KOLOSE 3:11 - KITAB NU TUMPU ALLA LELE MA'IMAI'

¹¹ Salaku kasawe'annyo, aijo'mo iwi-iwi' na anu sangalasan hi mian Yahudi ka' misa' Yahudi, mian basunat ka' mian anu madi' basunat, pinokakanamo mian anu i salipu'an ka' mian anu madi' monsumbu' adat, posaihon ka' mian bebas, kalana iwi-iwi' kiijo'mo hi Kristus, ka' Ia nosa'angu'mo tiba aha iwi-iwi'.

KOLOSE 3:11 ပူးပေါင်းရင်းမြစ်များ

MAZMUR 117:2

Kalana daka' hondo na kalibosan nu Tumpu hi kita, kanonongan-Nyo tataap sampe toka sidu-sidutu'. O puji' na Tumpu!

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

YESAYA 52:10

Tumpu mompotoamo kakuasa'an-Nyo, i ahop nu mata iwi-iwi' na bansa. Sahingga songko-songko na dunia timbalimo monsakisi'i kasalamatan anu lengkat mae hi Tumpunto.

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

YEHEZKIEL 47:22

ka' tano' aijo' timbalimo belemiu na tumpunyo sampe toka sidu-sidutu'. Aha mian anu lengkat mae isalipu'an anu jojoongmo tataap atina' hi belemiu, ka' ko anakmo anu ihampe itina', tionyo ahi' suele mohumpak bahagian tano' aijo'. Aha o'anggapmo ahi sa'a-sa'angumo na bansa tiba bansa Israel, ka' aha suele mohumpakmo ahi' undian da timbali mohumpak tano' de mombagimo tano' na to tulu-tulunan nu bansa Israel.

HOSEA 2:23

Ku bauje na mian-Ku anu palesayamo da tumuu'mo sanang, ka' tataapmo ilipu' nu aha. Kona hi aha anu osanggohi ‘Anu Madi' Okalibosi’ ku potoaje saba aha Kukalibosi ahi', ka' hi aha anu osanggohi ‘Misa' mian-Ku anu palesayamo’ Ku taloakonje, ‘Belemiu mian-Ku anu palesayamo’. Aha montaamije sumo uuka, ‘Beleyumo na Tumpu mami!’ ”

AMOS 9:12

Mian nu Israel mongkuasaimo lipu' nu Edom anu daagi' tuha'nyo ka' iwi-iwi' na bansa anu u'utu mae Aku na tumpunyo. Aku, Tumpu na notatae ka' Aku na mombau han aijo'.”

MIKHA 4:2

aha iwi-iwi' motataemo, “Imbo' da kita mamba mindako mokiita' i puge'nyo nu Tumpu i Laigan nu Tumpu Israel! Ia nompogulu'mo hi kita apaa na anu tionyo ahi' obaunto. Kita mombatukimo pangajalan-Nyo kalana pangajalan nu Tumpu lengkat mae i Yerusalem; kiita mae i Sion Ia notataemo hi mian-Nyo anu palesayamo.”

ZAKHARIA 2:11

Tempo'nyo aijo' manjoo'mo na bansa anu tokamo mae hi Tumpu da timbalimo mian anu palesayamo hi Ia. Ia jojoongmo atina' hi belemiu ka' mule' osumbu'je nu belemiu talu' Tumpu nompalentahmo mae aku da toka hi belemiu.

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 15:5

Akumo na kau' anggur, ka' komiu na to panga-panga'nyo. Mian anu saja' mosa'angu' tiba Aku, ka' Aku tiba ia, tionyo mimbua' mahampe; kalana de madi' tiba Aku, komiu madi' moko bau apa-apaa.

YOHANES 17:23

Aku tiba aha, ka' kita Tuuma tiba Aku, da aha totu-totu'u sa'a-sa'angu'. Sahingga dunia monsumbu' taalu' kita Tuuma na nonsai mae Aku, ka' taalu' kita Tuuma mongkalibosi aha, sumo kita Tuuma mongkalibosi Aku.

SISIKON NU TO RASUL-RASUL 15:17

da iwi-iwi' na mian anu tinasisa aijo' molio Tumpu, tiba iwi-iwi' bansa sangga'at anu misa' Yahudi anu i lagang-Kumo da timbalimo Aku na tumpunyo.’

SISIKON NU TO RASUL-RASUL 28:2

Mian anu monjoongi togong aijo' lame' hondo hi kami. Aha nolabot kami iwi-iwi' ma'ima' hondo ka' nomposuuni apu bau kapalaluan kami, kalana ujan tinudunmo ka' tempo'mo nu bakin.

SISIKON NU TO RASUL-RASUL 28:4

Salatan mian anu monjoongi togong aijo' nontoa ulo kala-kalayo' i lima i Paulus, aha notatae samian ka' samian, “Mian aiya tantu saja' nompatei, kalana maumo ia madi' binahaya i ambai, Pilogot Boune anu Adin madi' mompobee' ia tumuu'.”

ROMA 1:14

Kalana aijo' aku ko kahanda' mamba i songko-songko na bansa; anu monsumbu'mo atulan tiba anu ma'isa monsumbu' atulan, anu nosikolahmo tiba anu ma'isa nosikolah.

ROMA 10:12

Aijo' kona hi mian iwi-iwi', kalana madi' o posi posangalasan mian nu Yahudi tiba to mia-mian bansa sangga'at. Tumpu anu sa'a-sa'angu'nyo, aijo'mo na Tumpu nu mian iwi-iwi'. Ia mombee'i balakatnyo molabih-labih hi iwi-iwi' na mian anu momoita tulung hi Ia.

ROMA 3:22

saba' Tumpu nombaumo da mian timbali mompaha ima' tiba Ia, de mian palesaya hi Yesus Kristus. Tumpu nombau sumo aijo' kona hi iwi-iwi' mian anu palesaya hi Yesus Kristus; kalana madi' oposi posangalasan na samian ka' samian.

ROMA 3:29

Kabai o, Tumpu aijo' ola Tumpu nu mian Yahudi? Te misa' Ia suele Tumpu nu bansa sangga'at? O, memang Ia suele Tumpu nu bansa sangga'at!

1 KORINTUS 12:13

Sumo aitumo na kita iwi-iwi', mian nu Yahudi kabai misa' mian nu Yahudi, to posa-posaihon kabai to mia-mian bebas; kita iwi-iwi' pinalamandikanmo nu Roh-mo ai-aijo', da kita oposa'angu' hi butong i Kristus aijo'. Kita iwi-iwi' suele mongoa'i kuasa nu Roh anu sa'a-sa'angu'mo aijo' sampe sukup.

1 KORINTUS 14:11

Panyo de aku madi' mangalati' i basa' anu tinaloakon nu toto samian, saba' mian anu mompake basa' aijo' pokakanamo mian anu i salipu'an na basisik hi belengku; sumo aitu mule' aku toka hi ia.

1 KORINTUS 7:19

Kalana mohongo-hongo atulan nu sunat kabai madi' mohongo-hongo, ohu-ohua' aijo' bubuu' madi' ko alati'nyo apa-apaa. Anu penting mohongo-hongo palentah nu Tumpu.

GALATIA 2:20

Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku.

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

EFESUS 1:23

Jama'at aijo'mo na butong i Kristus, Ia na nompokopiani, anu nompokopianimo iwi-iwi' maumo pa' iyaya mae.

EFESUS 2:14

Kalana i Kristus na nompodamemo kita. Ia nomposa'angu'mo to mia-mian nu Yahudi ka' to mia-mian misa' Yahudi tinimbalimo sa'a-sa'angu' na bansa. Mesen anu nongga'at aha i olotnyo, aijo'mo po'uwalian i hobo'akonmo i Kristus nu butong-Nyo kinolobanakon.

EFESUS 2:15

Atulan nu agama Yahudi tiba to pale-palentah, ka' anu nu atun nu atulan i hapusmo i Kristus da ohua' na bansa aijo' timbalimo sa'angu' na bansa mian bu'ou, anu nosa'angu'mo tiba Ia. Jalan aijo' na binau i Kristus bau pompodame.

EFESUS 3:17

Ku'amalakon kalana komiu pinalesayamo hi Kristus, i Kristus jojoongmo i uno nu kinyonyoa miu, ka' kantumuu'an miu mompintoongimo ka' nu kuasaimo nu kalibosan.

EFESUS 3:6

Lahasia aijo', atina'mo: Montului Lele Ma'ima' aijo', mian anu misa' Yahudi suele mongoa'i to bala-balakat nu Tumpu anu naipuan mae pinotouka ola bau kapentingan nu mian Yahudi. To mia-mian anu misa' Yahudi pinotimbalimo ka' pinosoopmo sambu-sambutong, ka' suele mohumpakmo apaa na anu jinanji'mo nu Tumpu hi Kristus Yesus.

EFESUS 6:8

Jaga saba' batu-batu mian, mau mule' botuan kabai mian bebas saidi' mae montalima pombalosi lengkat mae hi Tumpu mongkona hahan anu ma'ima' apaa na anu binaunyomo.

KOLOSE 2:10

Ka' kalana kantumuu'an nosa'angu'mo tiba i Kristus, komiu mule' binee'anmo kantumuu'an anu sukup. Kalana i Kristus na mompalentah to roh-roh anu ko kuasa ka' anu mompalentah.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.

2 YOHANES 1:9

Mian anu madi' montoongi pangajalan i Kristus, ka' ola mule' monggeo-geoakon apaa na ingajanakonmo i Kristus, mian aijo' madi' ko Tumpunyo. Mian anu tataap i uno nu pangajalan i Kristus, alati'nyo daagi'mo ko Tumpu Tuuma ka' mule' Anak.