LUKAS 12:21 - KITAB NU TUMPU ALLA LELE MA'IMAI'

²¹ Sumo aitumo na katimbaliannyo nu batu-batu mian anu ko usaha da timbali kaya bau kapentingan nu butongnyo, panyo madi' ko usaha da timbali kaya i mata nu Tumpu.”

LUKAS 12:21 ပူးပေါင်းရင်းမြစ်များ

AMSAL 13:7

Daagi ko mian anu mingadi-adi' mian anu kaya padahan madi' ko halata'nyo; daagi ko anu mingadi-adi' kasiasi padahan talalo ahi' kaya.

HOSEA 10:1

Israel sumomo kau' anggur anu mahampe na bua'nyo. Mompaka panjoo' na kakaya'annyo, mompaka panjoo'mule na mezbah anu nu bau nu aha. Mompaka sanangmo na kantumuu'an nu aha ka' mompaka pa'ima' mule' na aha mombau to pato-patong nu pilogot anu nu sombah nu aha.

HABAKUK 2:9

Kinutukan na beleyum! Beleyum nompokayamo auan nu beleyum nu kauntungan anu i humpak nu beleyum kalana nompakisamo, da laigan nu beleyum amanmo ka' madi'mo ko kasusa'an ka' mule' balaa' anu montokai mae.

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

LUKAS 16:11

Jadi, de mongkona kakaya'an nu dunia aiya komiu madi'mo timbali palesaya, ihe na mongka'oho' mompalesayakon hi komiu kakaya'an nu santuu'?

LUKAS 6:24

Panyo silaka na komiu anu kaya uuka aiya; kalana komiu nongoa'imo kasanangan!

ROMA 2:5

Panyo komiu panggaga hondo, madi' mongka'oho' mombabaali'i. Kalana aijo' posi komiu na nombau hukuman miu mompaka maboat i Sinaa Kakiamatan, de Tumpu mompotoamo tambuha'nyo, ka' monabu'akonmo hukuman anu adin.

2 KORINTUS 6:10

Mau mule' kinyonyoa mami oposusa', panyo kami saja' ahi' lame'. Kami otoa kasiasi, panyo kami nompotimbalimo manjoo' na mian kinayamo. Otoa kami madi' ko apa-apaa, panyo sabenannyo iwi-iwi' daagi' hi kami.

1 TIMOTIUS 6:9

Panyo mian anu mongka'oho' timbali kaya, tagodamo ka' nusegotimo nu sagala lupa na anu oka'ima'i, anu ponga' ka' mongidei. Anu oka'ima'i haha aijo' mombau mian timbali magalis ka' silaka.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

ANU PINOTO'I HI YOHANES 2:9

Ku sumbu' na kasusa'an-kasusa'an miu; Ku sumbu' na komiu kasiasi panyo anu sahondo-hondonyo ahi' komiu kaya! Ku sumbu' na to pita-pitana' anu pompitana'i komiu nu to mia-mian anu mongakui butongnyo mian nu Yahudi, padahan misa'; aha atina'mo na mian nu Ibilis!