KOLOSE 4:11 - KITAB NU TUMPU ALLA LELE MA'IMAI'

¹¹ Salan do'a suele lengkat mae hi Yesus anu osa-osanggohi Yustus. Lengkat mae hi to mia-mian nu Yahudi anu pinalesayamo hi Tumpu Yesus, ola aha totolu' na anu uuka aiya mokalaja tiba aku mompojalan kalaja anu lengkat mae hi Tumpu. Aha nontulungimo mae aku totu-totu'u.

KOLOSE 4:11 ပူးပေါင်းရင်းမြစ်များ

SISIKON NU TO RASUL-RASUL 10:45

To mia-mian nu Yahudi anu palesayamo hi Yesus ka' nombatukimo i Petrus lengkat i Yope, iwi-iwi' binangang na nontoa Tumpu nombee'i suele Roh-Nyo hi to mia-mian bansa sangga'at anu misa' Yahudi.

SISIKON NU TO RASUL-RASUL 11:2

Sinailapas aitu salatan i Petrus nambamo nokiijo' i Yerusalem, to mia-mian nu Yahudi anu pinalesayamo aijo', nongalumo i Petrus.

ROMA 16:3

Potokakon na salan do'angku hi Priskila ka' hi Akwila, to sanga-sangalungku anu nokalaja hingga-hinggat bau kapentingan i Kristus Yesus.

ROMA 4:12

I Abraham mule' tuuma i uno nu kapalesaya'an bagi nu to mia-mian anu mombatuki atulan nu sunat. Ia tuuma nu kapalesaya'an nu aha misa' ola kalana aha mombatuki atulan nu sunat, panyo mule' kalana aha tumuu' palesaya hi Tumpu, pokakana i Abraham tempo'nyo ia ma'isa pe'e nombatuki atulan nu sunat.

2 KORINTUS 6:1

Kalana kami mokalaja hingga-hinggat tiba Tumpu, mokonyo aijo' opoita mami sabole-bole boli komiu monsia-siakon ka'ima'an nu kinyonyoa nu Tumpu aijo'.

EFESUS 2:11

To Utu-utus anu misa' mian nu Yahudi! Inau' na kantumuu'an miu tempo'nyo naipuan mae: Komiu sinanggohanmo “mian anu madi' o sunat”, nu mian Yahudi anu mangaku butongnyo sinunatmo (makisutnyo anu nohumpakmo tanda anu binau nu mian i butong nu aha).

FILIPI 4:3

Toka hi sangalungku anu momo' hongo-hongo ku poita suele da kita Utus montulungi ua'-ua'aha na boune aijo'. Aha nokalajamo totu-totu'u tiba aku, nombebakon Lele Ma'ima' anu lengkat mae hi Tumpu; pokakana sumo i Kelemen ka' iwi-iwi' mian sangga'atan anu nokalajamo hingga-hinggat tiba aku. Sanggo nu aha haha aijo' daagi'mo i uno nu Kitab nu Mian Tumuu'.

KOLOSE 4:7

I Tikhikus, Utusto anu oka-okalibosi momposumbu'je hi komiu iwi-iwi na apaa anu tinimbalimo hi belengku. Ia tulu-tulutan na nokalajamo, nosangalu tiba kami nombau kapentingan nu Tumpu.

1 TESALONIKA 3:2

hau-haunyo aijo' kami nonsaimo utusto i Timotius. Ia samian na posaihon nu Tumpu anu bakalaja tiba kami, da mompolele Lele Ma'ima' mongkona i Kristus. Kami nonsai i Timotius hi komiu, da ia mompohosonakon komiu ka' mongkakeha' komiu da lebe palesaya mule' hi Kristus.

1 TESALONIKA 3:7

Aijo' na sababnyo to utu-utus i uno nu kasusa'an iwi-iwi' ka' kasansala'an mami, kami ingindeeke'mo nu lele anu lengkat mae hi komiu. Palesaya miu hi Kristus nomposanangmo kinyonyoa mami,

TITUS 1:10

Kalana manjoo' na mian anu moto muhukmo, lebe-lebe to mia-mian anu u'utunyo mae montoongi agama Yahudi; aha mongakali mian sangga'at nu potatae nu aha anu madi' ko gunanyo.

FILEMON 1:1

Utusku i Filemon, sangalu sampo kanaya mami! Aku, i Paulus mian anu tinalungku'mo kalana i Kristus Yesus, tiba Utusto i Timotius, nontulismo sulat aiya toka hi beleyum

FILEMON 1:24

Talimakon suele na salan do'a nu to sanga-sangalungku: i Markus, i Aristarkhus, i Demas ka' i Lukas.