoa kalakuan nu aha! Tambuha'-Ku hi aha sumomo apu anu madi' toho' mate.

YESAYA 66:5

Potombihing apaa na anu nutaloakon nu Tumpu, o, belemiu anu mabuhuk ka' montuluti Ia, “Kalana belemiu tulu-tulutan hi beleng-Ku, daagi' ko anu atina' hi bangsa nu belemiu na anu mongka'ideki belemiu, ka' madi' mongka'oho' mosangalu tiba belemiu. Aha ola mompopo'ambang belemiu ka' potatae, ‘Bakas da Tumpu mompotoa katalasanggoan-Nyo, da kami montoa belemiu lame'mo.’ Panyo posi ahamo ahi' na na'ambang.

IMAMAT 13:32

I sinaa ko ipitunnyo, imam tionyo ahi' po'ule' mompalesa tampat anu masakit aijo' ka' de panyakit aijo' madi' molele ka' madi' ko hambahan nu ubak kabai jangkut anu nokinimo i tampat aijo' ka' mule' otoa madi' nosi palebokmo i kilit anu i duhu-duhuknyo,

LUKAS 10:29

Panyo gulu' agama aijo' mompai pototu'u butongnyo. Ia nompokilawa, “Ihe na sangko mianku?”

LUKAS 15:2

To mia-mian Farisi ka' to gulu-gulu' agama mulaimo nompisala'i. Aha notatae, “Se', na mian aiya montalima to mia-mian anu madi' ma'ima', ka' aijo' mongkaanmo hingga-hinggat tiba aha!”

LUKAS 16:15

Panyo i Yesus notatae hi aha, “Komiumo na mian de i ahop nu san-samianan otoa totu'u, panyo Tumpu monsumbu' isi nu kinyonyoaum. Kalana apaa na anu osangka matangkas nu mian, nutoa nu Tumpu heede'.

LUKAS 18:11

Mian nu Farisi aijo' tinuminjo posi sausa'nyo, ka' binalado'a, ‘O Tumpu, aku mompotoka talima kaseh hi kita, kalana aku madi' sumo sangga'at, mangoa, tageo'kabai masala'. Aku montalima kaseh, kalana aku madi' sumo topo tage hasin aijo'.

LUKAS 19:7

Iwi-iwi' na mian anu nontoa aijo' nontampu'unimo nongo-nguyung. Aha notatae, “Se'! Ia mamba sonso' i laigan nu mian anu madi' ma'ima'!”

LUKAS 7:39

Salatan mian nu Farisi anu nolaga i Yesus nontoa han aijo', ia notataemo i kinyonyoanyo, “De mian aiya nabi, tantu nusumbu' ihe na boune aijo' anu nongkanyang Ia, apaa mule' boune aijo' tumuu' i uno nu dosa'!”

YOHANES 8:48

To mia-mian nu Yahudi aijo' nontaami, i Yesus, “Te misa' totu'u na potatae mami, Beleyum mian nu Samaria anu pininsoopanmo nu setan?”

YOHANES 9:28

Lantas ingudulan nu aha na ia ka' notatae, “Oko na anu saja' mombatuki Ia; kami misa'! Kami anu mombatuki i Musa.

YOHANES 9:34

Tinaaman nu aha, “Apaa? Beleyum anu nobuke'mo nu dosa' salatanmo pe'e i hampe, beleyumo na mongka'oho' mompogulu' kami?” Sahingga lengkat i aitu ia tinewa'mo minsoop i laigan pogalejaan.

SISIKON NU TO RASUL-RASUL 22:21

Panyo Tumpu po'ule' notatae hi belengku, ‘Sampamo lako', kalana Aku monsaimo beleyum mamba mokiijo' i tampat anu majo'on hi aha to mia-mian anu misa' Yahudi.’ ”

ROMA 10:3

Aha madi' monsumbu' jalannyo nu Tumpu mombau pompahasumbu'an nu mian, tiba Ia mompo'ule' ma'ima'. Ka' kalana aha ola mosi bau pongka'oho' nu aha, sahingga aha madi' tundu' i jalan anu nupotiju' nu Tumpu.

ROMA 14:10

Jadi, to Utu-utus! Bau apaa na mompisala'i utusum anu sa'a-sa'angu' na kapalesaya'an? Ka' bau apaa na kita Utus monsangka ia madi' ko angga'nyo? Kita iwi-iwi' mo'ahopje hi Tumpu Allah da o putusi.

ROMA 14:3

Mian anu mongkaan mau mule' apaa, boli mongalu mian anu mongkaan ola kaanon anu tinantukanmo; ka' mian anu mongkaan ola anu tinantukanmo, boli mule' mompisala'i mian anu mongkaan mau mule' apaa, kalana Tumpu nontalimamo ia.

ROMA 7:9

Aku u'utu mae tinumuu' misa' pilenje kino atulanmo nu agama. Panyo salatan atulan nu agama tinokamo, dosa' nontampu'unimo kinantoaan,