LUKAS 15:28 - KITAB NU TUMPU ALLA LELE MA'IMAI'

²⁸ Anak tumpenyo aijo' pinusamo hondo, sahingga madi'mo mongka'oho' minsoop i laigan. Lantas tuumanyo nosabat ka' nongindeeko' da ia minsoop.

LUKAS 15:28 ပူးပေါင်းရင်းမြစ်များ

YESAYA 65:5

Aha notatae, ‘Lako'mo patikojo'on boli mondedes kami kalana kami susi' ka' madi'mo mati ohani tiba belemiu!’ Aku madi'mo moko ala montoa kalakuan nu aha! Tambuha'-Ku hi aha sumomo apu anu madi' toho' mate.

YESAYA 66:5

Potombihing apaa na anu nutaloakon nu Tumpu, o, belemiu anu mabuhuk ka' montuluti Ia, “Kalana belemiu tulu-tulutan hi beleng-Ku, daagi' ko anu atina' hi bangsa nu belemiu na anu mongka'ideki belemiu, ka' madi' mongka'oho' mosangalu tiba belemiu. Aha ola mompopo'ambang belemiu ka' potatae, ‘Bakas da Tumpu mompotoa katalasanggoan-Nyo, da kami montoa belemiu lame'mo.’ Panyo posi ahamo ahi' na na'ambang.

YEREMIA 35:16

Lee' i Yonadab na nontulutimo ahi' mompolee' nu aha, panyo belemiu na madi' montuluti Aku.

YUNUS 4:9

Panyo Tumpu notatae hi ia, “Beleyum madi' palalu susa' sumo aijo' kalana nu saduakon nu sosu'anon aijo'!” Tinaaman i Yunus, “Kadaka' madi'mo? Pantasnyomo na aku motambuha' taha-tahahumo sampe mate.”

MATIUS 20:11

Tempo'nyo nontalima doi aijo', aha notusa'mo hi tumpu nu ale'.

MARKUS 1:40

Samian na anu ko panyakit kilit anu talalo okabuhuk tinoka hi Yesus. Mian aijo' natidupu ka' notatae, “De Tuumangku mongka'oho', Tuumangku timbali nompa'alin aku.”

LUKAS 13:34

Yerusalem, Yerusalem! To nabi-nabi pinateanmo! To poka-pokauhon nu Tumpu pinahambunu'akonkumo nu batu sampe i nate! To pimpi-pimpianmo na Aku kahanda' molimu' iwi-iwi' na tumpu nu lipu'um sumo tinaan nu manuk mongokobi to sio-sioknyo i aluk nu polipiknyo, panyo beleyum madi' mongka'oho'!

LUKAS 15:2

To mia-mian Farisi ka' to gulu-gulu' agama mulaimo nompisala'i. Aha notatae, “Se', na mian aiya montalima to mia-mian anu madi' ma'ima', ka' aijo' mongkaanmo hingga-hinggat tiba aha!”

LUKAS 15:27

Pokauhon aijo' nontaami, ‘Utus ise' i Tuan ninsusule'mo mae! Ka' tuuma i Tuan noki kolotmo anak nu sapi' anu molompo', kalana po'ule'mo i humpaknyo na anaknyo ninsusule'mo mae ma'i-ma'ima'.’

LUKAS 15:29

Panyo ia notatae, ‘Notau-taunmo na kopinnyo aku nokalaja mate-matemo bau kapalaluan i Papa. Madi' toho' aku nonggagakon apaa na pinokauhakon i Papa. Yo apaamo na binee' i Papa hi belengku? Sa'angu' pe'e na mee' ma'isa toho' binee' i Papa hi belengku, da aku mombau bau-bauon tiba to sanga-sangalungku!

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

LUKAS 5:30

To pia-piangkuka na mian nu Farisi ka' to gulu-gulu' agama mongoa'i madi' sanang, lantas notatae hi anu mombatuki Yesus, “Kadaka' komiu iwi-iwi' mongkaan ka' monginum tiba topo tage hasin, ka' to mia-mian madi' ma'ima'?”

LUKAS 7:39

Salatan mian nu Farisi anu nolaga i Yesus nontoa han aijo', ia notataemo i kinyonyoanyo, “De mian aiya nabi, tantu nusumbu' ihe na boune aijo' anu nongkanyang Ia, apaa mule' boune aijo' tumuu' i uno nu dosa'!”

SISIKON NU TO RASUL-RASUL 13:45

Salatan to mia-mian nu Yahudi nontoa mian da'isan aijo', nasakit hondo na kinyonyoa nu aha. Aha nompopo'ise'mo i Paulus ka' nonggagakonmo iwi-iwi' anu tinaloakonnyo.

SISIKON NU TO RASUL-RASUL 13:50

Panyo to pangka-pangkat daka' i kota aijo', ka' to bouboune gampa nu aha to mia-mian anu ko pangkat matangkas anu mabuhuk hi Tumpu, sinale'anmo nu to mia-mian Yahudi. Aha nonsabapi da mo'uwali tiba hi Paulus ka' i Barnabas, ka' nolaa' ua-ua'aha mompala'i tano' aijo'.

SISIKON NU TO RASUL-RASUL 14:19

To pia-piangkuka na mian nu Yahudi anu tinoka nokiijo' i Listra lengkat mae i Antiokhia i Pisidia ka' lengkat i Ikonium monsale'i mian da'isan aijo', sahingga mian da'isan aijo' nosambiha'mo hi aha. Aha nompahambunu'akon i Paulus nu batu, lapas aijo' i hela' nu aha na ia nosabat nokiijo' i sambiha' nu kota. Aha nonsangka ia i natemo,

SISIKON NU TO RASUL-RASUL 14:2

Panyo to mia-mian Yahudi anu madi' mongka'oho' palesaya, nonsale'imo to mia-mian misa' Yahudi, sahingga nonsabapimo aha mongka'ideki to mia-mian anu palesayamo hi Yesus.

ROMA 10:19

Po'ule' kupokilawa: Pa' bansa nu Israel ma'isa nonsumbu'? Bakas da anu opokilawa aijo' momoona montaami i Musa. I Musa notatae, “Sumo uuka na koo-Nyo nu Tumpu, ‘Kupotimbalije na komiu madi' sanang na kinyonyoa hi bansa sangga'at anu misa' mian anu palesayamo ka' Kupotimbalije na komiu motambuha' hi bansa anu ponga'.’ ”

2 KORINTUS 5:20

Jadi kami to posa-posaihonmo i Kristus. Tumpu na nonsai kami mompotoka potuunon-Nyo. I uno nu sanggo i Kristus sabole-bole opoita mami, da o'ala na taju nu Tumpu anu nompotimbalimo komiu nompo'ule'mo na'ima' tiba Ia.

1 TESALONIKA 2:16

Ka' aha nontewa'mo kami mompolele hi aha to bansa-bansa anu misa' Yahudi, lele anu timbali momposalamat bansa haha aijo'. Tiba jalan anu sumo aijo' komiu mian nu Yahudi aijo' saja'mo montuangi to dosa-dosa' nu aha sampe konjoo'nyo sampa'mo. Ahennyo uuka aiya aha nu konaimo nu tambuha' nu Tumpu.

1 SAMUEL 17:28

I Eliab utus tu'a i Daud anu tumpenyo nohongomo i Daud binasisik tiba to sulu-suludadu. Ia nontambuha'imo i Daud ka' notatae, “Kadaka' beleyum tinokamo mae? Ihe na pinokau nu beleyum montoa domba anu nu laya' to pia-piangkuka na konjoo'nyo kiijo' i padang ewa? Kusumbu' beleyum mangakumo au'aitu mian baani; temisa beleyum toka mae ola da montoa anu mahampate?”

1 SAMUEL 18:8

Nohongo aijo' i Saul notambuha'mo hondo. Kalana tinutugannyo, “I Daud tantu nu sumbu' nu mian nompateimo mopulu-pulu' na madala, panyo aku ola momada-madala. Tantu saidi' mae ia ohangkatmo bau tomundo' nu aha!”