KOLOSE 4:5 - KITAB NU TUMPU ALLA LELE MA'IMAI'

⁵ I uno nu poboboan miu tiba to mia-mian anu madi' palesaya pande-pande ahi' na komiu tumuu', ka' opake iwi-iwi' na kasampatan ma'i-ma'ima'.

KOLOSE 4:5 ပူးပေါင်းရင်းမြစ်များ

MAZMUR 90:12

Bee'i mae pangalati'an na kami da osumbu' mami na kantumuu'an anu ola kodo-kodo' aiya da kami timbali mian anu ma'ima' na kinyonyoanyo.

DANIEL 2:8

Nohongo aijo' tinaamanmo i tomundo', “Kona hondo susumo anu tinutugankumo. Belemiu ola monsolo-solong tempo' kalana osumbu' nu belemiu na aku ko kahanda',

MATIUS 10:16

“Palahatikan na aiya: Aku monsai komiu sumo domba anu madi' moko ala mokiijo' i totonga' nu pojek anu buhingison. Komiu tionyo balajaga-jaga sumo ulo ka' hodi' na kinyonyoa sumo tomonsi' malapati'.

MARKUS 4:11

Sahingga i Yesus notatae hi aha, “Komiu binee'anmo balakat da monsumbu' lahasia mongkona mosia na Tumpu mompalentah. Panyo to mia-mian anu i sambiha'nyo ingajan nu kantuang,

ROMA 16:19

Iwi-iwi' na mian nonsumbu'mo, komiu mohongo-hongo hondo pangajalan mongkona Lele Ma'ima' anu nolengkat mae hi Tumpu. Ka' aku mule' sanang i han anu sumu aijo' hi komiu. Kugagan da komiu pande i hahan anu ma'ima', ka' ponga' i hahan anu ma'idek.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

1 TESALONIKA 4:12

De komiu tumuu' sumo aijo', komiu madi' ola taha'iman maumo pa'hihe, ka' to mia-mian anu madi' palesaya hi Kristus, mongadatimo komiu.

1 TIMOTIUS 3:7

Ia tionyo ahi' mian anu ko kalakuan ma'ima' hi mian da'isan; kalana de madi' sumo aijo', dumo ia saidi' mae nu alumo nu mian, sahingga nukonamo nu ponggoda'an nu Ibilis.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.

YAKOBUS 3:13

De itina' hi komiu daagi' ko mian anu pande ka' manonong, tionyo ahi' anu ma'ima' aijo' nu potoa i uno nu kantumuu'annyo, ka' mombau ahi' hahan anu ma'ima', anu ososapi'i nu kinyonyoa madi' ko bubuun ka' pande.

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

1 PETRUS 3:1

Sumo aitumo suele na komiu, to bengke-bengkele' tionyo ahi' obatuki na pongka'oho' nu langkai' nu belemiu, da aha de daagi' ko anu madi' palesaya i lele lengkat mae hi Tumpu, kalakuan nu belemiu na mompotimbali aha da palesaya. Ka' madi' pilenje belemiu montaloakon apa-apaa hi aha,