KOLOSE 4:2 - KITAB NU TUMPU ALLA LELE MA'IMAI'

² Tionyo ahi' komiu saja' tapakun na balado'a ka' saja' sadia ka' montalima kase hi Tumpu.

KOLOSE 4:2 ပူးပေါင်းရင်းမြစ်များ

AYUB 15:4

De bisuannyo potatae nu beleyum atina otuluti, madi'mo ko anu mabuhuk kabai balado'a hi Tumpu Allah.

MAZMUR 109:4

Aha montuuk mae aku mau mule' aku mongkalibosi aha, ka' nondo'akonmo aha.

MATIUS 26:41

Bajaga-jaga, ka' balado'a da komiu boli nu kona nu soba'an. Roh miu mongka'oho' mombau anu totu'u, panyo komiu madi' moko ala, kalana sipat nu mian aijo' madi' moko ala.”

MARKUS 13:33

Jadi komiu tionyo balajaga-jaga ka' obala'ingati kalana komiu madi' monsumbu' hipian na tempo'nyo.

LUKAS 18:1

Lapas aijo' i Yesus nonsisikakonmo sa'angu' na kantuangan da bau pompotingan anu saja' mombatuki Ia, da aha aja' balado'a, ka' boli mongoa'i susa'.

LUKAS 21:36

Saja' bajaga-jaga ka' balado'a, da komiu mahoson na mongahopi iwi-iwi' na anu saidi' mae timbali, ka' komiu moko ala mangadap hi Anak nu Mian.”

SISIKON NU TO RASUL-RASUL 1:14

iwi-iwi' saja' mosangaja' na kinyonyoa silimu' da balado'a. Aha balado'a tiba to bouboune, singkona i Maria tina i Yesus ka' tiba to utu-utus i Yesus.

ROMA 12:12

Tionyo kita Utus saja' montaha'imani Tumpu ka' saja' lame', sabaanakon na kasusa'an, ka' saja' balado'a.

EFESUS 6:18

Bau na iwi-iwi' aijo' ka' balado'a salaku pompoita tulung hi Tumpu. Iwi-iwi' na kasampatan tionyo balado'a susumo anu pinotiju'mo nu Roh nu Tumpu hi komiu. Tionyo ahi' komiu saja' mogogau' ka' boli mangaku matundu'mo. Saja' odo'akon na mian iwi-iwi' anu palesayamo hi Tumpu.

FILIPI 4:6

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.

KOLOSE 1:9

Mokonyo aijo' kami saja' mondo'akon komiu salatanmo pe'e kami nohongo komiu. Pinoita mami hi Tumpu, da Roh nu Tumpu Allah mombee'i kapandean ka' da mangalati', sahingga komiu monsumbu' totu-totu'u kahanda' nu Tumpu.

KOLOSE 2:7

ka' mimbakatmo hi Ia. Tionyo ahi' komiu tumuu'mo hi Kristus salaku bau kahosonan. Tionyo ahi' komiu mompaka palesayamo hi Kristus, susumo apaa na ingajanakonmo hi komiu. Ka' tionyo ahi' kinyonyoa miu saja' montaloakon talima kase.

KOLOSE 3:15

Anu oputusi miu, tionyo ahi' anu otantukan nu dame anu binee'mo i Kristus i uno nu kinyonyoa miu. Kalana Tumpu nolagamo komiu da timbali sa'angu' na butong, da komiu tumuu' i uno nu kadamean lengkat mae hi Kristus aijo'. Komiu tionyo ahi' montalima kase.

KOLOSE 3:17

Apaa na anu obau miu iwi-iwi' kabai otaloakon, aijo' obau ka' otaloakon, samata-mata kalana sanggo nu Tumpu Yesus. Montalima kase ahi' hi Tumpu Tuumanto, kalana apaa na anu binaumo i Yesus hi komiu.

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

1 SAMUEL 1:12

Pinin hondo na i Hana binalado'a ka' saja'mo pinotoakon i Eli na nganga' nu boune aijo'.

1 SAMUEL 12:23

Mongkona butongku ku amalakon da aku boli sampe baladosa' hi Tumpu kalana madi' mondo'akon belemiu, panyo ola ahi' aku suele saja' sabole-bole mombee'i pokinde' hahan anu ma'ima' ka' anu totu'u.