KOLOSE 3:10 - KITAB NU TUMPU ALLA LELE MA'IMAI'

¹⁰ Komiu uuka aiya binee'anmo kantumuu'an anu bu'ou. Komiu mian anu binu'oumo anu hau-haunyo saja' opotimbali bu'ou nu anu Nompotimbali, aijo'mo Tumpu, montiho tuladan nu butongnyo. Kahanda'nyo aijo'mo da komiu monsumbu' Tumpu anu sahondo-hondonyo.

KOLOSE 3:10 ပူးပေါင်းရင်းမြစ်များ

KAJADIAN 5:1

Aiyamo na daputan nu lee' i Adam. (Tempo'nyo aitu Tumpu Allah nompotimbalimo manusia, binau-Nyomo na aha susumo Tumpu Allah.

AYUB 29:14

Iwi-iwi' na anu binaungkumo madi' tageo' ka' madi' koalunyo; aku saja' montinjohakon ka'adilan.

MAZMUR 51:10

Sahanyo aku sola'mo mohongo lele anu lame', da kinyonyoa anu ihansunanmo nu Belento aiya po ule' ahi' montaligalai.

YESAYA 52:1

Pobulamo o, Yerusalem, pobulamo! Pohoson na kinyonyoa nu beleyum! Pusokmo na baju' pesalin nu beleyum! O, Yerusalem, kota' anu susi', mian anu mahumimi' madi'mo daagi' minsoop i sabatan daka' nu belemiu.

YESAYA 59:17

Ia nompake ka'adilan ka' kasalamatan, salaku baju' besak ka' songko' anu ko aja'nyo. Ia ko kahanda' mompokopiani kaadaan ka' mombalosi anu madi' adin.

YEHEZKIEL 11:19

Aha Ku bee'ije kinyonyoa anu sangalasan ka' mule' pikilan anu sangalasan, madi'mo pokakana sumo anu ihikuhakonmo. Kinyonyoa nu aha anu nokuutmo susumo batu Ku alamo ka' Ku bolosimo nu kinyonyoa anu tulu-tulutan hi beleng-Ku.

YEHEZKIEL 18:31

Bolimo daagi' mombau iwi-iwi' na palabuatan ma'idek anu sola'mo binau nu belemiu, ka' sahanyo kinyonyoa tiba pikilan nu beleyum timbalimo ahi bu'ou. Kadaka' belemiu tionyo ahi' silaka?

YEHEZKIEL 36:26

Jadi belemiu Ku bee'imo kinyonyoa anu bu'ou ka' mule' pikilan anu bu'ou. Kinyonyoa nu beleyum anu nokutmo susumo batu aijo' Ku bolosimo nu kinyonyoa anu tulu-tulutan.

YOHANES 17:3

Aiyamo na kantumuu'an kopian ka' toka sidu-sidutu'; da mian monsumbu' kita Tuuma, ola sa'a-sa'angu'nyomo na Tumpu anu totu'u, ka' monsumbu' i Yesus Kristus anu sinai mae nu kita Tuuma.

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

ROMA 13:12

Pihi ko mingko-mingkotnyomo; ka' daagi' sasaidi' majingkamo. Jadi, sahanyo kita bolimo solaa' mombau anu i uno nu pintung. Kita tionyo montoukaimo butongto nu toongon ponjagai butong aijo'mo jingka.

ROMA 13:14

O'asanakon hi Tumpu Yesus Kristus na mompotantu apaa na anu tionyo o bau miu. Ka' boli mombatuki kalakuan nu mian anu baladosa', kahanda' mati ko osai napisu.

ROMA 6:4

Tiba palamandian aijo' kita ilamunmo tiba i Kristus ka' sinilakamo hingga-hinggat tiba Ia, da sumo i Kristus sinilaka po'ule' pinotumuu' kuasa nu Tuuma anu daka', sumo aitumo mule' na kita timbali monjalani sa'angu' na kantumuu'an anu bu'ou.

ROMA 8:29

Aha anu pinile'anmo nu Tumpu, pinoko tantukanmo lengkat pe'e i imomoonanyo da timbali pokakana sumo Anak-Nyo, aijo'mo i Yesus Kristus. Kalana aitu Anak aijo' timbalimo anu tongkoimoona hi aha anu moto utus manjoo'.

2 KORINTUS 3:18

Uuka aiya ohupto iwi-iwi' madi'mo kinukumbungan nu kukumbung, ka' kita monjingkakonmo lonyingkaban nu i Tumpu Yesus. Ka' kalana aijo' kita saja' obali'i susumo ia lebe pin lebe timbalimo lonyingkaban na kita. Anu mompolonyingkaban aijo' lengkat mae hi Roh, ka' Roh aijo'mo na Tumpu.

2 KORINTUS 4:16

Mokonyo aijo' kami madi' ma'osa. Mau mule' kantumuu'an i dunia aiya, kami ko ide-ideknyomo, panyo kinyonyoa mami toka sansina-sinaa saja' opotimbali bu'ou.

2 KORINTUS 4:6

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.

2 KORINTUS 5:17

Mian anu nosa'angu'mo tiba i Kristus tinimbalimo mian bu'ou totu-totu'u. Anu pini-pininmo imadi'anmo – iwi-iwi' tinimbalimo bu'ou.

GALATIA 3:27

Komiu iwi-iwi' pinalamandikanmo nu sanggo i Kristus, jadi komiu nontalimamo i butong miu sipat-sipat i Kristus.

GALATIA 6:15

Sinunat kabai madi' sinunat, aijo' madi' palalu. Anu palalu aijo'mo timbali manusia bu'ou.

EFESUS 2:10

Kita, Tumpu na nompotimbali, ka' kalana palesaya hi Kristus Yesus, Tumpu nompotimbalimo kita, da kita mombau hahan anu ma'ima', anu tinoukan-Nyomo da o baunto.

EFESUS 2:15

Atulan nu agama Yahudi tiba to pale-palentah, ka' anu nu atun nu atulan i hapusmo i Kristus da ohua' na bansa aijo' timbalimo sa'angu' na bansa mian bu'ou, anu nosa'angu'mo tiba Ia. Jalan aijo' na binau i Kristus bau pompodame.

KOLOSE 3:12

Kita Utus mian anu palesayamo hi Tumpu. Tumpu nongkalibosimo komiu ka' nompile'imo da timbali iamo samata-mata na tumpu-Nyo. Mokonyo aijo' komiu tionyo ahi' mompotoa kalibosan, komiu tionyo ahi' manonong, boli kobubuun, motatae madi' ko pesa-pesa, ka' sabaan na mongoa'i sansala.

KOLOSE 3:14

Ka' anu talalo hondo penting, aijo'mo: Komiu tionyo ahi' mompaha kali-kalibosi, kalana kalibosan aijo' na momposa'angu' to Utu-utus iwi-iwi' sahingga timbali mian anu sahondo-hondonyo.

FILEMON 1:6

Aku balado'a mongamalakon da poto utusanto salaku to mia-mian anu pinalesayamo mohasinakon pangalati'an lebe daka' i iwi-iwi na balakat anu daagi'mo hi kita kalana nosa'angu'mo tiba i Kristus.

IBRANI 6:6

Panyo lapas aijo' aha moteba'mo! Madi'mo po'ule' opoko ala o'ajan na aha da balatobat i to dosa-dosa' nu aha. Kalana aha po'ule' mule' nonsalib Anak nu Tumpu ka' nonsaduakonmo Ia pinopo' ambang i ahop nu mian da'isan.

1 YOHANES 2:3

De kita tulu-tulutan hi iwi-iwi' na palentah nu Tumpu, aijo'mo na tandanyo taalu' kita nonsumbu'mo Tumpu.

1 YOHANES 2:5

Panyo mian anu tulu-tulutan i potatae nu Tumpu, mian aijo' mongkalibosi Tumpu totu-totu'u. Aijo'mo na tandanyo taalu' kita tumuu' nosa'angu'mo tiba Tumpu.

ANU PINOTO'I HI YOHANES 21:5

Lantas Ia anu sinumuhang aita' i kasuhangan aijo' notataemo, “Tempo' uuka Aku mompotimbalimo iwi-iwi' bu'ou!” Ia notatae mule' hi belengku, “Tulismo na aiya, kalana potatae haha aiya totu'u ka' timbali opalesaya.”