KOLOSE 4:12 - KITAB NU TUMPU ALLA LELE MA'IMAI'

¹² Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

KOLOSE 4:12 ပူးပေါင်းရင်းမြစ်များ

MATIUS 5:48

Tuumaum i suluga' mongkalibosi iwi-iwi' na mian totu-totu'unyo. Komiu tionyo suele sumo aitu.”

LUKAS 1:1

Teofilus anu manonong, Manjoo' na mian anu binala usahamo montulis mato-matopos mongkona hahan anu jinadimo i totonga'to.

LUKAS 22:44

I Yesus talalomo hondo nongoa'i sansala i kinyonyoa, sahingga Ia nompaka balado'amo totu-totu'u. Liasa'-Nyo sumomo baso' jinumuju' i tano'.]

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

ROMA 15:14

To Utu-utus! Kusumbu' hondo daagi' manjoo' na anu ma'ima' hi komiu. Komiu suele monsumbu' iwi-iwi' aijo', ka' mule' timbali mompaha pogu-pogulu' samian tiba samian.

ROMA 15:30

Tiba sanggo nu Tumpunto i Yesus Kristus, ka' tiba kalibosan anu binee' mae nu Roh nu Tumpu, kupoita sabole-boleh hi komiu da aku tiba komiu mondo'akon mae totu-totu'u aku hi Tumpu Allah.

1 KORINTUS 14:20

To Utu-utus! Boli bapikin sumo to ana-anak. I han anu ma'idek, bakas da tataapmo na komiu susumo anak ise'. Panyo i han bapikin, tionyo ahi' komiu timbali mian anu motu'amo.

1 KORINTUS 2:6

Mau mule' sumo aitu, kona hi to mia-mian anu nasasakmo na kapalesaya'annyo i uno nu kantumuu'annyo, aku memang motatae mongkona kapandean. Panyo kapandean aiya misa' kapandean nu dunia, kabai kapandean nu anu mongkuasai tempo' uuka, anu kakuasa'annyo ola mingkot.

2 KORINTUS 13:11

Ahennyo, to Utu-utus, sabole-bole ahi' komiu lame', ka' bala usaha da timbali ganap. Ala na pokinde'ku iwi-iwi'. Sabole-bole ahi' komiu momposa'angu' kinyonyoa ka' mompaha hongo-hongo. Tumpu Allah Anu talalo Mongkalibosi ka' saja' mompodame, aijo' na saja' monjagai komiu.

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.

GALATIA 4:19

To ana-anakku anu ku kanonongi! Uuka aiya aku po'ule' mule' nongoa'i sansala kalana komiu. Aku mongoa'i sansala sumomo samian na tina nu anak anu mongoa'imo sansala tempo'nyo mohampeakonmo anak. Aku saja' mongoa'i sansala, de sipat-sipat i Kristus ma'isa minsoop hi butong miu!

KOLOSE 1:22

Panyo uuka aiya Anak-Nyo sinilakamo kalana Tumpu nombaumo da pompahasumbu'an miu tiba Ia timbali mompo'ule' ma'ima'. Tiba jalan aijo' komiu timbali oboa mangadap hi Tumpu i uno nu han anu susi', ma'ima' ka' madi' ko ide'nyo.

KOLOSE 1:28

I Kristusmo atina' na anu opolele mami toka hi toto samian. Kami mompotuka' ka' mompagala hondo-hondo mompogulu' aha iwi-iwi'. Kahanda' mami aijo'mo da batu-batu mian timbali oboa hi Tumpu Allah, sumo mian anu motu'amo na pikilan i uno nu hahan rohani, kalana nosa'angu'mo tiba i Kristus.

KOLOSE 1:29

Da timbali moko ala montokai han aijo', aku nokalajamo juku-jukut. Aku binala usahamo nu kahosonanku iwi-iwi' anu binee'mo i Kristus hi belengku ka' anu nokalajamo totu-totu'u nu kuasanyo i uno nu butongku.

KOLOSE 1:7

Han aijo' pinotokamo i Epafras hi komiu Utus, sangalu anu okalibosi mami. Ia atina' anu tulu-tulutan na mokalaja hi Kristus, mokalaja bau kapentinganto.

KOLOSE 1:9

Mokonyo aijo' kami saja' mondo'akon komiu salatanmo pe'e kami nohongo komiu. Pinoita mami hi Tumpu, da Roh nu Tumpu Allah mombee'i kapandean ka' da mangalati', sahingga komiu monsumbu' totu-totu'u kahanda' nu Tumpu.

KOLOSE 4:9

I Onesimus mambaje hingga-hinggat tiba i Tikhikus; ia samian anu nolengkat mae atina' i gampa miu. Ia mian anu tulu-tulutan, sahingga kami mongkalibosi ia. Ia ka' i Tikhikus mompoto'ije hi komiu iwi-iwi na anu tinimbalimo i tampatku aiya.

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

FILEMON 1:23

I Epafras, anu aiya sama-sama tiba aku i uno nu talungku' kalana i Kristus Yesus, nompakatu salan do'anyo hi beleyum.

IBRANI 5:14

Kaanon anu mokuut aijo' bau bagi nu mian anu motu'amo, anu kalana ko'anumo nu sumbu-sumbu', timbalimo monggihanakon iya na anu ma'ima' tiba iya na anu ma'idek.

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.

YAKOBUS 1:1

To utu-utus mian anu palesayamo hi Tumpu iwi-iwi', anu nobagi-bagimo i songko-songko na dunia! Salam do'a lengkat hi belengku, i Yakobus, posaihon nu Tumpu ka' posaihon i Tumpu Yesus Kristus.

YAKOBUS 1:4

O jaga da kasabalan nu kinyonyoa miu aijo' saja' opo boa-boa sampe komiu totu-totu'u ma'ima'mo ka' madi'mo kakulangan i uno nu han mau pe'e pa' apaa.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.