KOLOSE 3:23 - KITAB NU TUMPU ALLA LELE MA'IMAI'

²³ Maumo pa' apaa na kalaja anu obee' hi komiu, tionyo ahi' okalaja miu nu kinyonyoa totu-totu'u, susumo au'aitu Tumpu na tinulutan, ka' misa' ola mian.

KOLOSE 3:23 ပူးပေါင်းရင်းမြစ်များ

2 TAWARIKH 31:21

Apa-apaa na anu tinanga'annyomo obau, pinoko ala nyomo binau kalana kapentingan nu Laigan nu Tumpu ka' mule' montuluti to atu-atulan nu Tumpu, binaunyomo nu kinyonyoa totu-totu'u kalana ia totu-totu'u mongka'ima'i Tumpu Allah-nyo.

MAZMUR 103:1

Nyanyian i Daud. O, puji' na Tumpu, o, santuu'ku buke-buke' na kinyonyoangku, puji' na sanggo-Nyo anu susi'.

MAZMUR 119:10

Totu-totu'u hondo na kinyonyoangku bala usaha monsumbu' Belento, boli opojohok mae na aku dumo mosele madi'mo montuluti palentah nu Belento.

MAZMUR 119:145

Totu-totu'u hondo na kinyonyoangku mongkakase hi Belento; taami mae na aku o, Tumpu, aku montulutimo palentah nu Belento.

MAZMUR 119:34

Balakatiakon mae na aku da mangalati' hi atulan nu Belento da saja' ku tuluti, ka' ku bau nu kinyonyoangku totu-totu'u.

ANU MOMPOLELE POTATAE NU TUMPU 9:10

Baumo na pakalaja'an nu beleyum iwi-iwi' nu kahosonan nu butong nu beleyum. Dumo saidi' mae madi'mo ko pikilan kabai pakalaja'an Madi'mo ko ilimu' kabai kapandean bapikin i dunia nu mian anu sinilakamo. Ka' mokiijo'mo na kalambanan nu beleyum.

YEREMIA 3:10

Salatan nombaumo iwi-iwi' aijo' Yehuda anu madi'mo tinulu-tulutan aijo' ninsusule'mo mae hi beleng-Ku, panyo ola ahi' nimpula-pula kalana kinyonyoanyo madi' ahi' sahondo-hondonyo. Aku, Tumpu notataemo.”

MATIUS 6:16

“De komiu bapuasa', boli mompotoa ohup susa', sumo mian anu mimpula-pula. Aha mombali'i lupa nu ohupnyo da iwi-iwi' na mian monsumbu' au'aitu aha bapuasa'. O inau' aijo'mo na tamboonyo anu tinalimamo nu aha.

ROMA 14:6

Mian anu mompentingkan sinaa-sinaa anu tinantukanmo, mian aijo' mombau sumo aijo' da mompopodaka' Tumpu. Mian anu mongkaan mau mule' pa' apaa, mombau sumo aijo' da mompopodaka' Tumpu, kalana ia montalima kaseh hi Tumpu, saba' nohumpakmo kaanon aijo'. Sumo aijo' mule' tiba mian anu mongkaan ola kaanon anu tinantukanmo; mian aijo' mule' mompopodaka' Tumpu ka' montalima kaseh hi Tumpu.

ROMA 14:8

De kita tumuu', kita tumuu' bau kapentingan nu Tumpu. Ka' de kita silaka, kita mule' silaka bau kapentingan nu Tumpu. Jadi, tumuu' kabai silaka, kita aiya Tumpu na tumpunyo.

EFESUS 5:22

Bengkele', pohongo-hongo hi langkai'um, sumo hi Tumpu.

KOLOSE 3:17

Apaa na anu obau miu iwi-iwi' kabai otaloakon, aijo' obau ka' otaloakon, samata-mata kalana sanggo nu Tumpu Yesus. Montalima kase ahi' hi Tumpu Tuumanto, kalana apaa na anu binaumo i Yesus hi komiu.

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 PETRUS 2:13

Kalana Tumpu, sahingga tionyo ahi' belemiu mati aluk hi batu-batu anu mongkuasai manusia; mau hi Kaisar anu talalo mongkuasai,

1 PETRUS 2:15

Kalana Tumpu mongkahanda'i da anu toto ima-ima' na binau miu, belemiu monggintumimo nganga' nu mian anu basisik ponga'.