KOLOSE 3:4 - KITAB NU TUMPU ALLA LELE MA'IMAI'

⁴ Jadi, pinolengkatan nu kantumuu'an miu anu totu-totu'u atina'mo hi Kristus, ka' de Ia po'ule'mo otoa, komiu suele tokamo mae hingga-hinggat tiba Ia ka' opopodaka'mo suele tiba Ia!

KOLOSE 3:4 ပူးပေါင်းရင်းမြစ်များ

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

MAZMUR 73:24

Belento na lewa'mo nolaya aku nu pokinde' ka' saidi' mae nu talima na aku nu kaholomatan.

MATIUS 13:43

Ka' to mia-mian anu nombaumo kahanda' nu Tumpu majingka sumo batu nu sinaa i uno nu Dunia Bu'ou nu Tumpu, Tuuma nu aha. Jadi, de daagi' ko bihing, pohongomo!”

LUKAS 17:30

Sumo aitumo na baunyo saidi' mae de sinaa Anak nu Mian oponyata'mo.

YOHANES 11:25

“Akumo na mombee'i kantumuu'an ka' po'ule' mompotumuu' mian mate,” koo-Nyo i Yesus hi Marta, “Mian anu palesaya hi beleng-Ku po'ule' tumuu' mau mule' ia natemo.

YOHANES 14:3

De lapasmo na Aku mamba montoukai tampat miu, Aku po'ule'je mae minsusule' ka' molabot komiu, da iyana kajojoongan-Ku, i kiijo' suele na kajojoongan miu.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

YOHANES 20:31

Panyo iwi-iwi' aiya tinulis, da komiu palesaya taalu' i Yesus aijo' Tomundo anu Momposalamat, Anak nu Tumpu, ka' kalana palesaya hi Ia, komiu mohumpakmo kantumuu'an.

SISIKON NU TO RASUL-RASUL 3:15

To utu-utus mompateimo Ia, padahan Iamo na pinolengkatan nu kantumuu'an bau kapentingan nu iwi-iwi' mian. Ka' Tumpu po'ule'mo nompotumuu' ia lengkat i kapateannyo. Kami nonsakisimo han aijo'.

ROMA 8:18

Iwi-iwi' na kasansala'an anu o'oa'into uuka aiya, de aku na montutugi, madi' opoko ala opokakanakon tiba kabilahian anu oponyata' hi kita.

ROMA 8:19

Songko-songko na dunia daka-daka' na kinyonyoa montanda'i te tempo'nyo Tumpu momponyata' to ana-anak-Nyo.

1 KORINTUS 1:7

sahingga sa'angu' pe'e na balakat madi' maga'a hi komiu, hau-haunyo komiu montanda'i Tumpunto i Yesus Kristus toka ka' nutoa nu mian iwi-iwi'.

1 KORINTUS 15:43

De butong aijo' olamunmo, butong aijo' ma'idekmo ka' madi'mo moko henggo; panyo de ia po'ule'mo opotumuu', ia aijo' timbalimo butong anu ma'ima' ka' mahosonmo.

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

FILIPI 3:21

Butongto anu madi' mahoson ka' anu timbali mohonsu aiya nubali'ije i Kristus timbali sumo butong-Nyo anu talasanggo. Ia timbali moko ala mombau aijo' kalana Ia daagi' ko kuasa mompatundu' iwi-iwi na apaa.

1 TESALONIKA 4:17

Lapas aijo' kita anu daagi' tumuu' tempo'nyo aitu, hingga-hinggat o hangkat tiba aha i uno nu kundom da mompahakabot tiba Tumpu i langa. Lantas kita jojoongmo hingga-hinggat tiba Tumpu sampe toka sidu-sidutu'.

1 TIMOTIUS 6:14

Tututimo na palentah iwi-iwi' aijo' ima-ima' ka' madi' ko kasala'annyo sampe i sinaa nu Tumpunto i Yesus Kristus po'ule'mo toka.

2 TIMOTIUS 1:1

O Timotius, anakku anu ku kanonongi! Aku, i Paulus, nontulis sulat aiya toka hi beleyum, ka' montaha'imani, da Tumpu Tuuma ka' Tumpunto i Kristus Yesus mombee'i balakat, kalibosan ka' ka'ima'an hi beleyum. Ka' kalana pongka'oho' nu Tumpu, aku i hangkatmo tinimbali rasul i Kristus Yesus ka' sinai da mompolele mongkona kantumuu'an anu jinanji'mo nu Tumpu. Kantumuu'an aijo' tinatimantomo, kalana nosa'angu'mo tiba i Kristus Yesus.

2 TIMOTIUS 4:8

Ka' uuka aiya palasen nu ka'untungan nopadeka' nontanda'imo aku. I Sinaa Kakiamatan Tumpu, Mian Kopian anu adin aijo' mompotalimaje palasen aijo' hi belengku, kalana aku tumuu' mompaha ima'mo tiba Tumpu. Ka' misa' ola aku na montalima palasen aijo', panyo suele iwi-iwi' mian anu mongindi hondo montanda'i katokaan nu Tumpu.

TITUS 2:13

Uuka aiya kita hau-haunyomo montanda'i Sinaa anu o ima-imaninto aijo'; i Sinaa aijo' dunia montoaje i Yesus Kristus anu talasanggo; aijo'mo Tumpu Anu Matangkas na Kuasanyo ka' Tomundo anu Momposalamat kita.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.

1 PETRUS 5:4

Ka' de saidi' mae Polaya' Anu Talasanggo aijo' tokamo mae, komiu mohumpakmo makota anu jongkilaban, anu madi' toho' mingkot na jongkilabannyo.

1 YOHANES 2:28

Jadi to ana-anakku, saja' ahi' tumuu' mosa'angu' tiba i Kristus, da saidi' mae de tempo'nyomo Ia toka, kita buke-buke' nu kabaanian na mangadap hi Ia, ka' madi' maninsuluk kalana ma'ambang.

1 YOHANES 3:2

To Utu-utus anu okanonongi! Kita tempo' uuka to ana-anakmo nu Tumpu, panyo mosia na ka'ada'anto saidi' mae ma'isa nanasa. Panyo osumbu'to, saba' de i Kristus tokamo, kita timbalimo sumo Ia, kalana kita montoamo Ia anu sahondo-hondo-Nyo.

1 YOHANES 5:12

Mian anu pinalesayamo hi Anak nu Tumpu, nohumpakmo kantumuu'an aijo'; ka' mian anu madi' palesaya hi Ia, ia madi' ko kantumuu'an aijo'.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.

ANU PINOTO'I HI YOHANES 2:7

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu hi to jama-jama'at! Aha anu noko alamo sinabaan ka' nontahan soba'an, Ku pobee'je mongkaan bua' nu kau' kantumuu'an anu tinumuu' i Kalaja'an Suluga' nu Tumpu.”

ANU PINOTO'I HI YOHANES 22:1

Malaikat aijo' suele nompotoa hi belengku kaunyo anu ueenyo mombee'i kantumuu'an. Uee nu kaunyo aijo' jongkilaban sumo intan ka' mo'ili lengkat mae i kasungan nu Tumpu ka' Anak nu Domba aijo',

ANU PINOTO'I HI YOHANES 22:14

Mohumpak ka'ima'an na mian anu nombaso'imo juba'nyo sampe belesi', ka' sahingga aha ko hakmo mongkaan bua' nu kau' kantumuu'an ka' minsoopmo i uno nu kota aijo' montului sabatan daka' aijo'.