LUKAS 10:16 - KITAB NU TUMPU ALLA LELE MA'IMAI'

¹⁶ Lantas i Yesus notatae hi anu saja' mombatuki Ia, “Mian anu mohongo komiu, mohongo Aku. Mian anu madi' montalima komiu, madi' montalima Aku. Ka' mian anu madi' montalima Aku, singkona madi' montalima Ia anu nonsai mae Aku.”

LUKAS 10:16 ပူးပေါင်းရင်းမြစ်များ

NOSABATMO 16:7

Dodop daagi' subu belemiu montoamo jingka salaku tanda Tumpu tokamo. I hongomo nu Tumpu na belemiu saja'mo motambuha' hi Ia; memang, hi Tumpu kalana kami aiya ola mombau apaa na anu pinalentahkon-Nyomo.

NOSABATMO 16:8

Tumpu nombee'imo belemiu ponoha' de mamalomo ka' roti daagi' subu sampe belemiu mobosu, kalana Tumpu nohongomo belemiu saja'mo motambuha' hi Ia. Sabenannyo de belemiu saja'mo motambuha' hi kami, belemiu sumomo saja'mo motambuha' hi Tumpu.”

MALEAKHI 1:6

Tumpu Anu Daka' na kuasanyo notataemo hi to ima-imam, “Samian na anak mongadati tuumanyo, ka' mule' samian na posaihon mongadati tuannyo. Aku aiya Tuuma nu beleyum; kadaka' belemiu madi' mongadati Aku? Aku aiya tuan nu beleyum; kadaka' belemiu madi' mabuhuk hi beleng-Ku? Belemiu mongalu Aku, panyo belemiu mompokilawa, ‘Tiba jalan nosia na kami nongalumo Belento?’

NOMBILANGMO 14:11

Tumpu notataemo hi Musa, “Daagi' hipian na kopinnyo na mian haha aijo' panggaga hi beleng-Ku? Sampe toka hipian na aha madi' mongka'oho' palesaya hi beleng-Ku, padahan Aku nombaumo manjoo' hondo na anu okabangangi hi aha?

NOMBILANGMO 14:2

Aha lewa'mo monsosoli' i Musa ka' i Harun, ka' montaloakon, “Lebe ma'ima' kita matemo mae i Mesir kabai i padang bola aiya! Pojohokmo da kita matemo!

NOMBILANGMO 16:11

De beleyum tiba anu monsangaja'i beleyum mososonmo hi Harun, sumo-sumomo belemiu panggagamo hi Tumpu!”

MATIUS 10:40

“Mian anu montalima komiu, montalima Aku. Ka' mian anu montalima Aku, montalima Ia anu nonsai Aku.

MATIUS 18:5

Ka' mian anu montalima anak anu sumo aiya kalana Aku, bala alati' montalima Aku.”

MARKUS 9:37

“Mian anu montalima samian na anak sumo aiya kalana Aku, alati'nyo montalima Aku. Ka' mian anu montalima Aku, ia misa' ola montalima Aku, panyo montalima suele Ia anu nonsai Aku.”

LUKAS 9:48

Lantas Ia notatae hi anu saja' mombatuki Ia, “Mian anu montalima anak aiya kalana Aku, alati'nyo ia montalimamo Aku. Ka' mian anu montalima Aku, montalimamo Ia anu nonsai mae Aku. Sabab mian anu talalo ise' i totonga' miu, iamo na anu talalo daka'!”

YOHANES 12:44

Lantas i Yesus notatae daka-daka', “Mian anu palesaya hi beleng-Ku, misa' palesaya hi beleng-Ku, panyo hi Ia anu nonsai mae Aku.

YOHANES 12:48

Mian anu madi' montalima Aku ka' madi' mohongo potataeng-Ku, daagi'mo ko anu momputusi palakalanyo. Potatae anu Ku potokakon, aijo'mo na anu momputusi palakala i Sinaa Kakiamatan.

YOHANES 13:20

Totu-totu'u hondo na potataeng-Ku aiya: Ihena montalima mian anu Kusa-kusai, montalima Aku. Ka' ihe na montalima Aku, montalima Ia anu nonsai mae Aku.”

SISIKON NU TO RASUL-RASUL 5:4

Tano' aijo' anu nu beleyum tempo'nyo, ma'isa pe'e pinobaluk nu beleyum. Ka' salatan tano' aijo' pinobalukmo doinyo mule' daagi' saja' anu nu beleyum. Jadi kadaka' daagi' ko makisut i uno nu kinyonyoaum mombau anu sumo aijo'? Misa' mian na nubaleko'i, panyo Tumpu!”

GALATIA 4:14

Tempo'nyo aitu komiu madi' nongkahumimi'i aku, maumo ka'ada'an nu butongku sumomo salaku bau ponsobai anu talalomo hondo hi komiu. Komiu ola ahi' nontalimamo aku sumo montalimamo malaikat nu Tumpu kabai sumo nontalimamo i Kristus Yesus.

1 TESALONIKA 4:8

Mian anu madi' montalima pangajalan aiya misa' madi' montalima mian, panyo madi' montalima Tumpu anu nombee'imo Roh-Nyo anu susi' hi komiu.