LUKAS 18:38 - KITAB NU TUMPU ALLA LELE MA'IMAI'

³⁸ Sahingga mian mapisok aijo' noloboo', “Yesus anak i Daud! Kalibosiakon na aku!”

LUKAS 18:38 ပူးပေါင်းရင်းမြစ်များ

MAZMUR 62:12

Pa' piniangkukamo na aku nohongomo Tumpu notatae, tukoonyo, kakuasa'an nolengkat mae hi Ia,

YESAYA 11:1

Lee' mae i Tomundo' Daud pokakana susumo kau' anu tinaa'mo. Panyo susumo lapangnyo tu'o daagi' ahi' tumuu' mae na sumpenyo sumo aitumo na lee' mae i Daud daagi' ahi' ko samian na tomundo' na nu lee'akon mae.

YEREMIA 23:5

Tumpu notatae, “Tokaje mae na tempo'nyo, Ku hangkatje na tomundo' samian anu adil lee' mae i Daud. Tomundo' aijo' saidi' mae pande na mompalentah ka' apa-apaa na obau saja' adin ka' saja' totu'u isongko-songko na lipu'.

MATIUS 12:23

Iwi-iwi' na mian binangangmo ka' notatae, “Ugaat aijo'mo Ia na Anak i Daud anu jinanji'mo aijo'?”

MATIUS 15:22

Samian na boune nu Kana'an lengkat mae i da'erah aijo', tinoka hi Yesus ka' nolo-noloboo', “Anak i Daud, kalibosi na aku! Anakku boune pininsoopanmo nu roh ma'idek. Ka'ada'annyo masakit hondo.”

MATIUS 21:15

Panyo Kapala nu to Ima-imam ka' to gulu-gulu' agama notambuha'mo nontoa anu okabangangi, anu binau i Yesus. Ka' aha notambuha' suele nohongo to ana-anak binalame-lame'mo i Laigan nu Tumpu, “Tumuu'mo na Anak i Daud!”

MATIUS 21:9

Mian da'isan anu ilumajang i moona ka' anu i mihi hi Yesus molo-moloboo', “Tumuu'mo na Anak i Daud! Obalakatiakon na Ia anu tinoka tiba sanggo nu Tumpu! Puji' na Tumpu Anu Matangkas na Kuasanyo!”

MATIUS 9:27

I Yesus namba lengkat i kiijo', ka' i totonga' nu jalan ua'aha na mian mapisok nombatukimo Ia. Aha noloboo', “O Anak i Daud, kalibosi mae na kami!”

LUKAS 18:37

“I Yesus, mian nu Nazaret aijo', notulu,” tinaeakon nu aha hi ia.

LUKAS 18:39

To mia-mian anu aita' imoona, nontambuha'i ia ka' nompokau ia momohokot. Panyo ia noloboo', lebe mahoson mule', “Anak i Daud! Kalibosiakon na aku!”

ROMA 1:3

Lele Ma'ima' aijo' mongkona Anak nu Tumpu, Tumpunto i Yesus Kristus. Salaku Ia mian, Ia aijo' lee' mae i Daud,

ANU PINOTO'I HI YOHANES 22:16

“Aku, i Yesus, nonsaimo malaikat-Ku namba hi belemiu da ia mompoto'iakon hahan aiya bau kapalaluan nu to jama-jama'at. Aku aiya lee' mae i Daud; Akumo na mandala' nu Kabete'an anu majingka hondo aijo'.”