KOLOSE 4:7 - KITAB NU TUMPU ALLA LELE MA'IMAI'

⁷ I Tikhikus, Utusto anu oka-okalibosi momposumbu'je hi komiu iwi-iwi na apaa anu tinimbalimo hi belengku. Ia tulu-tulutan na nokalajamo, nosangalu tiba kami nombau kapentingan nu Tumpu.

KOLOSE 4:7 ပူးပေါင်းရင်းမြစ်များ

SISIKON NU TO RASUL-RASUL 20:4

I Sopatar anak i Pirus anu nolengkat mae i Berea namba nohingga-hinggat ia; sumo aitu mule' i Aristarkhus ka' i Sekundus mian nu Tesalonika, ka' i Gayus mian nu Derbe. Suele i Timotius, i Tikhikus, ka' i Trofimus, to mia-mian lengkat i Provinsi Asia.

FILIPI 2:25

Mongkona utusto i Epafroditus anu sinai miu mae da montulungi aku, ku oa'i palalu monsai ia da po'ule' minsusule' hi komiu. Ia nonsangaluimo aku i uno nu kalajangku ka' usahangku.

KOLOSE 1:7

Han aijo' pinotokamo i Epafras hi komiu Utus, sangalu anu okalibosi mami. Ia atina' anu tulu-tulutan na mokalaja hi Kristus, mokalaja bau kapentinganto.

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

KOLOSE 4:9

I Onesimus mambaje hingga-hinggat tiba i Tikhikus; ia samian anu nolengkat mae atina' i gampa miu. Ia mian anu tulu-tulutan, sahingga kami mongkalibosi ia. Ia ka' i Tikhikus mompoto'ije hi komiu iwi-iwi na anu tinimbalimo i tampatku aiya.

2 TIMOTIUS 4:12

Aku nonsaimo i Tikhikus namba nokiijo' i Efesus.

TITUS 3:12

Lia-lia' salatan aku nonsaimo i Artemas kabai i Tikhikus namba hi beleyum, bala usaha lia-lia' sampa' mae toka hi belengku kiijo' Nikopolis, kalana aku ko kahanda' jojoong kiijo' mae kopinnyo ola kakona i tempo' nu bakin.