LUKAS 13:33 - KITAB NU TUMPU ALLA LELE MA'IMAI'

³³ Mau mule' sumo aitu, Aku tionyo molausakon ahi' lajang-Ku sinaa aiya, dodop ka' hipuan, kalana madi' ma'ima' na samian na nabi opatei i sambiha' nu Yerusalem.

LUKAS 13:33 ပူးပေါင်းရင်းမြစ်များ

MATIUS 20:18

“Hongo! Kita uuka mokiijo'mo i Yerusalem. I kiijo' mae Anak nu Mian obee'mo hi Kapala nu to Ima-imam ka' to gulu-gulu' agama. Lantas Ia o hukummo mate,

MATIUS 21:11

“Ia Nabi Yesus, lengkat mae i Nazaret i Galilea,” tinaaman nu mian da'isan anu nonsampo jalan i Yesus.

LUKAS 9:53

Panyo to mia-mian i kampung aijo' madi' mongka'oho' montalima i Yesus, kalana i nyata'mo taalu' Ia hau-haunyomo kiijo'mo i Yerusalem.

YOHANES 11:54

Kalana aijo' i Yesus madi'mo lewa' manintoa hi mian da'isan nu aha mian Yahudi. Pinala'iannyo na Yudea ka' i namba i kota' sanggonyo Efraim koko pandang bolaa. I kiijo' mae Ia jinojoongmo hingga-hinggat tiba anu aja' mombatuki Ia.

YOHANES 11:9

“Te misa'o sinaa kopiinnyo sampulu' ka' ohua' na jam?” na koonyo i Yesus. “Mian anu lumajang sinaa, madi' tosumpun kalana nutoa na jingka nu dunia aiya.

YOHANES 12:35

I Yesus nontaami, “Ola sasaingoni' na jingka aijo' daagi' aiya hi komiu. Jadi, lajangmo da tempo' u'uka komiu daagi' ko jingka, da komiu boli nukona nu kapintungan. Mian anu lumajang i uno nu pintung, madi' nusumbu' pa' iyana kalambanannyo.

YOHANES 4:34

Lantas i Yesus notatae, “Anu Ku kaan aijo'mo mombatuki pongka'oho'-Nyo anu nonsai mae Aku, ka' mompotimbali kalaja anu binee'-Nyo hi beleng-Ku.

YOHANES 9:4

De daagi' ko sinaa, kita tionyo mombau hia-Nyo nu anu nonsai mae Aku. De malom tokamo, samian pe'e madi'mo moko ala mokalaja.

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

SISIKON NU TO RASUL-RASUL 13:27

kalana to mia-mian anu jojoong i Yerusalem ka' to pola-polaya' nu aha madi' monsumbu' saba' Iamo na anu momposalamat aijo'. Aha madi' mangalati' i sinaa nu Sabat, sahingga aha nohukum i Yesus. Panyo kalana mombau anu sumo aitu, ahamo na nonsabapi sahingga apaa na anu tinaloakon nu to nabi-nabi aijo' jinadimo.