KOLOSE 3:22 - KITAB NU TUMPU ALLA LELE MA'IMAI'

²² To Utu-utus anu tinimbalimo posaihon. I uno nu han iwi-iwi', tionyo ahi' tulu-tulutan hi tuan miu anu i dunia aiya. Boli tulu-tulutan hi aha ola de aha hau-haunyo monjagai komiu, kalana komiu mongka'oho' da o puji'. Otuluti na aha nu kinyonyoa anu halala', kalana komiu mongadati Tumpu.

KOLOSE 3:22 ပူးပေါင်းရင်းမြစ်များ

KAJADIAN 42:18

I sinaa ko itolunnyomo i Yusuf notataemo hi aha, “Aku mian anu mabuhuk ka' tulu-tulutan hi Tumpu Allah. Belemiu madi' opoposia asan mombatuki atulanku.

NEHEMIA 5:15

Iwi-iwi' na gubernur anu nompalentahmo momona ma'isa pe'e aku nompalentah, tinimbalimo tanggungan nu mian da'isan kalana aha montuntut patompulu' na doi salaka, na otalima sansinaa pombayan anu o kaan ka' anggur. Pakalaus mule' to mia-mian anu kopangkat aijo' hi aha suele nonsakisamo mian da'isan. Panyo aku madi' mongka'oho' mombau sumo aijo' kalana aku mabuhuk hi Tumpu Allah.

NEHEMIA 5:9

Lantas po'ule'mo aku notatae, “Apaa na anu binaumo nu belemiu aijo' madi' ma'ima'! Ola ahi' sabenannyo belemiu tumuu' mabuhuk hi Tumpu Allah. Tiba jalan anu sumo aijo' sampobali'to anu madi' palesaya hi Tumpu aijo' madi' obee'i nu belemiu kasampatan mompopo'ambang kita.

MAZMUR 123:2

Susumo samian na posaihon ola taha'iman hi tuannyo, ka' samian na posaihon boune suele ola taha'iman hi nyonyanyo, sumo aijo'mo na kami montanda'i Belento, o, Tumpu, Tumpu mami, sahingga Belento mongkalibosimo mae kami.

ANU MOMPOLELE POTATAE NU TUMPU 12:13

Salatan iwi-iwi' pinotutugakonkumo; aiyamo na kasingkatannyo nu anu ihumpaku. Kabuhuk na Tumpu ka' otuluti na palentah-Nyo iwi-iwi'. Kalana makisud aijo' sahingga manusia pinotimbali-Nyomo.

ANU MOMPOLELE POTATAE NU TUMPU 5:7

De montoa polaya' mongkabisa'i mian anu kasiasi boli bangang, mongagoi hak nu aha ka' madi' mombee'i aha ka adilan. Toto samian na pegawenyo nu lindungi nu atasannyo ka' ua-ua aha aijo' na aha nu lindungi nu anu lebe matangkas na pangkatnyo.

ANU MOMPOLELE POTATAE NU TUMPU 8:12

Mau sa'atumo na palabuatan ma'idek binau nu mian baladosa', ia tataap tumuu' ka' mantan na umunnyo. De ihe na tulu-tulutan hi Tumpu Allah tantu kantumuu'annyo madi' susa'.

MALEAKHI 1:6

Tumpu Anu Daka' na kuasanyo notataemo hi to ima-imam, “Samian na anak mongadati tuumanyo, ka' mule' samian na posaihon mongadati tuannyo. Aku aiya Tuuma nu beleyum; kadaka' belemiu madi' mongadati Aku? Aku aiya tuan nu beleyum; kadaka' belemiu madi' mabuhuk hi beleng-Ku? Belemiu mongalu Aku, panyo belemiu mompokilawa, ‘Tiba jalan nosia na kami nongalumo Belento?’

MATIUS 6:22

“Mata, sulu' nu butong. De mataum tontoa, songko-songko na butongum majingka hondo.

MATIUS 8:9

Kalana aku mule' tionyo mohongo i palentah nu Kapala, ka' i aluku daagi' mule' ko sulu-suludadu anu ku palentah, anu tionyo mohongo palentangku. De aku mompalentah samian na suludadu i alukku, ‘Lako'!’ ia suele mamba. Aku montaloakon hi anu sangga'at, ‘Imbo' aiya!’ ia mule' toka; ka' de aku mompalentah posaihonku, ‘Obau na aiya!’ ia mule' mombau.”

LUKAS 6:46

“Ka' kadaka' komiu molaga Aku, ‘Tumpu, Tumpu,’ panyo madi' mombau anu Kupoita hi komiu?

LUKAS 7:8

Kalana aku suele ta'aluk i palentah anu i bawongku, ka'i alukku daagi' suele ko to sulu-suludadungku anu tionyo mohongo palentangku. De aku mompalentah samian na suludadu, ‘Lako'!’ ia mule' mamba; ka' de aku montaloakon hi sangga'at. ‘Imbo' aiya!’ ia mule' toka. Ka' de aku mompalentah posaihonku, ‘Bau na aiya!’ ia tionyo mombau.”

SISIKON NU TO RASUL-RASUL 2:46

Toka sansina-sinaa aha saja' silimu' i Laigan nu Tumpu ka' lame' na aha mongkaan hingga-hinggat, ka' aha madi' mombuulakon to lai-laigan nu aha.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.

KOLOSE 3:20

To ana-anak! Anu halus obau miu salaku mian Kristen, saja' montuluti tuuma ka' tina, kalana atina' na momposanang kinyonyoa nu Tumpu.

1 TESALONIKA 2:4

Madi'! Kami madi' motatae da momposanang kinyonyoa nu mian, panyo momposanang kinyonyoa nu Tumpu, anu monguji' kinyonyoa mami. Kalana kami nutaha'imani nu Tumpu timbali mompolele Lele Ma'ima' aijo'.

FILEMON 1:16

Uuka aiya ia misa'mo ola timbali posaihon nu kita Utus; ia misa'mo ola sumo aijo'. Ia atina' sangko mian Kristen anu okanonongi. Ia kinogunanyo hondo hi belengku, lebe-lebe mule' hi beleyum! Tantu ia ko gunanyo hondo salaku posaihon ka' mule' salaku mian anu noto utusmo hi Tumpu!