KOLOSE 3:5 - KITAB NU TUMPU ALLA LELE MA'IMAI'

⁵ Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

KOLOSE 3:5 ပူးပေါင်းရင်းမြစ်များ

NOSABATMO 37:22

Songko-songko na tengke nu sulu' aijo' tiba bunga-bunganyo anu sumo malia'mo timboka ka' to panga-panga'nyo, anu obau sangkolong na mosoni' anu otutuk madi' ko galo'nyo.

MATIUS 15:19

Kalana lengkat i uno nu kinyonyoa lubat na pikilan-pikilan anu ma'idek, anu monsabapi mian mompatei, masala' mombau anu moko mahenyu, montomang, mombee'i sakisi baleko', ka' mompitana'akon.

ROMA 1:26

Kalana mian nombaumo anu sumo aijo', sahingga Tumpu Allah nompojohokmo aha mombatuki napisu nu aha anu moko ambang. To boboune nu aha madi'mo mongka'ima'i to momo'ane nu aha susumo ahi' biasanyo hi mian, panyo mongka'ima'imo bubuu' sangko boune.

ROMA 1:29

Kinyonyoa nu aha nobuke'mo nu anu toto ma'i-ma'idek, anu madi' totu'u; nobuke'mo nu mangoa, kabusikan tiba saja' mongoa'i singgi; nobuke'mo nu kahanda' mompai patei, mahantuda', mongakali tiba mongingu. Aha mongka'ima'i solaa' monsisik mian sangga'at,

ROMA 6:13

Boli mule' kita Utus mombee' bagi-bagian nu butongum i kuasa nu dosa' ka' opakemo i to kaha-kahanda' anu ma'idek. Panyo simpalakonmu na butongum hi Tumpu salaku mian anu ilalinmo lengkat i kasilakaan mokiijo' i kantumuu'an. Simpalakonmo na butongum iwi-iwi' hi Tumpu da opake mombau kahanda' nu Tumpu.

ROMA 6:6

Osumbu'to na kalakuanto anu piniinmo salaku mian sinilakanmo hingga-hinggat tiba i Kristus i kau' salib da kuasa nu kalakuanto anu baladosa' aijo' madi'mo ko kaliangan-Nyo; tiba jalan aijo' kita madi'mo daagi' nubotuani nu dosa'.

ROMA 7:23

panyo aku tinonginau' tukoongku i uno nu butongku daagi' suele ko atulan sangga'at anu montoongi kuasa – aijo'mo atulan anu madi' mo'imboa tiba atulan anu nutalima nu pikilanku. Mokonyo aijo' aku tinonsegot i atulan nu dosa' anu nontoongi kuasa i uno nu butongku.

ROMA 7:5

Kalana, u'utu mae kita tumuu' mombatuki sipat-sipat nu mian. Tempo'nyo aitu anu okamilui monsaduakon da baladosa', anu lubat mae kalana ko atulan nu agama na montoongi kuasa i uno nu butongto. Mokonyo aijo' kita mombau anu mongahenakon kapatean.

ROMA 8:13

Kalana de komiu tumuu' mombatuki sipat nu mian, saba' komiu ola mate; panyo de kuasa nu Roh nu Tumpu, komiu saja' mompatei apa-apaa na anu obau, anu moko baladosa', atina'je yo komiu tumuu'.

1 KORINTUS 5:1

Aku sabenannyo nohumpakmo lele daagi' ko anu nonsisik, tukoonyo itina' hi komiu daagi' ko anu nombaumo anu mahenyu, anu talalomo hondo: Daagi' ko anu itina' hi komiu Utus anu nasala'mo tiba bengkele' nu tuumanyo te silabo'nyo. To mia-mian pe'e anu madi' monsumbu' Tumpu, madi'mo mombau sumo aijo'!

1 KORINTUS 6:11

To pia-piangkuka itina' hi komiu u'utu mae ko kalakuan sumo aijo'. Panyo uuka dosa' miu pinobelesinmo. Komiu tinimbalimo samata-mata anu nu Tumpu. Komiu nompo'ule'mo nompaha ima' tiba Tumpu, kalana komiu pinalesayamo hi Tumpu Yesus Kristus, ka' kalana kuasa nu Roh anu nolengkat mae hi Tumpu Allah-nto.

1 KORINTUS 6:13

Daagi' mule' ko anu notatae tukoonyo, kaanon bau pongisi kompong, ka' kompong pinotouka bau pongisian kaanon. Panyo ohu-ohua' aijo' madi' nutalima nu Tumpu. Butong nu mian madi' timbali opake mombau palabuatan masala', panyo opake bau pohongo-hongo Tumpu. Ka' Tumpu na mompotuu' butong aiya.

1 KORINTUS 6:18

Opimpali na mombau palabuatan masala'. Kalana iwi-iwi' na dosa' sangga'at anu nubau nu mian, obau i sambiha' nu butong nu mian aijo'. Panyo mian anu momba-mombau anu ma'idek sumo-sumomo mombau dosa' i posi butongnyo.

2 KORINTUS 12:21

Aku mabuhuk manga-manga tempo'nyo aku toka saidi' mae Tumpu Allah mompopo ambangmo aku i ahop miu ka' aku humaangmo kalana manjoo' itina' hi komiu na anu baladosa' u'utu mae, madi' nongabali' ka' madi' belenti na mombau bauon nu aha anu masala', pahengas ka' anu madi' halus obau.

GALATIA 5:24

To mia-mian anu i Kristus Yesusmo na tumpunyo, mian haha aijo' nompateimo sipatnyo salaku manusia tiba iwi-iwi' na napisunyo ka' apaa na anu nu ka'ima'i.

EFESUS 4:19

Aha madi'mo daagi' ko kinyonyoa ma'ambang, sahingga iwi-iwi' na napisu nubau nu aha, ka' tumuu' mombau anu ma'idek yayamo pongka'oho' nu kinyonyoanyo.

KOLOSE 2:11

Kalana nosa'angu'mo tiba i Kristus komiu sinunatmo, misa' sumo sunat anu binau nu mian, panyo sunat anu binau i Kristus, anu nompobebasmo komiu i kuasa nu tabiat anu baladosa'.

1 TESALONIKA 4:3

Aiyamo na kahanda' nu Tumpu: Da komiu tumuu' samata-mata hi Ia, susi' mati kojo'on hi iwi-iwi' palabuatan masala'.

1 TESALONIKA 4:5

Boli tumuu' mombatuki kahanda' nu napisu hi bengkele'um, sumo anu nu bau nu to mia-mian anu madi' monsumbu' Tumpu.

1 TIMOTIUS 6:10

Kalana mongka'ima'i doi lubatmo na lupa-lupa ka'idekan. Daagi' kosambahagian na mian ola molio doi sahingga madi'mo mombatuki ajalan nu Kristen, lantas aha nu tokaimo nu kasansala'an anu manjoo' hondo anu mongideimo kinyonyoa nu aha.

IBRANI 12:16

Obala'ingati da boli ko anu tumuu' lewa' masala' kabai madi' mongangga'i hahan rohani, susumo anu binaumo i Esau. Pinobaluknyomo na haknyo salaku anak tumpe, ola kalana samangko' na anu o kaan.

IBRANI 13:4

Iwi-iwi' na mian tionyo ahi' mompotoa kalakuan mongadati po'osoan, mokonyo aijo' tionyo ahi' mo'ane bengkele' mompaha hongo-hongo samian ka' samian. Mian anu mombau anu mahenyu ka' mian anu masala' nu putusije nu Tumpu.

IBRANI 13:5

Boli kantumuu'an miu mongka'ima'i doi na mongkuasai, panyo tionyo ahi' komiu mongoa'i sukupmo tiba apaa na anu daagi'mo hi belemiu. Kalana Tumpu notataemo, “Aku madi' mompojohok kabai mompala'i beleyum.”

YAKOBUS 4:1

Lengkat mae iya na pinolengkatan nu iwi-iwi na pahantuda'an ka' painggagan itina' hi komiu? Te misa' aijo' nolengkat mae i pongka'oho' miu anu saja' mahampate i uno nu butong miu da bau pohumpakan kasanangan nu dunia!

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.