KOLOSE 4:10 - KITAB NU TUMPU ALLA LELE MA'IMAI'

¹⁰ I Aritarkhus, anu i uno nu talungku' hingga-hinggat tiba aku, nompakatu salan do'a hi komiu. Sumo aitu mule' na i Markus mototominsan ka' i Barnabas. (Pinotuunmo na kaleba hi komiu da o labot na ia, de ia tokamo itina' hi komiu.)

KOLOSE 4:10 ပူးပေါင်းရင်းမြစ်များ

SISIKON NU TO RASUL-RASUL 12:12

Noko sinsumbu' apaa na anu jinadimo aijo', i Petrus nambamo nokiijo' i laigan i Maria, tina i Yohanes anu o sanggohi mule' i Markus. I kiijo' da'isan na mian binala gombu ka' hau-haunyo balado'a.

SISIKON NU TO RASUL-RASUL 12:25

Sinailapas i Barnabas ka' i Saulus nompomingkot kalaja nu aha, aha ninsusule'mo lengkat mae i Yerusalem nomboa i Yohanes Markus nohingga-hinggat tiba aha.

SISIKON NU TO RASUL-RASUL 13:13

Lengkat i Pafos, i Paulus ka' to sanga-sangalunyo tinalabutmo nokiijo' i Perga da'erah Pamfilia. I kiijo' i Yohanes, Markus nompala'imo aha, ka' ninsusule'mo i Yerusalem.

SISIKON NU TO RASUL-RASUL 13:5

Salatan tinoka i Salamis, aha nompolelemo potatae nu Tumpu Allah i to lai-laigan pogalejaan nu Yahudi. I Yohanes Markus nontulungi aha i uno nu lumambanan nu aha.

SISIKON NU TO RASUL-RASUL 19:29

Sahingga ka hengge'an aijo' tinogilelemo tinoka-toka i songko-songko na kota'. Lapas aijo' posa'angu'an anu mombau kahengge'an aijo' nohakop i Gayus ka' i Aristarkhus, aitumo' to mia-mian nu Makedonia anu monsangalui i Paulus mamba moyaya, lantas nohela' aha nokiijo' i totonga' nu kota aijo'.

SISIKON NU TO RASUL-RASUL 20:4

I Sopatar anak i Pirus anu nolengkat mae i Berea namba nohingga-hinggat ia; sumo aitu mule' i Aristarkhus ka' i Sekundus mian nu Tesalonika, ka' i Gayus mian nu Derbe. Suele i Timotius, i Tikhikus, ka' i Trofimus, to mia-mian lengkat i Provinsi Asia.

SISIKON NU TO RASUL-RASUL 27:2

Kami sinumake' i kapan anu tinoka lengkat mae i Adramitium, lapas aijo' inamba tiba kapan aijo' anu sinadiamo talabut mokiijo' i to labu-labuan i Provinsi Asia. I Aristarkhus, mian nu Makedonia anu tinoka lengkat mae i Tesalonika, talabut suele hingga-hinggat tiba kami.

SISIKON NU TO RASUL-RASUL 4:36

Sumo aitumo mule' na i Yusuf. Ia suele nompobaluk tano'nyo, lantas doi oli nu anu pinobaluknyo aijo' binoanyo ka' binee'nyo hi to rasul-rasul. I Yusuf aiya samian na lee' mae nu bansa Lewi lengkat mae i Siprus; to rasul-rasul suele monsanggohi ia i Barnabas (alati'nyo Pontundu).

ROMA 16:2

Otalima na ia sumo sala' samian anu pinalesayamo hi Tumpu. Memang sumo aijo'mo na to mia-mian anu palesayamo hi Tumpu, tionyo mompaha toa-toa samian ka' samian. Otulungi na ia de ia mompalalui da otulungi miu mae na ia, kalana ia nontulungimo da'isan na mian – ka' suele aku.

ROMA 16:7

Potokakon suele na salan do'angku hi Andronikus ka' hi Yunias. Aha sa'a-sa'angu'mo na bansa tiba aku, ka' toho'mo ninsoop i talungku' hingga-hinggat tiba aku. Ma'isa pe'e aku pinalesaya hi Kristus, aha polo-polo'mo pinalesaya. Talasanggohondo na aha hi to rasul-rasul.

2 TIMOTIUS 4:11

Me i Lukas na jinojoong tiba aku. Mamba ala ka' boa mae na i Markus hingga-hinggat tiba beleyum, kalana ia na timbali montulungi pakalaja'anku.

FILEMON 1:23

I Epafras, anu aiya sama-sama tiba aku i uno nu talungku' kalana i Kristus Yesus, nompakatu salan do'anyo hi beleyum.

FILEMON 1:24

Talimakon suele na salan do'a nu to sanga-sangalungku: i Markus, i Aristarkhus, i Demas ka' i Lukas.

1 PETRUS 5:13

To sanga-sangalu jama'at kiijo' mae i Babilon, anu suele pinile'anmo nu Tumpu, nompakatu mae salan do'a hi belemiu; sumo aitu mule' anakku i Markus anu kuku kanonongi.