KOLOSE 4:6 - KITAB NU TUMPU ALLA LELE MA'IMAI'

⁶ Hahan anu otaloakon miu aijo' tionyo ahi' saja' momposanang kinyonyoa ka' nu ka'ima'i nu mian. Tionyo ahi' osumbu' miu mosia na sabenannyo komiu montaami hahan anu nu pokilawa nu mian.

KOLOSE 4:6 ပူးပေါင်းရင်းမြစ်များ

1 TAWARIKH 16:24

Sisikakon na katalasanggoan-Nyo hi to bansa-bansa, ka' iwi-iwi' na anu binau-Nyomo anu baani hondo hi manusia.

MAZMUR 105:2

Onyanyi na nyanyian anu bau pompuji' Tumpu, polele iwi-iwi' na anu binau-Nyomo, anu nompobangangmo mian.

MAZMUR 119:13

Ku daka-daka'i na potatae mompoto'i iwi-iwi' na atulan anu binee'mo mae nu Belento.

MAZMUR 119:46

Atulan nu Belento ku bebakonmo hi to tomu-tomundo' ka' aku madi'mo ma'ambang.

MAZMUR 45:2

Potatae anu toto ima-ima' nosabatmo mae lengkat ikinyonyoangku kusombahkonmo na laguku aiya hi tomundo'. Sumomo ahi' pena bau-bau pontulis nu samian na anu pande mongkalang nyanyian, jila'ku sinadiamo montaeakon sya'ir.

MAZMUR 66:16

Tokamo mae ka' potombihingmo, o, belemiu iwi-iwi' mian anu tulu-tulutan, da ku sisikakonje hi belemiu na anu binaumo nu Tumpu hi belengku.

AMSAL 10:21

Potatae nu mian anu manonong salakumo balakat kona hi mian da'isan. Panyo kaponga'an nu mian anu ponga' monsilakai posi butongnyo.

AMSAL 15:4

Potatae anu ma'ima' mongkakeha' da bihan na kinyonyoa; panyo potatae anu monsakiti kinyonyoa mombau da lu'us na tanga'an.

AMSAL 15:7

Potatae nu mian anu pande manjoo' na ilimu'nyo; panyo pikilan nu mian anu ponga' madi' sumo aijo'.

ANU MOMPOLELE POTATAE NU TUMPU 10:12

Potatae nu mian anu pande mombau ia oholomati, panyo mian anu ponga' silaka kalana nu saduakon nu potataenyo.

YEHEZKIEL 43:24

lantas boamo mae hi beleng-Ku. To ima-imam tionyo ahi' mongkakambuhimo nu timuson hi binatang haha aijo'ohu-ohua' ka' otunuimo ka' aijo' timbalimo koloban anu osombahkonmo mae hi beleng-Ku.

IMAMAT 2:13

Batu-batu koloban kaanon anu osombahkon tionyo ahi' otimusoni, kalana timuson salaku tanda palajanjian nu Tumpu Allah hi belemiu. Jadi iwi-iwi' na anu osombahkon tionyo ahi' otimusoni.

MATIUS 5:13

“Komiu timuson nu dunia. De timuson timbalimo matawas te daagi' opoko po'asing mule'? Madi'mo ko gunanyo, panyo o alin ka' o peja-peja' nu mian.

MARKUS 9:50

Timuson aijo' ma'ima', panyo de timbalimo matawas, apaa saidi' mae timbali po'ule' opo'asing? Jadi, kukahanda'i komiu sumo timuson – tumuu'mo hingga-hinggat ka' mompaha kali-kalibosi.

LUKAS 4:22

Potatae anu tinaloakon-Nyo ma'ima' hondo, sahingga aha binangangmo ka' nompototu'umo Ia. Aha notatae, “Te misa' Ia anak i Yusuf?”

EFESUS 4:29

De komiu basisik, boli montaeyakon potatae anu mahenyu. Anu otaeyakon potatae anu mompokopiani ka' anu montulungi mian sangga'at. Potatae sumo aijo' mompodaagi' ka'ima'an hi to mia-mian anu mohongo.

PO'ULE' INGULIT 11:19

Opotinganakon hi to ana-anak nu belemiu. Osisikakon i uno nu laigan, i sambiha'nyo nu laigan tempo'nyo milawe, ka' tempo'nyo mokalaja.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

1 PETRUS 3:15

Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.