KOLOSE 3:19 - KITAB NU TUMPU ALLA LELE MA'IMAI'

¹⁹ To Utu-utus anu tinimbalimo langkai' nu mian! Kalibosi na bengkele' miu. Boli olaloasai na aha.

KOLOSE 3:19 ပူးပေါင်းရင်းမြစ်များ

KAJADIAN 24:67

Lapas aijo', i Ishak nomboamo i Ribka ninsoop i uno nu kemah nu tinanyo, ka' ingosoannyomo salaku bengkele'nyo na i Ribka. I Ishak mongkalibosi hondo i Ribka; sahingga kinyonyoa i Ishak sinanangmo mau mule' ia madi'mo ko tinanyo.

ANU MOMPOLELE POTATAE NU TUMPU 9:9

Oa'i ahi' ima-ima' na kasanangan tumuu' tiba bengkele' anu nu kalibosi; i uno nu kantumuu'an nu beleyum anu ola pinalasuma bibine' nu Tumpu hi beleyum i dunia aiya. Oa'i sansina-sinaa maumo ahi' madi' ko gunanyo. Kalana tamboonyo nu lawe nu beleyum olamo atina'.

LUKAS 14:26

“De mian toka hi belengku panyo lebe mongkalibosi tinanyo, tuumanyo, bengkele'nyo, to ana-anaknyo, to utu-utusnyo, ka' suele posi butongnyo, ia madi' moko ala timbali mian anu saja' mombatuki Aku.

ROMA 3:14

Nganga' nu aha saja' montuda'i balaa' ka' laloasa.

EFESUS 4:31

Alinakon na anu o'oa'i moko pasakit na kinyonyoa mongingu ka' pusa. Bolimo daagi' mahaloboo'an ka' solaa' monguduli. Bolimo daagi' ko kinyonyoa mongka'ideki kabai ko kinyonyoa sangga'at anu sumo aijo'.

EFESUS 5:25

Langkai', kalibosi na bengkele'um, pokakana sumo i Kristus mongkalibosi jama'at, ka' nongkulubanakonmo butong-Nyo kalana jama'at aijo'.

EFESUS 5:33

Panyo ayat nu kitab anu sinanggo aijo' daagi' suele ko tuusanannyo tiba komiu: Maunyo ahi' batu-batu langkai' mongkalibosi bengkele'nyo, sumo ia mongkalibosi posi butongnyo, ka' maunyo ahi' batu-batu bengkele' ko'usaha ahi' mongadati langkai'nyo.

KOLOSE 3:21

To Utu-utus anu tinimbalimo tuuma! Boli monsakiti kinyonyoa nu to ana-anak miu, sahingga aha maha polibosanmo.

YAKOBUS 3:14

Panyo de komiu minsihip, mongka'ideki sangga'at, ka' mompentingkan posi butong, boli mombuulakon kapandean aijo', kalana tiba jalan anu sumo aijo' komiu monggeo-geo'akonmo lele anu nolengkat mae hi Tumpu.

1 PETRUS 3:7

Ka' komiu mule' suele to langka-langkai' nu mian, tionyo ahi' tumuu' mangalati' totu-totu'u hi bengkele' miu, ka' sinsumbu' saba' aha atina' mian anu madi' mahoson, o adati na mongatun aha, kalana aha mohingga-hinggat tiba belemiu montalimaje balakat kantumuu'an anu mingkaliangan lengkat mae hi Tumpu. Obau na aiya, da belemiu timbali balado'a.