LUKAS 10:25 - KITAB NU TUMPU ALLA LELE MA'IMAI'

²⁵ Lapas aijo' samian na gulu' agama tinokamo da monsobai Yesus. Ia nompokilawa, “Tuumangku Gulu', apaa na tionyo kubau da montalima kantumuu'an anu mingkaliangan ka' toka sidu-sidutu'?”

LUKAS 10:25 ပူးပေါင်းရင်းမြစ်များ

MARKUS 10:17

Tempo'nyo i Yesus daagi' molausakon lumambaanannyo, samian tinokamo mae popoopadeka' hi Yesus. Mian aijo' nonsombah i ahop hi Yesus ka' nompokilawa, “Gulu' anu manonong, aku tionyo mombau apaa da mohumpak kantumuu'an talakana' toka sidu-sidutu'?”

MARKUS 10:3

Tinaaman i Yesus, “I Musa nombee'i palentah apaa hi komiu?”

MARKUS 12:28

Lantas tinoka na samian gulu' agama mompotombihing anu obisalaakon i Yesus tiba to mia-mian anu lengkat mae i gampa nu Saduki aijo'. Gulu' agama aijo' nontoa saba' i Yesus nontaamimo mian haha aijo' ma'i-ma'ima'. Sahingga ia nompokilawa hi Yesus, “Palentah iya na anu talalo penting molingkudui iwi-iwi' na palentah?”

LUKAS 10:24

Kalana inau': Manjoo' na nabi tiba Tomundo mongindi montoa anu tinoa miu tempo' uuka aiya, panyo aha madi' montoa. Aha mongindi mohongo anu i hongo miu tempo' uuka aiya, panyo aha madi' mohongo.”

LUKAS 10:26

I Yesus nontaami, “Apaa na anu tinulismo i uno nu Kitab nu Tumpu? Mosia na pikilanum mongkona han aijo'?”

LUKAS 18:18

Samian na Polaya' nu Yahudi nompokilawa hi Yesus, “Tuumangku Gulu' anu ma'ima', apaa na tionyo kubau da mohumpak tumuu' kopian sidu-sidutu'?”

LUKAS 7:30

Panyo to mia-mian nu Farisi tiba to gulu-gulu' agama madi' mongka'oho' montalima tanga'an nu Tumpu hi butong nu aha. Aha madi' mongka'oho' nu palamandikan i Yohanes.

YOHANES 8:6

Aha nompokilawa sumo aijo' da monsobai Ia, da timbali na aha mompisala'i Ia. Panyo i Yesus ola dinumuku ka' lima-Nyo nontulis i tano'.

GALATIA 3:18

Kalana de anu binee'mo nu Tumpu mimpu'u i atulan nu agama, saba' anu binee'mo aijo' misa'mo anu jinanji'. Panyo kalana Tumpu noko janji'mo hi Abraham, sahingga Tumpu nombee'mo aijo' hi ia.