KOLOSE 3:16 - KITAB NU TUMPU ALLA LELE MA'IMAI'

¹⁶ To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

KOLOSE 3:16 ပူးပေါင်းရင်းမြစ်များ

1 TOMU-TOMUNDO' 3:28

Salatan bansa Israel nohongomo i Salomo nomputusi palakala aijo', aha nompuji'mo ka' nompopodaka'mo ia kalana inyata'mo taalu' Tumpu Allah nombee'imo kapandean hi ia ka' saja' adin na momputusi.

1 TAWARIKH 25:7

Aha uampulu' ka' opat na anak mo'ane nu aha haha aijo' ka' to julu-julu nu aha aijo'mo anu toto pande-pande i musik anu pinogulu'mo. Aha iwi-iwi' 228 na mian.

NEHEMIA 12:46

Salatanmo pe'e tempo'nyo i Tomundo' Daud ka' anu pande hondo i musik aijo'mo i Asaf, to panya-panyanyi nonyanyiakonmo nyanyian bau pompuji' ka' pontalima kase hi Tumpu Allah.

AYUB 23:12

iwi-iwi' na palentah nu Tumpu Allah saja'mo ku tuluti, pongka'oho'Nyo, ku batukimo, ka'misa'mo anu ku ka'ima'i na ku bau.

MAZMUR 119:11

Pangajalan nu Belento ku una'mo i uno nu kinyonyoangku da aku madi' baladosa' hi Belento.

MAZMUR 119:54

Aku tinumuu' ola sasaingoni' i dunia aiya atulan nu Belento binaungkumo nyanyian pompuji'-puji'.

MAZMUR 138:1

Lengkat hi Daud. O, Tumpu, aku montalima kasemo hi Belento, lengkat i kinyonyoangku totu-totu'u. I ahop nu iwi-iwi na to pilo-pilogot aku monyanyimo bau pompuji' Belento.

MAZMUR 28:7

Tumpu na monjagai mae aku ka' anu montinjohi mae aku, aku pinalesayamo hi Ia. Ia nontulungimo mae ka' nompolame'mo kinyonyoangku, aku mompuji'mo Ia nu nyanyian anu bau pontalima kaseh.

MAZMUR 32:7

Belentomo na tampat paninsulukanku, Pinobebasmo nu Belento na aku da madi' tinokan nu kasusa'an. Sahingga aku nontaligalaimo kalana ilame'mo kalana Belento nomposalamatmo mae aku.

MAZMUR 71:23

Aku nontaligalai kalana sinanangmo hondo na kinyonyoa, ka' nonyanyiakonmo bau pompuji' Belento. Santuu'ku ka' butongku manyanyi lame'mo hondo, kalana Belento nomposalamatmo mae aku.

AMSAL 14:8

Mian anu pande monsumbu' mompopikilakon apaa na anu tionyo obau, panyo mian anu ponga' nu akali nu kaponga'annyo.

AMSAL 18:1

Mian anu madi' mongka'oho' mosangalu tiba mian sangga'at alati'nyo ola mompalahatikan posi butongnyo; iwi-iwi' na pikilan nu mian sangga'at madi' nu talima.

NYANYIAN ANU TALASANGGO 1:1

Nyanyian anu talasanggo tinulis i Salomo.

YESAYA 10:2

Tiba jalan anu sumo aijo' belemiu madi'mo mompobee' mian anu kasiasi mohumpak suele hak ka adilan ka' mongagoimo halata' nu aha mian anu singkapmo binalu tiba to ana-anak anu madi'mo ko tuumanyo ka' tinanyo.

YESAYA 26:1

Tempo'nyo aijo' mian monyanyimo nyanyian sumo uuka itano' nu Yehuda: “Mahoson hondo na kota' aiya; Tumpu na nombau benteng-Nyo, i aiya na kita salamat.

YESAYA 30:29

Panyo belemiu mian anu palesayamo Tumpu, saidi' mae lame'mo ka' lewa'mo manyanyi susumo pihi de molame'akon agama. Belemiu saidi' mae bilahimo susumo to mia-mian lumajang mojajalan tiba mian anu mompuhi puloit mamba i Laigan nu Tumpu, anu monsangaja'i Israel.

YESAYA 5:1

Potombihing mae na nyanyianku anu mompantisakon ale' nu anggur nu sangalungku. Sangalungku ko ale' nu anggur isohipi' nu puge'nyo anu molumba'.

YEREMIA 15:16

Belento nompoto'imo mae hi belengku, ka' ihongongkumo na potatae nu Belento toto sa'angu'. Aku aiya belentomo na tumpunyo o Tumpu Allah Anu Balakuasa hondo kalana aijo' sinin na potatae nu belento nomposanangmo ka' nompobilahimo mae aku.

MATIUS 26:30

Lapas aitu, aha nonyanyiakon sa'angu' na nyanyian mompuji'. Ka' lapas aitu, aha nambamo i Bungkutnyo nu Zaitun.

LUKAS 2:51

Lapas aijo' i Yesus nambamo hingga-hinggat ka' aha ninsusule' nokiijo' i Nazaret, ka' nohongo-hongomo aha. Iwi-iwi' aijo' pino'una' nu tina-Nyo i uno nu kinyonyoanyo.

YOHANES 15:7

De komiu saja' mosa'angu' tiba Aku, ka' pangajalan-Ku maninguna' i kinyonyoaum, poita hi Tuuma mau mule' apaa na o kahanda'i miu; anu opoita miu atina' tantu obee'.

ROMA 10:17

Mokonyo aijo' to mia-mian timbali palesaya kalana aha mohongo lele, ka' lele o hongo kalana daagi' ko mian anu mompolele pa' mosia na i Kristus anjo'.

ROMA 15:14

To Utu-utus! Kusumbu' hondo daagi' manjoo' na anu ma'ima' hi komiu. Komiu suele monsumbu' iwi-iwi' aijo', ka' mule' timbali mompaha pogu-pogulu' samian tiba samian.

1 KORINTUS 14:15

Jadi apaa na anu tionyo kubau? Aiya na anu kubau: Aku balado'amo nu rohku, panyo suele balado'amo nu pikilanku. Aku manyanyimo nu rohku, panyo aku suele manyanyimo nu pikilanku.

1 KORINTUS 14:26

Jadi to Utu-utus, apaa na alati'nyo iwi-iwi' aijo'? De komiu silimu' monsombah Tumpu, daagi' ko anu manyanyi, daagi' ko anu mompogulu', daagi' ko anu mompoto'i apa-apaa lengkat mae hi Tumpu Allah, daagi' ko anu basisik nu basa' anu okabangangi, ka' daagi' mule' ko anu montalangkan apaa na anu tinaloakonmo aijo'. Panyo iwi-iwi' aijo' tionyo ahi' obau da bau pompogulu' ka' da bau ka'ima'an nu mian iwi-iwi'.

EFESUS 1:17

Aku nongkakasemo da Tumpunto i Yesus Kristus, Tuuma anu opopodaka' mombee'i Roh-Nyo hi komiu. Roh aijo' mompotimbalije belemiu pande, ka' momponyata'je Tumpu hi komiu, sahingga belemiu monsumbu'mo Ia.

EFESUS 5:17

Boli ponga', panyo oselidiki apaa na anu nukahanda'i nu Tumpu.

EFESUS 5:19

Opake na potatae nu Mazmur, nyanyian pompuji-puji' ka' elok nu nyanyian rohani, i uno nu beleyum ko basi-basisik. Maunyo ahi' komiu mingkinyonyoa lame' na manyanyi mompuji' Tumpu.

EFESUS 5:26

I Kristus nombau sumo aijo' da Ia timbali mompobelesi' jama'at aijo', nu pangajalan-Nyo, ka' aijo' tinanda'anmo nu uee palamandian, da lapas aijo' timbalimo Nu potalima hi Tumpu.

KOLOSE 1:28

I Kristusmo atina' na anu opolele mami toka hi toto samian. Kami mompotuka' ka' mompagala hondo-hondo mompogulu' aha iwi-iwi'. Kahanda' mami aijo'mo da batu-batu mian timbali oboa hi Tumpu Allah, sumo mian anu motu'amo na pikilan i uno nu hahan rohani, kalana nosa'angu'mo tiba i Kristus.

KOLOSE 1:9

Mokonyo aijo' kami saja' mondo'akon komiu salatanmo pe'e kami nohongo komiu. Pinoita mami hi Tumpu, da Roh nu Tumpu Allah mombee'i kapandean ka' da mangalati', sahingga komiu monsumbu' totu-totu'u kahanda' nu Tumpu.

KOLOSE 4:6

Hahan anu otaloakon miu aijo' tionyo ahi' saja' momposanang kinyonyoa ka' nu ka'ima'i nu mian. Tionyo ahi' osumbu' miu mosia na sabenannyo komiu montaami hahan anu nu pokilawa nu mian.

1 TESALONIKA 1:8

Kalana tinampu'unan lengkat mae hi komiu, na lele mongkona Tumpu tinogilelemo toka-toka i Makedonia ka' i Akhaya. Ka' misa' ola aitu; panyo lele mongkona mosia na komiu palesaya hi Tumpu Allah tinokamo iyaya mae, sahingga kami madi'mo palalu montaloakon apa-apaa.

1 TESALONIKA 4:18

Kalana aijo' tionyo ahi' komiu mompaha poho-pohoson kinyonyoa ka' mompake potatae haha aijo' sumo uuka.

2 TESALONIKA 3:15

Panyo boli ahi' mombau ia sumo anu mompaha idek, ola ahi' opokinde'i na ia sumo samian na utus.

1 TIMOTIUS 6:17

Hi to mia-mian anu kaya i dunia aiya tionyo ahi' nupoita nu beleyum da aha boli kobubuun, ka' boli montaha'imani to paka-pakakas anu madi' tataap – sumo hannyo nu kakaya'an. Aha tionyo montaha'imani Tumpu anu nombee'imo molabi-labi iwi-iwi na apaa hi kita, da olasainto.

2 TIMOTIUS 3:15

Beleyum tionyo ahi' monginau', saba' daagi' pe'e ise' beleyum nonsumbu'mo Kitab nu Tumpu. Kitab nu Tumpu aijo' timbali mombee'i beleyum pangalati'an da mohumpak kasalamatan montului jalan palesaya hi Kristus Yesus.

TITUS 3:6

Tumpu nombee'imo mae Roh-Nyo hi kita kalana pakalaja'an i Yesus Kristus, Tomundo anu Momposalamat kita,

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

YAKOBUS 5:13

De itina' hi komiu daagi' ko anu hau-haunyo susa', tionyo ahi' ia balado'a. De ko anu lame', panyanyi na ia ka' puji' na Tumpu.

1 YOHANES 2:14

Aku nontulismo toka hi belemiu, to Ana-anak kalana komiu nonsumbu'mo Tumpu Tuuma. Aku nontulismo toka hi belemiu to Tutuuma, kalana komiu nonsumbu'mo Potatae nu Tumpu anu polo-polo'mo daagi' salatanmo pe'e i momonanyo. Aku nontulismo toka hi komiu to Oli-olitau, kalana komiu mahoson. Potatae nu Tumpu Allah itina' i uno nu kinyonyoa miu, ka' komiu nohungku'imo Anu Ma'idek.

1 YOHANES 2:24

Kalana aijo', lele anu i hongomo miu salatanmo pe'e momonanyo komiu pinalesayamo tionyo ahi' o toongi miu ma'i-ma'ima' i uno nu kinyonyoa. De lele aijo' o toongimo miu ma'i-ma'ima', komiu saja'mo tumuu' mosa'angu' tiba Anak ka' tiba Tuuma.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.

2 YOHANES 1:2

Kalana Tumpu utumo i uno nu kinyonyoanto, ka' saja'mo mombaya'i kita sampe toka sidu-sidutu'.

ANU PINOTO'I HI YOHANES 14:3

I ahop nu kasuhangan ka' opat na malaikat tiba to pola-polaya' anu nontikubi kasuhangan aijo', 144.000 na mian aijo' nonyanyiakonmo sa'angu' na nyanyian anu sala'je i nyanyi. Nyanyian aijo' madi' opoko ala ogulu'i mau mule' pa' ihe de misa' aha anu 144.000 na mian aijo' anu pinobebasmo mae i dunia.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.