LUKAS 12:28 - KITAB NU TUMPU ALLA LELE MA'IMAI'

²⁸ Hemput i padang tumuu' sinaa aiya, ka' dodop opapui mingkotmo. Panyo Tumpu mombaju'i hemput aijo' kino handaanyo. Apaa mule' komiu! Panyo komiu madi' talalo palesaya!

LUKAS 12:28 ပူးပေါင်းရင်းမြစ်များ

YESAYA 40:6

Daagi ko potatae anu lewa' nontaloakon, “Polelemo!” Pinokilawangkumo, “Apaa na anu tionyo ahi' ku polele?” “Polelemo taalu' manusia sumo hemput, sumo bunga-bunga anu ola sasaingoni' na ia ma'ima'.

MATIUS 14:31

I Yesus nalia-lia' na nonguluakon lima-Nyo ka' nontoongi ia, ka' notatae, “Petrus, Petrus, beleyum aiya ma'isa talalo palesaya. Kadaka' beleyum bata-bata hi beleng-Ku?”

MATIUS 16:8

I Yesus monsumbu' apaa na anu binisalakon nu aha. Jadi Ia notatae, “Kadaka' komiu mombisalakon kalana madi' ko roti? Komiu madi' talalo palesaya!

MATIUS 17:17

I Yesus nontaami, “Palias na komiu aiya! Komiu totu-totu'u to mia-mian anu palangues ka' madi' palesaya. Piangkuka na kopinnyo na Aku tionyo jojoong tiba komiu ka' monsabaanakon komiu? Boamae na anak aijo'!”

MATIUS 17:20

I Yesus nontaami, “Kalana komiu madi' talalo palesaya. O inau'! De komiu palesaya totu-totu'u kodaka'nyo sumo batu nu sasawi, komiu timbali motatae hi bungkutnyo aiya, ‘Polalin mokiijo' mae!’ tantu bungkutnyo aiya timbali molalin. Madi' ko sa'angu' pe'e na anu madi' opoko ala obau miu! [

MATIUS 6:30

Hemput i padang tumuu' sinaa aiya, ka' dodop o papui mingkotmo. Panyo Tumpu mompakei hemput aijo' kino ima'nyo. Apaa mule' komiu! Panyo komiu madi' talalo palesaya!

MATIUS 8:26

“Kadaka' komiu mabuhuk?” Tukoonyo i Yesus. “Komiu madi' talalo palesaya hi belengku!” Lapas aijo' i Yesus tinuminjo ka' nonsegai mombun tiba dowiwi aijo'. Lantas dowiwi aijo' nolinomo hondo.

LUKAS 8:25

Lantas i Yesus notatae hi anu saja' mombatuki Ia, “Ka' kadaka' komiu madi' palesaya hi beleng-Ku?” Aha binangang ka' nabuhuk. Ka' notatae na aha samian ka' samian, “Ihe sabenannyo na mian aiya sampe mompalentah baleba' ka' bokon, ka' Ia mule' i hongonyomo!”

IBRANI 6:7

Tano' anu monsosop uee nu ujan anu toto minsan tudun i bawonyo, lantas mohasinakon to sosu-sosu'anon anu mingguna hi mian anu mokalaja, tano' aijo' binalakatanmo nu Tumpu.

1 PETRUS 1:24

I uno nu Kitab nu Tumpu tinulismo sumo uuka, “Iwi-iwi' na manusia sumo hemput, ka' iwi-iwi na katalasanggoannyo sumo buhak nu hemput. Hemput mangkaluale, buhaknyo suele mohontang;