KOLOSE 3:8 - KITAB NU TUMPU ALLA LELE MA'IMAI'

⁸ Panyo uuka aiya komiu tionyo ahi' mongalinmo hahan anu ma'idek anu daagi' itina' i butong miu: bolimo daagi' pusa, kabai moto idek, kabai kokinyonyoa mongka'ideki mian sangga'at. Boli hondo-hondo mosabat mae atina' i nganga' miu na potatae anu lewa' monguduli, kabai potatae anu mahumimi'.

KOLOSE 3:8 ပူးပေါင်းရင်းမြစ်များ

MAZMUR 37:8

Boli motambuha' kabai ka' mapanas na kinyonyoa, aijo' ola momboa kasilaka'an.

AMSAL 17:14

Montampu'uni painggagan sumomo mombuka jalan nu uee; kalana aijo' ma'isa pe'e painggaga pinsusule'mo.

AMSAL 19:19

Pojohokmo na mian anu sampa pusa posi iaje na mongoa'i ka'ahenannyo. De beleyum montulungi ia, beleyum ola labe montuangi tambuha'nyo.

AMSAL 29:22

Mian anu malia' pusa monsaduakon manjoo' na mian mahanggaga ka' baladosa'mo.

MATIUS 5:22

Panyo uuka Aku motatae hi beleyum, ihe na pusa hi mian sangga'at, tionyo o putusi na palakalanyo; ka' ihehe na monguduli mian sangga'at, tionyo o putusi na palakalanyo i ahop nu Mian Kopian Daka' nu Agama. Ka' ihehe na montaloakon hi mian sangga'at, ‘Talalo ponga'’, patut o alin i uno nu apu nalaka.

MARKUS 7:22

mahenyu, baleko', mongalu, tiba mombau sangga'at anu to ide-idek, timbali matongot, madi' ko atulan, minsihip, mohang hangka-hangkat butong, ka' madi' opoko ajan.

ROMA 13:13

Kita tionyo mombau anu ko adatnyo sumo anu biasanyo obau sinaa; boli mompopodaka' bau-bauon moliu-liumo anu madi' opoko ala obaunto, kabai malangu. Boli masala', kabai kalakuan anu madi' ko atulannyo. Boli mahantuda' kabai pusa na kinyonyoa.

1 KORINTUS 3:3

kalana komiu daagi' tumuu' mombatuki sipat miu salaku mian. Kalana de komiu daagi' mongka'ideki tiba mahantuda' hi samian ka' samian, te misa' aijo' mompotiju' taalu' komiu daagi' tumuu' mombatuki sipat nu mian, sumo to mia-mian anu madi' monsumbu' Tumpu?

2 KORINTUS 12:20

Aku bata-bata de aku mamba molenga saidi' mae, ku tokai na komiu madi' sumo anu tinahaimanankumo. Boli-boli saidi' mae daagi' ko anu mahantuda', anu sumpu, anu buhingison, anu mompentingkan kapalaluan nu posi butong, anu ola lewa' mompobau-bau, anu ola monsale'i da mombau gau' ma'idek, anu ola kobubuun, ka' anu ola momposubali pikilan.

GALATIA 5:15

Panyo de komiu mompaha pisa-pisala'i, jaga dumo saidi' mae komiu hingga-hinggat mongoa'i kasusa'an.

GALATIA 5:20

i uno nu han monsombah pilogot ka' ilimu' ponsumbu'an; da nu ka'ima'i nu mian ka' opake de mompaha idekmo, mahantuda', minsihip, sampa' motambuha', ka' mosi ulus posi butong; mosubali ka' mosi pintu-pintuus,

GALATIA 5:26

Kita madi'mo timbali takabun, ka' mompaha saki-sakiti kinyonyoa, ka' mongka'ideki samian ka' samian.

EFESUS 4:22

Mokonyo aijo', ukatakonmo na mian anu nanau'mo tiba jalan pikilan nu kantumuu'an anu nanau'mo anu hau-haunyo ingide'anmo han anu oka'ima'i anu mompoponga'.

EFESUS 4:25

Kalana aijo' to Utu-utus iwi-iwi' bolimo baleko'. Pombaumo gau' anu hodi' hi samian ka' hi samian, kalana kita iwi-iwi' bubuu'mo ninsoop bagian butong i Kristus.

EFESUS 4:26

De komiu pusa, boli mompobee' pusaum aijo' monsaduakon komiu baladosa'. Boli sansinaamo na pusa,

EFESUS 4:29

De komiu basisik, boli montaeyakon potatae anu mahenyu. Anu otaeyakon potatae anu mompokopiani ka' anu montulungi mian sangga'at. Potatae sumo aijo' mompodaagi' ka'ima'an hi to mia-mian anu mohongo.

EFESUS 5:4

Madi' mule' pantas hi komiu montaloakon potatae anu mahenyu, anu masala' ka' anu madi' mingkona. Ola ahi' komiu maunyo montalima kase hi Tumpu.

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

KOLOSE 3:9

Boli mompaha aka-akali samian ka' samian, kalana kantumuu'an anu nanau'mo tiba sipatnyo iwi-iwi' ilapasakonmo miu.

1 TIMOTIUS 1:13

mau mule' u'utu mae aku bapitana' ka' mongkabisa'i, ka' mule' mongalu Ia. Panyo Tumpu nongkalibosimo aku, kalana tempo'nyo aitu aku ma'isa pinalesaya, jadi madi' kusumbu' apaa na anu binaungkumo.

1 TIMOTIUS 1:20

Sala'samian aijo'mo i Himeneus, ka' i Aleksander. Ua-ua'aha na mian aijo' i hukumkumo binee'kumo hi Ibilis, da aha balajan, da madi'mo mompisala'i Tumpu.

IBRANI 12:1

Yo de hi kita, manjoo' hondo aiya hi kita na sakisi! Kalana aijo', imbo' da o'alintomo iwi-iwi' na anu mompiboati ka' dosa' anu saja' maningkampit hi kita. Ka' imbo' na kita da sabaan na mombatuki baku lebee anu aiyamo i ahopto.

YAKOBUS 2:7

Ahamo na anu nompopo'ambang sanggo anu o adati, anu tinalimamo miu hi Tumpu!

1 PETRUS 2:1

Kalana aijo', alinmo na anu ma'idek iwi-iwi' itina' i butongum; bolimo daagi' baleko', ka' boli mimbudi-budi. Boli mongka'ideki mian sangga'at, ka' boli mompopo'ise' mian sangga'at.

2 PETRUS 2:18

Aha saja' monsisik anu toto ima-ima' ka' madi' ko kaliangannyo, napisu da masala' nupake nu aha bau pontua to mia-mian anu sala'je montampu'uni mae mompala'i to mia-mian anu tumuu' ginumpomo.

2 PETRUS 2:7

Panyo i Lot pinosalamat, kalana ia na montuluti pongka'oho' nu Tumpu; ia talalo hondo nongoa'i kasansala'an kalana kalakuan nu to mia-mian anu palaganta.

YUDAS 1:13

Pokakana sumo bokon anu mabohos hondo i ambai sinumelembua'mo sumo aitu mule' na anu nubau nu aha sinumelembua'mo na anu moko ambang. Aha sumomo to manda-mandala' anu madi' tataap na kajojoongannyo ka' anu tinoukanmo na tampat nu Tumpu i uno nu kapintungan anu talalo okabuhuk sampe toka sidu-sidutu'.

YUDAS 1:8

Sumo aitu mule' na mian haha aijo' ola lewa' mompopikilakon anu santo misa-misa' sampe aha mombau dosa' i posi butong nu aha. Aha monte kuasa nu Tumpu ka' mompopo'ise' malaikat anu talasanggo kiita' i suluga'.

ANU PINOTO'I HI YOHANES 16:9

Mian pinapuanmo nu anu talalo hondo mapanas aijo' sahingga aha nongkutukimo sanggo nu Tumpu, anu mongkuasai balaa' haha aijo'. Mau mule' sumo aitu, aha madi' mongka'oho' da madi'mo lewa' mombau dosa' nu aha, ka' madi'mo mongka'oho' mompuji' katalasanggoan nu Tumpu.