KOLOSE 3:9 - KITAB NU TUMPU ALLA LELE MA'IMAI'

⁹ Boli mompaha aka-akali samian ka' samian, kalana kantumuu'an anu nanau'mo tiba sipatnyo iwi-iwi' ilapasakonmo miu.

KOLOSE 3:9 ပူးပေါင်းရင်းမြစ်များ

AMSAL 13:5

Mian anu madi' tageo' na kinyonyoanyo mongka'ideki anu baleko'; panyo kalakuan nu mian anu ma'idek na kinyonyoanyo mongambangi ka' opisala'i.

YESAYA 63:8

Tumpu notatae, “Memang aha aijo' mian anu palesayamo hi beleng-Ku to ana-anak anu madi' monsusa'i mae.” Sahingga Ia tinimbalimo anu Nomposalamatmo aha,

IMAMAT 19:11

Boli mombuling, mongakali kabai baleko'.

ZEFANYA 3:13

Aha mian nu Israel anu daagi tuha'nyo madi'mo daagi mombau anu ma'idek maumo pa' hi he; aha madi' modaagi balekos ka' madi'mo lewa' mongakali. Aha mohumpakmo kantumuu'an anu ma'ima' ka' madi'mo daagi mongoa'i mabuhuk maumo pa' hihe.”

ZAKHARIA 8:16

Sumo uuka na palentah-palentah anu tionyo ahi' obau nu belemiu: De motatae tionyo ahi' anu totu'u na otaeakon hi sangko manusia. Mian kopian tionyo ahi' momputusi nu ka'adilan ka' momboa kadamean.

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

ROMA 6:6

Osumbu'to na kalakuanto anu piniinmo salaku mian sinilakanmo hingga-hinggat tiba i Kristus i kau' salib da kuasa nu kalakuanto anu baladosa' aijo' madi'mo ko kaliangan-Nyo; tiba jalan aijo' kita madi'mo daagi' nubotuani nu dosa'.

EFESUS 4:22

Mokonyo aijo', ukatakonmo na mian anu nanau'mo tiba jalan pikilan nu kantumuu'an anu nanau'mo anu hau-haunyo ingide'anmo han anu oka'ima'i anu mompoponga'.

EFESUS 4:25

Kalana aijo' to Utu-utus iwi-iwi' bolimo baleko'. Pombaumo gau' anu hodi' hi samian ka' hi samian, kalana kita iwi-iwi' bubuu'mo ninsoop bagian butong i Kristus.

KOLOSE 3:8

Panyo uuka aiya komiu tionyo ahi' mongalinmo hahan anu ma'idek anu daagi' itina' i butong miu: bolimo daagi' pusa, kabai moto idek, kabai kokinyonyoa mongka'ideki mian sangga'at. Boli hondo-hondo mosabat mae atina' i nganga' miu na potatae anu lewa' monguduli, kabai potatae anu mahumimi'.

1 TIMOTIUS 1:10

mongkona to mia-mian anu lewa' masala', talalo napisu nyo, lewa' mompopalaihakon to ana-anak talalo baleko'; to saki-sakisi baleko', ka' maumo ihe na mombau hahan anu mompaha sala' tiba pangajalan anu totu'u.

ANU PINOTO'I HI YOHANES 21:27

Panyo mian anu mombau hahan anu pahengas kabai mian anu baleko' – o ala kodo-kodo' mau mule' apaa na anu mahenyu, madi' hondo-hondo minsoop i unonyo. Anu minsoop ola ahi' mian anu sanggonyo kiijo' tuli-tulis i uno nu Kitab nu Mian anu Tumuu', Kitab Anak nu Domba aijo'.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.